रशिया-युक्रेन संघर्ष : चेर्नोबिल आण्विक केंद्रावर ताबा मिळवण्याचा रशियाचा प्रयत्न, युक्रेनच्या राष्ट्राध्यक्षांचा आरोप

लाईव्ह कव्हरेज

1. 24 फेब्रुवारी 2022युक्रेनचे राष्ट्राध्यक्ष मार्शल लॉ लागू करण्याच्या तयारीत

   युक्रेनचे राष्ट्राध्यक्ष वोलोदिमीर झेलेन्स्की राष्ट्रीय सुरक्षा आणि संरक्षण परिषदेची बैठक बोलावणार असून त्यात मार्शल लॉ लागू करण्याचा निर्णय घेतला जाऊ शकतो.

   परिषदेच्या तातडीच्या बैठकीत मार्शल लॉ लागू करण्याबाबत हा निर्णय होण्याची शक्यता आहे.

   रशियानं युक्रेनवर पूर्णपणे हल्ला सुरू केला आहे, असं युक्रेनच्या परराष्ट्र मंत्र्यांचं म्हणणं आहे. युक्रेनचे परराष्ट्रमंत्री दिमित्रो कुलेबा यांनी याबाबत ट्विट केलं आहे.

   "पुतीन यांनी नुकताच युक्रेनवर पूर्ण हल्ला करण्यास सुरुवात केली आहे," असं त्यांनी ट्वीटमध्ये म्हटलं.

   "युक्रेनमधली शांत शहरं ही हल्ल्याच्या सावटाखाली आहेत. युक्रेन स्वतःचं रक्षण करू शकतं आणि आम्ही विजयी होऊ. जग पुतिन यांना थांबवू शकतं आणि त्यांनी तसं करायला हवं. प्रत्यक्ष कृती करण्याची वेळ आली आहे," असं ते म्हणाले.

2. 24 फेब्रुवारी 2022ब्रेकिंग, रशियाचा क्षेपणास्त्र हल्ला - युक्रेनचे राष्ट्राध्यक्ष झेलेन्स्की

   रशियाकडून क्षेपणास्त्र हल्ला झाल्याच्या वृत्ताला युक्रेनचे राष्ट्राध्यक्ष वोलोदिमीर झेलेन्स्की यांनी दुजोरा दिल्याचं रॉयटर्स वृत्तसंस्थेने म्हटलंय.

   रशियानं युक्रेनच्या सीमेचं रक्षण करणाऱ्यांवर आणि इतर सुविधांवर क्षेपणास्त्र हल्ला केल्याचं युक्रेनचे राष्ट्राध्यक्ष झेलेन्स्की म्हणाले आहेत.

3. 24 फेब्रुवारी 2022अमेरिकेचा कमकुवतपणा जबाबदार - डोनाल्ड ट्रम्प

   अमेरिकेचे माजी राष्ट्राध्यक्ष डोनाल्ड ट्रम्प यांनी फॉक्स न्यूजवरून टीका केली आहे. आपल्या प्रशासनाच्या काळामध्ये असं घडलं नसतं असं ट्रम्प यांनी म्हटलं आहे.

   पुतिन यांना आधीपासून असं काही करायची इच्छा होती, यावर विश्वास नसल्याचं ट्रम्प फोनवरून बोलताना म्हणाले. "मला वाटतं की त्यांना काहीतरी करून वाटाघाटी करायच्या होत्या. पण परिस्थिती चिघळत गेली आणि नंतर त्यांना कमकुवतपणा जाणवला," असं ट्रम्प म्हणाले.

   अफगाणिस्तानातून अमेरिकेनं ज्या पद्धतीनं माघार घेतली, त्या कमकुवतपणातून रशियाला आक्रमणाची प्रेरणा मिळाली असंही ट्रम्प म्हणाले.

4. 24 फेब्रुवारी 2022दोनेत्स्क आणि लुहान्स्क हे वादात असलेले प्रांत नकाशावर कुठे आहेत?

   युक्रेनच्या पूर्वेकडे असणारे दोनेत्स्क आणि लुहान्स्क हे दोन प्रांत रशिया - युक्रेन वादाच्या केंद्रस्थानी आहेत. हे दोन्ही प्रांत फुटीरतावादी बंडखोरांच्या ताब्यात असून आपण स्वतंत्र असल्याचं इथल्या बंडखोरांनी जाहीर केलंय. आपण या दोन भागांना स्वतंत्र म्हणून मान्यता देत असल्याचं रशियाचे राष्ट्राध्यक्ष व्लादिमीर पुतिन यांनी म्हटलं होतं आणि त्यानंतर त्यांनी इथे लष्करी कारवाईला परवानगी दिली.

   दोनेत्स्क आणि लुहान्स्क हे दोन्ही प्रांत युक्रेनच्या पूर्वेला आणि रशियाच्या सीमेला लागून आहेत. अधिक माहितीसाठी वाचा - दोनेत्स्क आणि लुहान्स्क प्रांत नेमके कसे आहेत, रशियाला ते का पाहिजेत?

5. 24 फेब्रुवारी 2022'युक्रेन लढणार आणि जिंकणार'

   रशियाच्या राष्ट्राध्यक्षांनी माझ्या देशाविरोधात युद्ध पुकारलं आहे, हे रशियाच्या राजदूतांनी सांगितल्याचं युक्रेनचे संयुक्त राष्ट्रातील राजदूत सर्जी किस्लीत्स्या यांनी म्हटलं आहे. रॉयटर्स वृत्तसंस्थेनं तसं वृत्त दिलं आहे.

   तर युक्रेनचे गृहमंत्री सीएनएनशी बोलताना आक्रमण सुरू झालं असल्याचं म्हणाले आहेत. पुतीन यांनी पूर्ण क्षमतेनं आक्रमण केलं असल्याचं युक्रेनचे परराष्ट्र मंत्री दिमित्रो कुलेबा यांनी ट्विटच्या माध्यमातून म्हटलं आहे.

   "युक्रेनमधली शांत शहरं ही हल्ल्याच्या सावटाखाली आहेत. युक्रेन स्वतःचं रक्षण करू शकतं आणि आम्ही विजयी होऊ. जग पुतिन यांना थांबवू शकतं आणि त्यांनी तसं करायला हवं. प्रत्यक्ष कृती करण्याची वेळ आली आहे," असं ते म्हणाले.

6. 24 फेब्रुवारी 2022शांततेच्या मार्गाने तोडगा शक्य-भारत

   संयुक्त राष्ट्रातील भारताचे प्रतिनिधी टी.एस.तिरुमूर्ती यांनी या मुद्द्यावर भारताची भूमिका मांडली.

   सुरक्षा परिषदेनं दोन दिवसांपूर्वी यावर चर्चा केली होती. तणाव निवळण्यासाठी लष्कर मागे घेऊन सर्व मुद्द्यांवर चर्चेतून तोडगा काढावा असं सूचवण्यात आलं होतं.

   ही परिस्थिती अत्यंत धोकादायक असून मोठं संकट यामुळं निर्माण होऊ शकतं. त्यामुळं हा मुद्दा अत्यंत काळजीपूर्वक हाताळला जाणं गरजेचं आहे. तसं झालं तरच या भागात शांतता प्रस्थापित होऊ शकेल. याठिकाणी लष्कर त्वरित मागं घेतलं जावं अशी आमची भूमिका आहे. सर्वांच्या सुरक्षिततेची खबरदारी घेणं अत्यंत गरजेचं आहे.

   भारतानं संयुक्त राष्ट्रांमध्ये कायमच कोणत्याही वादावर शांततेच्या मार्गावर तोडगा काढण्याच्या भूमिकेला पाठिंबा दिला आहे.

   आंतरराष्ट्रीय कायदे आणि करारांनुसार तोडगा काढला जावा असं आमचं मत आहे. विद्यार्थ्यांसह 20 हजार भारतीय हे युक्रेनच्या विविध भागांत राहत आहे. सीमेच्या भागतही अनेकजण राहतात. त्यांना परतण्यासाठी गरजेनुसार आम्ही सोय करत आहोत. या मुद्द्यावर द्विपक्षीय चर्चेच्या माध्यमातून तोडगा काढणं शक्य आहे असं आमचं मत आहे.

7. 24 फेब्रुवारी 2022रशिया नवं महायुद्ध लादत आहे का?

8. 24 फेब्रुवारी 2022युक्रेन रशिया संघर्ष : पुतिन आक्रमक का झाले आहेत?

9. 24 फेब्रुवारी 2022ब्रेकिंग, रशियातही स्फोटाचं वृत्त

   युक्रेनवर कब्जा करण्याचं रशियाचं कोणत्याही प्रकारचं नियोजन नाही, असा दावाही पुतीन यांनी भाषणात केला. या कारवाईची घोषणा करतानाच त्यांनी युक्रेनचे नागरिक त्यांचा देश कोणी चालवावा हे ठरवू शकतील असंही म्हटलं आहे.

   दरम्यान, रशियामध्येही स्फोटाचा आवाज ऐकायला मिळाल्याचं काही जणांनी रॉयटर्स या वृत्तसंस्थेला सांगितलं आहे. युक्रेनच्या सीमेजवळच असलेल्या बेलगोरोड प्रांतात हा स्फोट ऐकू आल्याची माहिती मिळाली आहे.

10. 24 फेब्रुवारी 2022ब्रेकिंग, जग रशियाला जबाबदार ठरवेल-बायडन

    अमेरिकेचे राष्ट्राध्यक्ष जो बायडन यांनी रशियाच्या लष्करानं केलेला हल्ला अन्यायकारक असल्याची प्रतिक्रिया दिली आहे.

    युक्रेनच्या नागरिकांबरोबर संपूर्ण जगातील लोकांच्या प्रार्थना आहेत. पुतीन यांनी पूर्वनियोजित युद्धाचा मार्ग निवडला असून त्यामुळं मोठ्या प्रमाणात प्राणहानी होणार आहे.

    यातील हानीसाठी केवळ रशिया एकटाच जबाबदार असेल. अमेरिका आणि सहकारी निर्णायकपणे याला प्रत्युत्तर देतील. पण यासाठी जग रशियाला जबाबदार धरेल, असंही बायडन म्हणाले.

    परिस्थितीवर लक्ष ठेवून असून जी7 देशांच्या नेत्यांबरोबर बैठकीत चर्चा करून रशियाबाबत पुढील परिणाम जाहीर करणार असल्याचं बायडन म्हणाले.

11. 24 फेब्रुवारी 2022ब्रेकिंग, युक्रेनमध्ये अनेक ठिकाणी स्फोट

    बीबीसीचे प्रतिनिधी पॉल अॅडम्स यांनी किव्ह मध्ये पाच चे सहा स्फोट झाल्याचं सांगितलं आहे. काही अंतरावर हे स्फोट झाल्याचं त्यांनी सांगितलं.

    तसंच देशात इतरही काही ठिकाणी स्फोट होत असल्याची माहिती त्यांनी दिली आहे.

    बीबीसीच्या प्रतिनिधींनी कीव्ह, दोनेत्स्क आणि क्रामोतोर्स्क या भागा स्फोट झाल्याचं वृत्त दिलं आहे.

    मात्र सोशल मीडियावर खार्कीव्ह, ओडेसा आणि इतर भागांतही स्फोटाचं वृत्त आहे.

12. 24 फेब्रुवारी 2022ब्रेकिंग, संघर्ष अपरिहार्य - पुतीन

    सत्य आणि न्याय हे रशियाच्या बाजुनं आहे. रशियाला घेरण्याचा प्रयत्न कोणीही करत असेल, तर रशिया तत्काळ प्रतिक्रिया देईल, असंही पुतीन म्हणाले आहेत. ही कारवाई स्वसंरक्षणासाठी असल्याचंही पुतीनं म्हणाले.

    युक्रेन आणि रशियाच्या सैन्यामधील हा संघर्ष अपरिहार्य असून हा केवळ वेळेचा मुद्दा आहे, असंही पुतीन म्हणाले.

    याच्या काही मिनिटांपूर्वीच संयुक्त राष्ट्रांनी इशारा दिला होता की, कोणत्याही प्रकारची कारवाई ही मोठ्या प्रमाणावर मानवी विनाशाला कारणीभूत ठरू शकते.

13. 24 फेब्रुवारी 2022ब्रेकिंग, दोनेत्स्क भागात स्फोट

    पुतीन यांनी लष्करी कारवाईची घोषणा करताच युक्रेनच्या काही भागांमध्ये स्फोट होत असल्याचं पाहायला मिळत आहे.

    बीबीसीच्या पूर्व युरोपच्या प्रतिनिधी सारा रेन्सफोर्ड या सध्या दोनेत्स्क भागात आहेत. काही क्षणापूर्वीच त्यांनी याठिकाणी एका मोठ्या स्फोटाचा आवाज ऐकल्याची माहिती दिली आहे.

14. 24 फेब्रुवारी 2022पुतीन यांची लष्करी कारवाई घोषणा

    रशियाचे राष्ट्राध्यक्ष व्लादिमीर पुतीन यांनी युक्रेनच्या दॉनबस भागामध्ये लष्करी कारवाई सुरू करत असल्याची घोषणा केली आहे. त्यांनी टीव्हीवर एका भाषणात ही घोषणा केली आहे.

    संयुक्त राष्ट्रांच्या सुरक्षा परिषदेमध्ये पुतीन यांना रोखण्यासाठी विनंती केली जात असतानाच, त्यांनी मात्र अशा प्रकारे लष्करी कारवाई सुरू करत असल्याचं जाहीर केलं आहे.