तपाईँ अहिले हाम्रो वेबसाइटको थोरै डेटा प्रयोग हुने ‘टेक्स्ट-ओन्ली’ साइटमा हुनुहुन्छ। सबै तस्बिर र भिडिओसहित मूल वेबसाइटमा जान यहाँ क्लिक गर्नुहोस्।

मूल वेबसाइट तथा पूरा संस्करणमा जानुहोस्।

हाम्रो वेबसाइटको थोरै डेटा प्रयोग हुने संस्करणबारे थप जान्नुहोस्।

रुसले अस्थायी युद्धविराम पालना नगर्दा सर्वसाधारणले सहर छोड्न नपाएको युक्रेनको आरोप

युक्रेनका दुई सहरबाट नागरिकलाई सुरक्षित बाहिरिन दिन सहमति गरिएको युद्धविराम रुसले पालना नगरेको किएभको आरोप छ भने रुसी रक्षा मन्त्रालयले युक्रेनी सेनाले नागरिकलाई सहर छोड्न नदिएको दाबी गरेको छ।

लाइभ कभरेज

युक्रेन-रुस युद्धसम्बन्धी ताजा घटनाक्रम के छन्?

शुभप्रभात।

युक्रेन-रुस युद्धसम्बन्धी लाइभ पेजमा स्वागत छ। अन्य दिनजस्तै आज शनिवार पनि हामी दिनभरि यो पेजमा युक्रेन-रुस युद्धसम्बन्धी घटनाक्रमहरू राख्नेछौँ।

हिजोसम्मका घटनाक्रमका लागि यो पेजमा जानुहोस्।

हिजो रातिदेखि अहिलेसम्मका प्रमुख घटनाक्रम यसप्रकार छन्:

  • नेटोले ‘नो-फ्लाई जोन’ स्थापनाका लागि अस्वीकार गरेपछि युक्रेन राष्ट्रपतिले उक्त सैन्य सङ्गठनका नेताहरूको आलोचना गरेका छन्।
  • रुसले फेसबुकमाथि प्रतिबन्ध लगाएको छ। केही विवरणहरूका अनुसार त्यहाँ ट्विटर र यूट्यूबको पहुँचमा पनि रोक लगाइएको छ।
  • अमेरिकाले संयुक्त राष्ट्र सुरक्षा परिषद्को आपत्कालीन बैठकमा, युरोपको सबैभन्दा ठूलो परमाणु ऊर्जा केन्द्रमा भएको रुसी आक्रमणलाई लापरबाहीपूर्णको संज्ञा दिएको छ।
  • "ईश्वरको कृपाले, हिजो राति सम्भावित एक पारमाणविक प्रकोपबाट संसार बच्यो," संयुक्त राष्ट्र सङ्घका लागि अमेरिकी राजदूत लिन्डा थोमस-ग्रीनफिल्डले भनिन्।
  • परमाणु ऊर्जा केन्द्रका केही भवनहरू आगो लागेपछि रुसी सेनाले केन्द्रलाई कब्जामा लिएको थियो। जसका कारण केहीको मृत्यु र केही घाइते भएको युक्रेनको दाबी छ।
  • तर रुसले त्यहाँ कुनै सुरक्षा खतरा नभएको र केन्द्रमा गोली प्रहार गरेको कुरा "असत्य" भएको बताउँदै आएको छ।
  • अन्तर्राष्ट्रिय अनुगमनकर्ताहरूका अनुसार केन्द्रमा कुनै रेडियोधर्मी पदार्थ नरहेको र सुरक्षित रहेको बताएका छन्।
  • पश्चिमा अधिकारीहरूका अनुसार रुसका तीन कमान्डरहरू अग्रपङ्क्तिमा गएपछि मारिएका छन्।