लाडकी बहिण योजनेबाबत एकनाथ शिंदे म्हणाले...
- पात्र बहिणी योजनेपासून वंचित राहणार नाहीत.
- मात्र, जे पैसे गेलेले आहेत, ते पुन्हा परत घेणं असा कद्रूपणा आम्ही करणार नाही.
- अपात्र महिलांकडे जे पैसे गेले आहेत, त्यांच्याकडून पुन्हा कसे वसूल करायचे, त्याचे मार्ग शोधले जातील.
- विरोधकांना असं वाटत होतं की, आम्ही हे पैसे निवडणुकीनंतर देणार नाही. मात्र, आम्ही देणारे लोक आहोत, घेणारे नाही.
- विरोधक तोंडघशी पडले. ते म्हणत होते की, पंधराशे रुपये कुठून देणार? आणि शेवटी स्वत:चं तीन हजार रुपयांचं आश्वासन दिलं.
मुख्यमंत्र्यांना टार्गेट करण्याचा प्रयत्न तुमच्या शिवसेनेकडून केला जातोय, असा आरोप आदित्य ठाकरेंनी याच मंचावर केला, यावर काय सांगाल...
- याच लोकांनी देवेंद्रजींना फडतूस वगैरे म्हटलं. पण मग आता त्यांना हे लोक का भेटतात? देवेंद्रजींचं काडतूस निघेल म्हणून भेटतात का ते?
- आम्ही जे करतो, ते खुलेआम करतो. पोटात एक ओठात एक असं करत नाही.
- देवेंद्रजींबद्दल तुमच्या काय भावना होत्या, ते आम्हाला माहिती आहे.
- आमच्या दोघांमध्ये कुणी कितीही प्रयत्न केले तरी आमची दोस्ती तुटणार नाही. कारण आमची लढाई खुर्चीसाठी वा स्वार्थासाठी नाहीये.
- महायुती अत्यंत मजबूत आहे.