कोभिड नेपाल: सङ्क्रमण दर २५ प्रतिशत, थप ४४ सय सङ्क्रमण, ९२ जनाको मृत्यु

नेपालमा विगत २४ घण्टामा ४,४७२ जना कोभिड बिरामी थपिएका छन्।

त्यस्तै सो अवधिमा थप ९२ जनाको मृत्यु पुष्टि भएको स्वास्थ्य तथा जनसङ्ख्या मन्त्रालयले सोमवार जनाएको छ।

कुल १७,९०३ नमुना परीक्षण गर्दा सो सङ्ख्यामा कोरोनाभाइरस सङ्क्रमण देखिएको हो। तीमध्ये ५,९०२ एन्टिजन परीक्षण हो जसबाट १,१०२ जनामा सङ्क्रमण पुष्टि भएको मन्त्रालयको तथ्याङ्क छ।

थप ६,९५१ जना भने सङ्क्रमणमुक्त भएको मन्त्रालयले जनाएको छ।

सो अवधिमा परीक्षण गरिएकामध्ये २५ प्रतिशतमा सङ्क्रमण देखिएको छ।

नेपालमा पीसीआर परीक्षणबाट कुल सङ्क्रमित सङ्ख्या पाँच लाख ९१ हजारको हराहारीमा पुगेको छ जसमध्ये अहिले ७८,३६४ जनामा सक्रिय सङ्क्रमित छन्। कुल सङ्क्रमितमध्ये ३९ प्रतिशत महिला हुन्।

कुल सङ्क्रमितमध्ये ८४ प्रतिशत निको भएका छन् भने १.३५ प्रतिशत सङ्क्रमितको मृत्यु भएको छ। बाँकी सक्रिय सङ्क्रमित छन्।

अहिलेसम्म कुल ७,९९० जनाको मृत्यु भइसकेको छ।

सोमवार सङ्क्रमण पुष्टि भएकामध्ये सबैभन्दा धेरै काठमाण्डू जिल्लाका छन्।

राजधानीका ७९० जनासहित भक्तपुरका १३५ जना र ललितपुरका १९० जना गरी काठमाण्डू उपत्यकामा थप १,११५ जना सङ्क्रमित थपिएका छन्।

नेपालका ७७ मध्ये ४७ जिल्लामा अहिले ५०० भन्दा धेरै सक्रिय सङ्क्रमित रहेका छन् भने थप १३ जिल्लामा २०० भन्दा बढी सक्रिय सङ्क्रमित रहेका छन्।

सक्रिय सङ्क्रमितमध्ये ७,१८० जना संस्थागत आइसोलेशनमा छन्। तीमध्ये १,४३४ आईसीयूमा र ३९७ जना भेन्टिलेटरमा रहेका छन्।

कोभिड भएर अस्पताल जानुपर्ने भए के गर्ने?

कोभिड-१९ भएका बिरामीले अस्पताल जानुपर्ने भए वा शय्या आवश्यक परे यी नम्बरमा सम्पर्क गर्न स्वास्थ्य मन्त्रालयले सुझाव दिएको छ -

एम्बुलेन्स सेवाको लागि -

यी नम्बरहरू चौबीसै घण्टा खुल्ला रहने बताइएको छ।

यो पनि हेर्नुहोस्