पुतिन यांनी आण्विक दलाला दिला ‘स्पेशल अलर्ट’

लाईव्ह कव्हरेज

1. 27 फेब्रुवारी 2022आज दिवसभरात काय काय घडलं?

   

   फोटो स्रोत, Getty Images

   युक्रेन-रशिया संघर्षाचा आज चौथा दिवस होता. आजही बऱ्याच घटना युक्रेनच्या भूमीवर घडल्या. रशियाचे अध्यक्ष व्लादिमीर पुतीन यांनी त्यांच्या आण्विक दलाला दिलेला ‘स्पेशल अलर्ट’ आजची सर्वात मोठी घडामोड मानली जातेय.

   आजचे लाईव्ह अपडेट्स आपण इथेच थांबवतोय. उद्या सकाळी नवीन अपडेट्ससह बीबीसी मराठीच्या वेबसाईटवर भेटू.

   तत्पूर्वी, आज दिवसभरात काय काय घडलं, त्यावर एक नजर टाकूया.

   • रशियाचे अध्यक्ष व्लादिमीर पुतिन यांनी रशियन लष्कराला आदेश दिलाय की, “आण्विक दलाला ‘स्पेशल अलर्ट’वर ठेवावं.”
   • बेलारुसच्यासीमेवररशियाच्याशिष्टमंडळालाभेटण्यासतयार असल्याचे युक्रेनचेराष्ट्राध्यक्ष वोलोदिमीर झेलेन्स्की यांनी पत्रक जारी करत सांगितलं.
   • खारकीव्ह शहराच्या प्रशासनप्रमुखांच्या दाव्यानुसार, युक्रेनच्या सैनिकांनी रशियाच्या सैनिकांशी लढा दिल्यानंतर, पुन्हा एकदा शहरावर युक्रेनचं नियंत्रण अबाधित ठेवलंय.
   • युक्रेनचे राष्ट्राध्यक्ष वोलोदिमीर झेलेन्स्कींनी मागणी केलीय की, संयुक्त राष्ट्राच्या सुरक्षा परिषदेतील रशियाचा मतदानाचा अदिकार काढून घ्यावा.
   • युक्रेन-रशिया युद्ध म्हणजे व्लादिमीर पुतीन यांच्या शेवटाची सुरुवात असल्याचं ब्रिटनच्या परराष्ट्र मंत्री लिज ट्रस यांनी म्हटलंय.

   

   फोटो स्रोत, Getty Images

   • युक्रेननं इंटरनॅशनल कोर्ट ऑफ जस्टीसमध्ये रशियाविरोधात अर्ज दाखल केला असून, युक्रेनवरील आक्रमणासाठी रशियाला जबाबदार ठरवलं गेलं पाहिजे, अशी मागणी त्यात राष्ट्राध्यक्ष झेलेन्स्कींनी केलीय.
   • युक्रेनची राजधानी कीव्ह पासून 30 किलोमीटरवर असलेल्या वासिलकीव ऑईल टर्मिनलला रशियाच्या क्षेपणास्त्राने लक्ष्य केलं. हल्ल्यानंतर लागलेल्या आगीमुळे सगळीकडे धुराचे लोट उठल्याचं दिसतं आहे. कीव्ह शहरात नागरिकांना विषारी हवेपासून वाचण्यासाठी घरातच राहण्याचं आणि दारंखिडक्या बंद करून घेण्याचं आवाहन करण्यात आलं आहे.
   • स्पेस एक्सचे संस्थापक एलॉन मस्क यांनी युक्रेनला मदतीचा हात दिला आहे. रशियाने युक्रेनवर केलेल्या आक्रमणामुळे या देशात इंटरनेट कनेक्टिव्हिटीवर परिणाम झाला आहे. मस्क यांनी स्टारलिंक सॅटलाईट ब्रॉडबँड युक्रेनमध्ये कार्यान्वित केलं आहे.
   • जर्मनी 1000 अँटी टँक हत्यारं आणि 5 जमिनीवरून हवेत मारा करणारी क्षेपणास्त्रं युक्रेनला देणार आहे.

   हे पेज आता थांबवण्यात येत आहे. आजच्या ताज्या घडामोडींसाठी बीबीसी मराठीच्या लाइव्ह पेजला भेट द्या.

2. 27 फेब्रुवारी 2022युक्रेनमध्ये शिकणारे भारतीय विद्यार्थी रात्रभर चालून सीमेवर पोहोचले आणि...

3. 27 फेब्रुवारी 2022ब्रेकिंग, पुतिन यांनी आण्विक दलाला दिला ‘स्पेशल अलर्ट’

   

   फोटो स्रोत, Getty Images

   रशियाचे अध्यक्ष व्लादिमीर पुतिन यांनी रशियन लष्कराला आदेश दिलाय की, “आण्विक दलाला ‘स्पेशल अलर्ट’वर ठेवावं.”

   अमेरिकेनं पुतिन यांच्या या आदेशावर म्हटलंय की, “हे अस्वीकारार्ह पाऊल आहे.”

   याआधी पुतिन यांनी संरक्षणमंत्री सेर्गेई आणि लष्करातील दुसरे सर्वोच्च अधिकाऱ्यांशी बोलताना म्हटलं होतं की, पाश्चिमात्य देशांनी ‘मैत्रीपूर्ण व्यवहार केला नाही’ आणि त्यांच्यावर‘चुकीचे निर्बंध लावले गेले’.

   आण्विक दलाला पुतिन यांनी दिलेल्या आदेशावर नेटो संघटना आणि या संघटनेतील सदस्य देशांची काय प्रतिक्रिया येते, हे पाहणं महत्वाचं ठरेल.

4. 27 फेब्रुवारी 2022ब्रेकिंग, बेलारुसच्या सीमेवर रशियाच्या शिष्टमंडळाला भेटण्यास तयार - युक्रेनचे राष्ट्राध्यक्ष

   

   फोटो स्रोत, Getty Images

   युक्रेनचे राष्ट्राध्यक्ष वोलोदिमीर झेलेन्स्कींनी एक पत्रक जारी करत, आज सकाळी बेलारुसचे राष्ट्राध्यक्ष अलेक्झांडर लुकाशेंकोंसोबत झालेल्या चर्चेची माहिती दिलीय.

   "युक्रेन-बेलारुसच्या सीमेवर प्रिप्याट नदीजवळ रशियाच्या शिष्टमंडळाला कुठल्याही पूर्वअटीविना भेटण्यास युक्रेनचं शिष्टमंडळ जाईल, याबाबत आमची संमती झालीय," असं झेलेन्स्कींनी म्हटलंय.

   "युक्रेनचं शिष्टमंडळाच्या प्रवासादरम्यान, चर्चेदरम्यान आणि तिथून परत येईपर्यंत सर्व विमानं, हेलिकॉप्टर आणि क्षेपणास्त्र बेलारुसच्या धरतीवर असतील, याची जबाबदारी अलेक्झांडर लुकाशेंकोंनी घेतलीय," असंही त्यांनी सांगितलं.

   झेलेन्स्कींनी सकाळीच सांगितलं होतं की, रशियाच्या शिष्टमंडळाला बेलारुसच्या धरतीवर भेटणार नाही. कारण युक्रेनवरील आक्रमण करण्यासाठी त्या धरतीचाही वापर करण्यात आलाय.

   मात्र, रशिया किंवा बेलारुस यांनी या संभाव्य चर्चेबद्दल अद्याप कोणतेच पत्रक जारी केलं नाहीय.

5. 27 फेब्रुवारी 2022युक्रेन-रशिया संघर्ष : बंकरमध्ये गाणी गाणारे भारतीय

   खारकीव्हमध्ये रस्त्यांवर रणगाडे असताना, बंकरमध्ये भारतीय मुलं गाणी गातानाचे व्हीडियो समोर आले आहेत.

6. 27 फेब्रुवारी 2022खारकीव्हमधून रशियाला बाहेर काढलं - युक्रेनचा दावा

   

   फोटो स्रोत, Getty Images

   खारकीव्ह शहराच्या प्रशासनप्रमुखांच्या दाव्यानुसार, युक्रेनच्या सैनिकांनी रशियाच्या सैनिकांशी लढा दिल्यानंतर, पुन्हा एकदा शहरावर युक्रेनचं नियंत्रण अबाधित ठेवलंय.

   रशियाच्या सैन्याला खारकीव्हमधून बाहेर काढल्याचा दावा त्यांनी केलाय.

   याआधी रशियन सैन्य खारकीव्ह शहरात घुसत असल्याचे फोटो आणि व्हीडिओ समोर आले होते. त्यानंतर खारकीव्हमध्ये युक्रेन आणि रशियाच्या सैनिकांमध्ये मोठ्या प्रमाणात संघर्ष सुरू असल्याचेही वृत्त समोर आले होते.

   मात्र, मोठ्या संख्येत सैन्य आणून रशिया खारकीव्हवर हल्ला करू शकते, ही भीती अद्यापही कायम आहे.

7. 27 फेब्रुवारी 2022सुरक्षा परिषदेतील रशियाचा मतदानाचा हक्क काढून घ्या - युक्रेन

   

   फोटो स्रोत, Getty Images

   युक्रेनचे राष्ट्राध्यक्ष वोलोदिमीर झेलेन्स्कींनी मागणी केलीय की, संयुक्त राष्ट्राच्या सुरक्षा परिषदेतील रशियाचा मतदानाचा अदिकार काढून घ्यावा.

   युक्रेनमधील रशियाचं गुन्हेगारी काम ‘नरसंहारा’च्या काठावर पोहोचल्याचंही ते म्हणाले.

   रशिया त्या पाच देशांमधील एक आहे, ज्यांना 1945 साली संयुक्त राष्ट्राच्या सुरक्षा परिषदेचं स्थायी सदस्यत्व देण्यात आलं, जे संयुक्त राष्ट्रात आलेल्या कुठल्याही प्रस्तावात वीटो अधिकाराचा वापर करू शकतात.

   शुक्रवारी संयुक्त राष्ट्रात रशियाच्या युक्रेनमधील कारवाईचा निषेध करण्यात आला, त्यावेली रशियानं वीटोचा वापर केला.

   सुरक्षा परिषदेची स्थापना दुसऱ्या महायुद्धानंतर करण्यात आली होती. भविष्यातील संघर्ष रोखणं आणि शांतता प्रस्थापित करणं हा त्यामागील उद्देश होता. अमेरिका, ब्रिटन, फ्रान्स आणि चीन हे इतर चार स्थायी सदस्य देश आहेत.

8. 27 फेब्रुवारी 2022युक्रेन-रशिया युद्ध म्हणजे पुतीन यांचा अंतारंभ - ब्रिटनच्या परराष्ट्रमंत्री

   

   फोटो स्रोत, Getty Images

   युक्रेन-रशिया युद्ध म्हणजे व्लादिमीर पुतीन यांच्या शेवटाची सुरुवात असल्याचं ब्रिटनच्या परराष्ट्र मंत्री लिज ट्रस यांनी म्हटलंय.

   स्काय न्यूजशी बोलताना त्यांनी म्हटलं की, “आपल्याला कणखरपणे आणि हिंमतीने युक्रेनला लढताना पाहतोय. ब्रिटन युक्रेनला शस्त्र आणि आर्थिक मदत पुरवत राहील.”

   लिज ट्रस असं मानतात की, पुतीन यांनी ‘रणनितीक चूक’ केलीय आणि पाश्चिमात्य देशांनी आणलेल्या निर्बंधांमुळे रशियाच्या अर्थव्यवस्थेवर गंभीर परिणाम होईल.

   मात्र, त्यांनी हेही संकेत दिलेत की, ही लढाई अनेक वर्षांपर्यंत ताणली जाऊ शकते.

   “मला भीती आहे की, हे सर्व लवकर संपणार नाही आणि या युद्धा बरंच रक्त वाहून जाईल,” असंही त्या म्हणाल्या.

9. 27 फेब्रुवारी 2022रशियाविरोधात युक्रेननं आंतरराष्ट्रीय न्यायालयाचे दार ठोठावले

   

   फोटो स्रोत, Getty Images

   युक्रेननं इंटरनॅशनल कोर्ट ऑफ जस्टीसमध्ये रशियाविरोधात अर्ज दाखल केला असून, युक्रेनवरील आक्रमणासाठी रशियाला जबाबदार ठरवलं गेलं पाहिजे, अशी मागणी त्यात राष्ट्राध्यक्ष झेलेन्स्कींनी केलीय.

   राष्ट्राध्यक्ष झेलेन्स्कींनी ट्वीटमध्ये म्हटलंय की, "आम्ही इंटरनॅशनल कोर्ट ऑफ जस्टीसला विनंती करतोय की, रशियाला तातडीनं लष्करी कारवाई थांबवण्यास सांगावी. पुढच्याच आठवड्यात या खटल्याची सुनावणी घ्यावी अशीही अपेक्षा व्यक्त करतो."

   युक्रेनमधील अनेक मोठ्या शहरांमध्ये दोन्ही देशांच्या सैनिकांमध्ये लढाई सुरू आहे.

   X पोस्टवरून पुढे जा

   परवानगी (सोशल मीडिया साईट) मजकूर?

   या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.

   मान्य करा आणि पुढे जा

   सावधान: अन्य वेबसाईट्सवरील मजकुरासाठी बीबीसी जबाबदार नाही.

   X पोस्ट समाप्त

10. 27 फेब्रुवारी 2022रशियाच्या 4300 सैनिकांचा मृत्यू - युक्रेनचा दावा

    

    फोटो स्रोत, Getty Images

    युक्रेनचे उप-संरक्षणमंत्र्यांनी रशियन सैन्यातील मारले गेलेल्यांची आणि नुकसानीची अंदाजे आकडेवारी जारी केलीय.

    युक्रेनचं सैन्य रशियाच्या सैन्याला तोडीस तोड उत्तर देत असल्याचं त्यांनी म्हटलंय.

    कीव्हच्या हन्ना मल्यार यांनी फेसबुकवर म्हटलंय की, हे आकडे संघर्षाच्या सुरुवातीच्या तीन दिवसातील असल्यानं ते बदलूही शकतात.

    युक्रेनच्या दाव्यानुसार रशियाचं नुकसान :

    • 4300 मृत्यू
    • 27 विमान
    • 26 हेलिकॉप्टर
    • 146 टँक
    • 706 शस्त्रयुक्त लढाऊ वाहनं
    • 49 तोफा
    • 1 एअर डिफेन्स सिस्टम
    • 4 ग्रॅड मल्टिपल रॉकेट लाँच सिस्टम
    • 30 वाहनं
    • 60 टँकर
    • 2 ड्रोन
    • 2 होड्या

11. 27 फेब्रुवारी 2022रशियाविरोधात लढण्यासाठी अमेरिका स्वतःचं सैन्य का पाठवत नाहीये?

12. 27 फेब्रुवारी 2022खारकीव्हमध्ये युक्रेन आणि रशियाच्या सैनिकांमध्ये भीषण संघर्ष

    

    फोटो स्रोत, Getty Images

    युक्रेनमधील दुसऱ्या क्रमांकाचं सर्वात मोठं शहर असलेल्या खारकीव्हमध्ये रशियन सैन्य आणि युक्रेनच्या सैन्यात जोरदार लढाई सुरू झाली आहे.

    स्थानिक अधिकाऱ्यांच्या माहितीनुसार, काही तासांपूर्वीच रशियाचे सैनिक खारकीव्ह शहरात पोहोचले.

    रशियाच्या सैनिक खारकीव्ह शहरात दाखल होतानाचे फोटो आणि व्हीडिओ समोर आले होते.

    काही दृश्यात असंही दिसतंय की, रशियाच्या दोन टायगर गाड्यांना आग लागलीय. मात्र, बीबीसीने या दृश्यांना अद्याप दुजोरा दिला नाहीय.

    इमर्जन्सी सर्व्हिसेजने सांगितलं की, नऊ मजली इमारतीला निशाणा बनवण्यात आलं असून, इमारतीचं मोठ्या प्रमाणात नुकसान झालंय. एका वयोवृद्ध महिलेचाही यात मृत्यू झाला. सुरक्षेच्या दृष्टीने इमारतीच्या बेसमेंटमधील 60 लोक जखमी झाले आहेत.

    X पोस्टवरून पुढे जा

    परवानगी (सोशल मीडिया साईट) मजकूर?

    या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.

    मान्य करा आणि पुढे जा

    सावधान: अन्य वेबसाईट्सवरील मजकुरासाठी बीबीसी जबाबदार नाही.

    X पोस्ट समाप्त

    स्थानिक प्रशासनानं लोकांना घरात राहण्याचं आवाहन केलंय. "शेल्टर सोडू नका. युक्रेनचं लष्कर देशाच्या शत्रूंना संपवत आहे. नागरिकांनी रस्त्यांवर येऊ नये."

    युक्रेनकडून सांगण्यात आलंय की, रशियन सैनिकांनी जवळील एक नॅचरल गॅस पाईपलाईन उडवलीय.

    हे सर्व अशावेळी होतंय, जेव्हा कीव्हपासून 30 किलोमीटरवरील वासिलकीव्ह ऑईल टर्मिनलला क्षेपणास्त्रांनी उडवल्यानं तिथून विषारी धूर निघत होता.

    स्थानिक प्रशासनाने विषारी धुराबाबत सतर्कतेचा इशारा जारी करण्यात आलाय. घरांच्या खिडक्या बंद कराव्यात, असं आवाहनही प्रशासनाकडून करण्यात आलंय.

13. 27 फेब्रुवारी 2022मोदींनीही 'अखंड भारता'साठी रशियाचं अनुकरण करावं- सोशल मीडियावर प्रतिक्रिया

14. 27 फेब्रुवारी 2022सकाळपासून आतापर्यंत काय काय घडलं?

    

    फोटो स्रोत, Getty Images

    नमस्कार, युक्रेन-रशियामधील संघर्षाची बित्तंबातमी या लाईव्ह अपडेट्सच्या माध्यमातून तुम्हाला जाणून घेता येईल. युक्रेनच्या भूमीवर घडणाऱ्या प्रत्येक घडामोडीचं वार्तांकन बीबीसी मराठी करत आहे.

    युक्रेन-रशिया संघर्षाचा आज चौथा दिवस आहे. आज सकाळपासून काय काय घडलं, यावर एकदा नजर टाकू आणि पुढील अपडेट्स वेळोवेळी घेत राहू.

    • युक्रेनच्या राजधानी कीव्हवर रशियाकडून मिसाईल हल्ला करण्याची भीती व्यक्त केली जात होती. ही भीती प्रत्यक्षात उतरली नसली, तरी भीती कायम आहे.
    • रशियानं बेलारुसमध्ये युक्रेनसोबत चर्चेचा प्रस्ताव ठेवा. मात्र, युक्रेननं चर्चा करण्यास तयारी दाखवली असली, तरी बेलारुसमध्ये चर्चा करण्यास नकार दिलाय.
    • युक्रेनची राजधानी कीव्ह पासून 30 किलोमीटरवर असलेल्या वासिलकीव ऑईल टर्मिनलला रशियाच्या क्षेपणास्त्राने लक्ष्य केलं. हल्ल्यानंतर लागलेल्या आगीमुळे सगळीकडे धुराचे लोट उठल्याचं दिसतं आहे. कीव्ह शहरात नागरिकांना विषारी हवेपासून वाचण्यासाठी घरातच राहण्याचं आणि दारंखिडक्या बंद करून घेण्याचं आवाहन करण्यात आलं आहे.

    

    फोटो स्रोत, Reuters

    • युक्रेनच्या दक्षिणेकडील नोव्हा काखोव्हाका या शहरावर रशियाने ताबा मिळवला आहे. नोव्हा काखोव्हाका हे छोटं शहर असलं तरी भौगोलिकदृष्ट्या महत्त्वाच्या ठिकाणी वसलं आहे.
    • रशियाच्या लष्कराने युक्रेनमधील खारकीव्ह शहरात प्रवेश केला आहे. खारकीव्ह प्रादेशिक प्रशासनाच्या प्रमुखांनी लाईट मिलिटरी प्रकाराच्या वाहनांनी शहरात प्रवेश केल्याचं सांगितलं.
    • स्पेस एक्सचे संस्थापक एलॉन मस्क यांनी युक्रेनला मदतीचा हात दिला आहे. रशियाने युक्रेनवर केलेल्या आक्रमणामुळे या देशात इंटरनेट कनेक्टिव्हिटीवर परिणाम झाला आहे. मस्क यांनी स्टारलिंक सॅटलाईट ब्रॉडबँड युक्रेनमध्ये कार्यान्वित केलं आहे.
    • जर्मनी 1000 अँटी टँक हत्यारं आणि 5 जमिनीवरून हवेत मारा करणारी क्षेपणास्त्रं युक्रेनला देणार आहे.

15. 27 फेब्रुवारी 2022रशियाशी बेलारुसमध्ये चर्चा करणार नाही- झेलेन्स्की

    

    फोटो स्रोत, Getty Images

    रशियाशी चर्चा करू मात्र ही चर्चा बेलारुसमध्ये करणार नाही असं युक्रेनचे राष्ट्राध्यक्ष वोल्दोमिर झेलेन्स्की यांनी स्पष्ट केलं.

    "रशियाने बेलारुसच्या भूमीवरून युक्रेनवर हल्ला केला नसता तर मिन्स्क या ठिकाणी चर्चा होऊ शकली असती. पण आता बेलारुसमध्ये चर्चा होऊ शकत नाही. मात्र अन्यत्र चर्चेचे पर्याय खुले आहेत", असंही त्यांनी सांगितलं.

    "आम्हाला शांतता हवी आहे, त्यामुळे आम्हाला चर्चा करायची आहे. वॉर्सा, ब्रातिस्लाव्हा, बुडापेस्ट, इस्तंबूल, बाकू- यापैकी कुठेही चर्चा होऊ शकते.

    ज्या शहरातून आमच्यावर क्षेपणास्त्र दागण्यात आली नाहीत अशा कुठेही चर्चेला आम्ही तयार आहोत. तसं केलं तरच योग्य पद्धतीने चर्चा होऊन युद्धविराम होऊ शकेल", असं त्यांनी सांगितलं.

16. 27 फेब्रुवारी 2022मजबूत व्हा, संघर्ष करा, युक्रेनला पाठिंबा असू द्या- युक्रेनच्या संरक्षणमंत्र्यांचं जगाला आवाहन

    X पोस्टवरून पुढे जा

    परवानगी (सोशल मीडिया साईट) मजकूर?

    या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.

    मान्य करा आणि पुढे जा

    सावधान: अन्य वेबसाईट्सवरील मजकुरासाठी बीबीसी जबाबदार नाही.

    X पोस्ट समाप्त

    युक्रेनच्या संरक्षणमंत्र्यांनी जगातील विविध देशांना विविध मार्गांनी युक्रेनला पाठिंबा देण्याचं आवाहन केलं आहे. ओलेस्की रेझनिकोव्ह यांनी लिहिलं की, 72 तासांचा प्रतिकार. जगाने आमच्यावर विश्वास ठेवला नाही. पण आम्ही नुसते उभे राहिलो नाही तर आम्ही संघर्ष केला. रशियाच्या लष्कराला आम्ही टक्कर दिली. घाबरू नका हा संदेश आम्ही जगाला दिला. मजबूत व्हा. युक्रेनला अधिकाअधिक पाठिंबा द्या. तुमची सुरक्षा आमच्या हातात आहे.

17. 27 फेब्रुवारी 2022युक्रेनच्या खनिज तेल, नैसर्गिक वायूसाठ्यांवर रशियाचे हल्ले

    

    फोटो स्रोत, EPA

    रशियाने युक्रेनच्या खनिज तेल आणि गॅस संसाधनांवर चौथ्या दिवशी आक्रमण केलं आहे. युक्रेनच्या अनेक भागातून या संसाधनांवर हल्ले झाल्याच्या बातम्या येत आहेत.

    युक्रेनची राजधानी कीव्ह पासून 30 किलोमीटरवर असलेल्या वासिलकीव ऑईल टर्मिनलला रशियाच्या क्षेपणास्त्राने लक्ष्य केलं. हल्ल्यानंतर समोर आलेल्या व्हीडिओ फुटेजनुसार ऑईल टर्मिनलला लागलेली आग दिसते आहे. हल्ल्यानंतर लागलेल्या आगीमुळे सगळीकडे धुराचे लोट उठल्याचं दिसतं आहे. राजधानी कीव्ह शहरात नागरिकांना विषारी हवेपासून वाचण्यासाठी घरातच राहण्याचं आणि दारंखिडक्या बंद करून घेण्याचं आवाहन करण्यात आलं आहे.

    युक्रेनमधील महत्त्वपूर्ण शहरं आणि या शहरांमधील संवेदनशील ठिकाणांना रशियाने लक्ष्य केलं आहे.

    पूर्व युक्रेनमधल्या रशियाचं समर्थन असलेल्या बंडखोरांनी रोवेंकी नावाच्या शहरातल्या ऑईल टर्मिनल उडवल्याचं वृत्त आहे.

    युक्रेनमधील दुसरं सगळ्यात मोठं शहर खारकीव्हमध्ये नैसर्गिक वायूची नेआण करणाऱ्या पाईपलाईनवर रशियाने हल्ला चढवला. हे शहर रशियाच्या सीमेपासून अगदी जवळच आहे.

    या पाईपलाईनवर हल्ल्या केल्यानंतर रशियातून युरोपला जाणारा नैसर्गिक वायू पोहोचू शकेल का याविषयी साशंकता आहे.

18. 27 फेब्रुवारी 2022नोव्हा काखोव्हाका शहरावर रशियाचं नियंत्रण

    युक्रेनच्या दक्षिणेकडील नोव्हा काखोव्हाका या शहरावर रशियाने ताबा मिळवला आहे. नोव्हा काखोव्हाका हे छोटं शहर असलं तरी भौगोलिकदृष्ट्या महत्त्वाच्या ठिकाणी वसलं आहे.

    रशियाच्या फौजांनी शहरातल्या मुख्य प्रशासकीय वास्तूवर नियंत्रण मिळवलं आहे. रशियाच्या लष्कराने या भागातील युक्रेनचा ध्वज खाली उतरवला असल्याचं नोव्हा शहराच्या महापौरांनी म्हटलं आहे.

    रशियाने दक्षिणेकडील बाजूने युक्रेनवर जोरदार आक्रमण केलं आहे.

19. 27 फेब्रुवारी 2022रशियाच्या फौजा खारकीव्हमध्ये

    रशियाच्या लष्कराने युक्रेनमधील खारकीव्ह शहरात प्रवेश केला आहे. खारकीव्ह प्रादेशिक प्रशासनाच्या प्रमुखांनी लाईट मिलिटरी प्रकाराच्या वाहनांनी शहरात प्रवेश केल्याचं सांगितलं.

    नागरिकांनी घरातच राहण्याचं आवाहन प्रशासनाने केलं आहे. युक्रेनचं लष्कर रशियाच्या फौजांचा सामना करण्यासाठी सज्ज आहे असं प्रशासनाने म्हटलं आहे.

    खारकीव्ह शहरातील नऊ मजली इमारतीत रशियाने दागलेलं एक क्षेपणास्त्र येऊन आदळलं. यामध्ये एका महिलेचा मृत्यू तर अनेकजण जखमी झाले आहेत.

    काही तासांपूर्वी खारकीव्हमध्ये रशियाच्या क्षेपणास्त्राने गॅसपाईपलाईनचा स्फोट झाला होता. खारकीव्ह हे युक्रेनमधलं दुसरं सगळ्यात मोठं शहर आहे.

    X पोस्टवरून पुढे जा

    परवानगी (सोशल मीडिया साईट) मजकूर?

    या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.

    मान्य करा आणि पुढे जा

    सावधान: अन्य वेबसाईट्सवरील मजकुरासाठी बीबीसी जबाबदार नाही.

    X पोस्ट समाप्त

20. 27 फेब्रुवारी 2022युक्रेनमधील भारतीयांनो, आम्ही तुमच्याबरोबर आहात- भारतीय दूतावास

    युक्रेनमध्ये अडकलेल्या भारतीयांना रोमानियामार्गे बाहेर काढण्यात आलं. लवकरच हंगेरीच्या मार्गेही भारतीय भारतीयांना युक्रेनबाहेर काढलं जाईल. रशियाव्यतिरिक्त युक्रेनच्या अन्य सीमांच्या माध्यमातून भारतीय नागरिकांना सुखरुप बाहेर काढण्यासाठी कटिबद्ध आहोत असं युक्रेनमधील भारतीय दूतावासाने म्हटलं आहे.

    युक्रेनच्या पूर्वेकडील परिस्थितीवर लक्ष ठेऊन आहोत. या भागातील भारतीय नागरिकांच्या सुरक्षिततेविषयी स्थानिक प्रशासनाच्या संपर्कात आहोत. युक्रेनमधील भारतीय नागरिकांनो, आम्ही तुमच्यासोबत आहोत.

    दरम्यान युक्रेनच्या खारकीव्ह शहरात परिस्थिती बिघडते आहे. अनेक भारतीय विद्यार्थी खारकीव्हमध्ये अडकले आहेत. तीन दिवस होऊनही त्यांच्यापर्यंत मदत पोहोचू शकलेली नाही. दरम्यान खारकीव्हमधल्या परिस्थितीवर लक्ष ठेवून अलसल्याचं युक्रेनमधल्या भारतीय दूतावासानं म्हटलं आहे.

    X पोस्टवरून पुढे जा

    परवानगी (सोशल मीडिया साईट) मजकूर?

    या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.

    मान्य करा आणि पुढे जा

    सावधान: अन्य वेबसाईट्सवरील मजकुरासाठी बीबीसी जबाबदार नाही.

    X पोस्ट समाप्त