युक्रेनचा सीरिया होऊ देऊ नका, युक्रेनच्या परराष्ट्र मंत्र्यांचं नाटो सदस्यांना आवाहन

लाईव्ह कव्हरेज

अमृता दुर्वे

1. 4 मार्च 2022

   नमस्कार! मी अमृता दुर्वे

   रशियाने युक्रेनवर केलेल्या हल्ल्याचा आजचा 9वा दिवस आहे. याबाबतचे सगळे अपडेट्स - घडामोडी, फोटो, नकाशे आणि व्हीडिओज या लाईव्ह पेजवरून मी आणि माझे सहकारी तुमच्यापर्यंत घेऊन येऊ.

   आतापर्यंत काय-काय घडलंय? या आहेत महत्त्वाच्या घडामोडी

   • रशियाच्या सैन्यानं झोपोरिजझिया अणूऊर्जा प्रकल्पावर ताबा मिळवला आहे, अशी माहिती युक्रेनच्या प्रशासनानं दिलीय.
   • युक्रेनस्थित झोपोरिजझिया अणूऊर्जा प्रकल्पावर गोळीबार केल्यानं आग लागली होती. त्यानंतर आगीवर नियंत्रण मिळवण्यात युक्रेनच्या अग्निशमन दलाला यश आलं.
   • युक्रेनच्या समुद्रकिनारी एका स्फोटानंतर मालवाहू जहाज बुडलं. एस्टोनियास्थित व्हिस्टा शिपिंग एजन्सी या जहाजाची मालक आहे. एस्टोनिया बाल्टिक देश असून, नेटाचा सदस्य सुद्धा आहे. या देशाची सीमा रशियाला लागून आहे.
   • रशियातील कम्युनिकेशन ऑथोरिटीनं बीबीसीच्या रशियन सर्व्हिसवर वार्तांकनास निर्बंध आणले आहेत. रशियन सरकारच्या RIA या वृत्तसंस्थेनं ही माहिती दिली. बीबीसीसोबत Meduza आणि रेडिओ लिबर्टी या दोन सेवांनाही रशियात ब्लॉक करण्यात आलंय.
   • काँग्रेसचे सरचिटणसी रणदीप सिंग सुरजेवालांनी मोदी सरकारवर टीका केलीय. 'हे देशाचे मंत्री आहेत की, ट्रॅव्हल एजंट?' असं सुरजेवालांनी म्हटलंय.

2. 4 मार्च 2022रशियाने ताब्यात घेतलेलं चेर्नोबिल पृथ्वीवरील सगळ्यांत धोकादायक जागा

3. 4 मार्च 2022हे मंत्री आहेत की ट्रॅव्हल एजंट? काँग्रेसची टीका

   काँग्रेसचे सरचिटणसी रणदीप सिंग सुरजेवालांनी मोदी सरकारवर टीका केलीय. केंद्रीय मंत्री व्ही. के. सिंग यांच्या प्रतिक्रियेचा व्हीडिओ ट्वीट करत सुरजेवालांनी मोदी सरकारवर निशाणा साधला आहे.

   या व्हीडिओत व्ही. के. सिंग युक्रेनमध्ये अडकलेल्या विद्यार्थ्यांना सीमेपर्यंत येण्यासाठी का सांगितलं गेलं होतं, याची माहिती देत आहेत.

   यावरून सुरजेवालांनी टीका केलीय. ते म्हणतात की, हे देशाचे मंत्री आहेत की, ट्रॅव्हल एजंट?

4. 4 मार्च 2022युक्रेनमध्ये कार्यरत असलेली बीबीसीची टीम

   युक्रेनमधली कॅमेऱ्यामागची ही बीबीसी न्यूजची टीम आहे. तुमच्यासाठी रशिया-युक्रेन संघार्षाचे क्षणोक्षणीचे अपडेट पाठवत आहेत.

5. 4 मार्च 2022ब्रेकिंग, रशियाचा झोपोरिजझिया अणूऊर्जा प्रकल्पावर ताबा – युक्रेन

   रशियाच्या सैन्यानं झोपोरिजझिया अणूऊर्जा प्रकल्पावर ताबा मिळवला आहे, अशी माहिती युक्रेनच्या प्रशासनानं दिलीय.

   युक्रेनस्थित झोपोरिजझिया अणूऊर्जा प्रकल्पावर गोळीबार केल्यानं आगीची घटना घडली होती. त्यानंतर आगीवर नियंत्रण मिळवण्यात युक्रेनच्या अग्निशमन दलाला यश आलं.

   मात्र, आता या अणूऊर्जा प्रकल्पावर रशियाच्या सैन्यानं ताबा मिळवल्याची माहिती युक्रेनच्या प्रशासनानं दिली.

   या प्रकल्पातील पॉवर यूनिट्सच्या स्थितीवर संबंधित अधिकारी लक्ष ठेवून असल्याची माहिती स्थानिक प्रशासनानं दिली. रॉयटर्स वृत्तसेवा संस्थेनं ही माहिती दिली.

6. 4 मार्च 2022युक्रेन युद्धात रशियाचं किती मोठं लष्करी नुकसान झालंय?

7. 4 मार्च 2022भर युद्धाच्या काळात युक्रेनच्या नव्या नागरिकांचा जन्म

8. 4 मार्च 2022रोमानियाच्या सीमेवर ज्योदिरात्य शिंदे विद्यार्थ्यांचं स्वागत करताना...

   भारत सरकारमधील चार मंत्री युक्रेनच्या शेजारील देशांमध्ये जाऊन, तिथून भारतीय नागरिकांना मायदेशी पाठवण्याचं नियोजन करत आहेत.

   केंद्रीय मंत्री ज्योतिरादित्य शिंदे हे रोमानियात आहेत. त्यांनी काल (3 मार्च) 219 जणांना रोमानियाच्या सीमेवरील सुसिव्हा इथून भारतात पाठवण्याची सोय केली. या नागरिकांना बुखारेस्टपर्यंत आणण्याऐवजी कमी अंतरावरील सुसिव्हा इथूनच मायदेशी पाठवण्यात आलं.

   या विमानातली बरेचसे नागरिक ओडिसामधील होते. ज्योतिरादित्य शिंदेंनी यातील काही विद्यार्थ्यांशी संवादही साधला.

9. 4 मार्च 2022एअरबीएनबीने रशिया आणि बेलारुसमधील सर्व काम थांबवले

   बेलारुस आणि रशियामध्ये आपण कामकाज थांबवत आहोत असं अमेरिकन कंपनी एअरबीएनबीने जाहीर केलं आहे.

   याची माहिती या कंपनीच्या प्रमुखांनी ट्वीट करुन दिली आहे. एअरबीएनबीसारख्या अनेक कंपन्यांनी असा निर्णय घेतला आहे. युरोपातील अनेक देश, अमेरिका यांनी रशियावर अनेक आर्थिक, वाहतूक निर्बंध लादले आहेत.

10. 4 मार्च 2022युक्रेनच्या समुद्रकिनारी स्फोटानंतर मालवाहू जहाज बुडालं

    युक्रेनच्या समुद्रकिनारी एका स्फोटानंतर मालवाहू जहाज बुडाल्याची घटना घडलीय.

    एस्टोनियास्थित व्हिस्टा शिपिंग एजन्सी या जहाजाची मालक आहे. एस्टोनिया बाल्टिक देश असून, नेटाचा सदस्य सुद्धा आहे. या देशाची सीमा रशियाला लागून आहे.

    किनाऱ्यावर स्फोट झाल्यानंतर जहाज समुद्रात बुडालं. मात्र, हा स्फोट कशामुळे झाला, हे अद्याप स्पष्ट झालं नाहीय.

    या जहाजावरील चालक पथकातील दोन सदस्य आणि इतर चार जणांना युक्रेनस्थित बचाव पथकानं वाचवलं.

11. 4 मार्च 2022रशियाने खारकीव्हच्या या भागात क्लस्टर बाँब टाकला असं सांगण्यात येत आहे.

12. 4 मार्च 2022रशियाने युक्रेनमध्ये क्लस्टर बाँबचा वापर केला, असा आरोप केला जात आहे.

13. 4 मार्च 2022पंतप्रधान मोदींच्या उपस्थितीत बैठक सुरू

    भारताचे पंतप्रधान नरेंद्र मोदी यांच्या उपस्थितीत दिल्लीत रशिया-युक्रेन संघर्षाबाबत बैठक सुरू आहे.

    युक्रेनमधील स्थितीच्या संदर्भात या बैठकीत चर्चा होणार आहे. या बैठकीबाबत केंद्र सरकारकडून अद्याप कोणतीही अधिकृत माहिती देण्यात आली नाही.

    बैठक सुरू झाल्याचा व्हीडिओ एएनआय वृत्तसेवा संस्थेनं सोशल मीडियावर शेअर केला आहे.

14. 4 मार्च 2022रशियात वार्तांकनास बीबीसीवर निर्बंध

    रशियातील कम्युनिकेशन ऑथोरिटीनं बीबीसीच्या रशियन सर्व्हिसवर वार्तांकनास निर्बंध आणले आहेत. रशियन सरकारच्या RIA या वृत्तसंस्थेनं ही माहिती दिली.

    बीबीसीसोबत Meduza आणि रेडिओ लिबर्टी या दोन सेवांनाही रशियात ब्लॉक करण्यात आलंय.

15. 4 मार्च 2022वसईचं मराठी-युक्रेनी कुटुंब युद्‌धभूमीतून कसं बाहेर पडलं?

16. 4 मार्च 2022अणूऊर्जा प्रकल्पातील आग विझवण्यात यश – आपत्कालीन सेवा

    युक्रेनमधील आपत्कालीन सेवेनं अणूऊर्जा प्रकल्पातील आग विझवण्यात यश मिळवलंय.

    झोपोरिजझिया अणूऊर्जा प्रकल्पातील आग विझवण्यात यश आलं असून, या घटनेत कुठलीही जीवितहानी झाली नाही, अशी माहिती युक्रेनकडून देण्यात आलीय.

17. 4 मार्च 2022युक्रेनमधून हे लोक कुत्रे-मांजरं का घेऊन येतायत?

18. 4 मार्च 2022रशियाकडे किती अण्वस्त्रं आहेत?

19. 4 मार्च 2022आज सकाळपासूनचे 5 महत्त्वाचे अपडेट, नमस्कार, रशिया-युक्रेन संघर्षाचे अपडेट आम्ही तुमच्यापर्यंत पोहोचवत आहोत.

    आज रशिया-युक्रेन संघर्षाचा 9 वा दिवस आहे. झोपोरिजझियासह महत्त्वाच्या घडामोडी या संघर्षात आज सकाळपासून घडल्या.

    या घडामोडींवर एक नजर टाकू आणि मग पुढील अपडेट्सकडे वळू.

    • युक्रेनमधील झोपोरिजझिया अणूऊर्जा प्रकल्पाला आग लागल्याची घटना घडली.
    • युरोपातील सर्वात मोठ्या अणूऊर्जा प्रकल्पाला आग लागली असून, जगानं तातडीनं कारवाई करावी, असं झेलेन्स्की म्हणाले.
    • अमेरिकेचे राष्ट्राध्यक्ष जो बायडेन, ब्रिटनचे पंतप्रधान बोरिस जॉन्सन यांनी अणूऊर्जा प्रकल्पावरील गोळीबाराबाबत रशियाचा निषेध नोंदवला.
    • आंतरराष्ट्रीय अणूऊर्जा यंत्रणेनं (IAEA) झोपोरिजझिया प्रकल्पाशी संपर्क साधला आणि प्रकल्पाची सद्यस्थिती जाणून घेतली.
    • अमेरिकेनं न्यूक्लिअर इन्सिडन्ट रिस्पॉन्स टीमला कार्यन्वित केल्याची माहिती अमेरिकेच्या ऊर्जा सचिव जेनिफर ग्रॅनहोम यांनी दिली.

20. 4 मार्च 2022पापणीच्या पंखांत झोपू दे डोळ्यांची पाखरे

    रशियानं आक्रमण केल्यावर युक्रेन संकटात सापडलाय खरा. पण अशा स्थितीमध्येही काही घरांमध्ये आनंदाचे आणि पाठोपाठ काळजीचे संमिश्र वातावरणही पाहायला मिळतंय.