पराभव स्वीकारताना चरणजीत सिंह चन्नी म्हणाले...
पंजाबचे माजी मुख्यमंत्री चरणजीत सिंह चन्नी यांनी काँग्रेसचा झालेला पराभव स्वीकारत आम आदमी पक्षाने मिळवलेल्या विजयाबद्दल त्यांचे अभिनंदन ही केलंय.
चन्नी आपल्या ट्विटमध्ये म्हणतात, "आम्ही पंजाबच्या जनतेने दिलेला कौल नम्रपणे स्वीकारत आहोत. तसेच आम आदमी पक्षाने संपादन केलेल्या विजयासाठी त्यांचे ही अभिनंदन करतो. आम आदमी पक्षाचे मुख्यमंत्रीपदाचे उमेदवार भगवंत मान यांचेही खूप खूप अभिनंदन. मला आशा आहे की भगवंत मान लोकांच्या अपेक्षा पूर्ण करतील."
याआधी पंजाब काँग्रेसचे प्रमुख नवज्योत सिंग सिद्धू यांनी ही आपलं पराभव स्वीकारून आम आदमी पक्षाचे अभिनंदन केले आहे. नवज्योतसिंग सिद्धू अमृतसर पूर्व मतदारसंघातून निवडणूक हरले आहेत. तर चरणजित सिंग चन्नी यांचाही पराभव झाला आहे.