पुतिन यांच्या त्या कार्यवाहीची युरोपाला भीती
फोटो स्रोत, EPA
युरोपियन युनियन ऊर्जेसंदर्भात मोठ्या प्रमाणावर रशियावर अवलंबून आहे. नैसर्गिक वायू विकून रशियाची गंगाजळी भरली जाते. या दोन गोष्टींचं महत्त्व सध्याच्या वर्तमानापासून वेगळं करता येणार नाही.
युक्रेनवर रशियाने हल्ला केल्यानंतर युरोपियन युनियनने रशियावर अनेक निर्बंध लादले. युरोपियन युनियनने रशियाच्या केंद्रीय बँक तसंच रशियाच्या विमानांवर हवाई क्षेत्रात बंदी घातली आहे.
युरोपियन युनियन युक्रेनला शस्त्रास्त्रांचाही पुरवठा करणार आहे. युरोपियन युनियनने रशियाकडून नैसर्गिक वायूची आयात बंद केलेली नाही.
युरोपात नैसर्गिक वायूच्या किंमती आधीच वाढल्या आहेत. नैसर्गिक वायूचा पुरवठा रोखला तर युरोपात किमती गगनाला भिडण्याची शक्यता आहे हे पुतिन यांना माहिती आहे. पुतिन नैसर्गिक वायूचा पुरवठा रोखू शकतात किंवा कमी करू शकतात.
युरोपियन युनियनच्या ऊर्जामंत्र्यांची ब्रसेल्समध्ये आपात्कालीन बैठक होत आहे. युरोपातल्या ऊर्जासंकटासंदर्भात या बैठकीत चर्चा होईल.
युरोपातील ऊर्जासंकटाचं आर्थिक समस्येतून राजकीय समस्येत रुपांतर झालं आहे. पाश्चिमात्य देशांनी रशियावर जाहीरपणे गॅसयुद्ध छेडल्याचा आरोप केला आहे.
युक्रेन संकटामुळे गेल्या सात वर्षातील नैसर्गिक वायूच्या किमती सर्वाधिक वाढल्या आहेत. रशिया आणि सौदी अरेबिया यांच्यातली भागीदारी नाटयमय पद्धतीने वाढीस लागली आहे. रशिया आणि सौदी अरेबिया हे जगातील सगळ्यात मोठ्या तेल उत्पादक देशांपैकी आहे. तेल निर्यातीवर त्यांचं नियंत्रण असतं.
अमेरिका आणि सौदी अरेबिया यांचे संबंध पूर्वीसारखे राहिलेले नाहीत. याच महिन्यात अमेरिकेचे राष्ट्राध्यक्ष जो बायडन यांनी सौदी अरेबियाला तेल उत्पादन वाढवण्याची सूचना केली होती. सौदीने ही सूचना अंमलात आणली तरी महागाई आणि नैसर्गिक वायू किमती कमी होऊ शकतात. यामुळे रशियाचा फायदा मर्यादित होऊ शकतो. पण सौदी अरेबियाने अमेरिकेचं ऐकण्यास नकार दिला.
