कोरोना अपडेट: राज्यात 2250 नवे कोरोनाग्रस्त रुग्ण, एकूण संख्या 39 हजार 297 वर
राज्यातील कोरोनाग्रस्तांचा आकडा 40 हजारांच्या जवळ पोहोचला आहे.
लाईव्ह कव्हरेज
महाराष्ट्रात गेल्या 24 तासात 8,159 नवे कोरोना रुग्ण, 165 जणांचा मृत्यू
कोरोना व्हायरसची लक्षणं आढळली तर तुम्ही पुढे काय कराल?
कोरोना काळात चीनची जागा जागतिक अर्थव्यवस्थेत भारत घेऊ शकेल का?
कोरोना को भूल गये, पॉलिटिक्स प्यारा है- आदित्य ठाकरेंची टीका
कोरोना व्हायरससंदर्भात आजच्या प्रमुख घडामोडींचा थोडक्यात आढावा
नमस्कार मंडळी,
बीबीसी मराठीचं आजचं लाईव्ह कव्हरेज इथेच थांबवत आहोत. जाता जाता एक नजर आजच्या प्रमुख घडामोडींवर...
·आज राज्यात 2250 नवे कोरोनाग्रस्त रुग्ण, एकूण संख्या 39 हजार 297 वर
·25 मेपासून देशांतर्गत विमानसेवा पुन्हा सुरू, गृहमंत्रा
·नागरी सेवा पूर्व परीक्षेची तारीख 5 जून ला जाहीर होणार - यूपीएससी
·कोव्हिड-19 मधून बरे होण्याचं प्रमाण 39.62 टक्क्यांवर
·अमेरिका कोरोनाग्रस्तांमध्ये अव्वल हे एकप्रकारचं मानचिन्हच - ट्रंप
·कोरोना व्हायरस स्वतःला बदलतोय, चीनमधील तज्ज्ञांना शंका
कोरोना व्हायरसबाबतच्या प्रत्येक घडामोडीची माहिती मिळवण्यासाठी बीबीसी मराठीच्या लाईव्ह पेजला उद्या पुन्हा भेट द्या.
धन्यवाद. शुभरात्री.
फोटो स्रोत, Getty Images
विमानसेवेवरचे निर्बंध गृहमंत्रालयाने हटवले
लॉकडाऊनदरम्यान देशांतर्गत विमानसेवेवर असलेले निर्बंध गृहमंत्रालयाने हटवले आहेत.
याबाबत एक शासननिर्णय काढून पूर्वी शासनाने दिलेल्या लॉकडाऊनच्या निर्बंधांमधून देशांतर्गत विमानसेवेवर असलेले निर्बंध रद्द करण्यात आल्याचं गृह मंत्रालयाने कळवलं आहे.
प्रवासी वाहतूक सुरू करण्यासाठी विमान कंपन्या आणि विमानतळांना नवीन नियमावली विमान वाहतूक मंत्रालयाकडून लवकरच देण्यात येील, असं गृह मंत्रालयाने स्पष्ट केलं आहे.
जून-जुलै महिन्यातील संभाव्य संख्या विचारात घेऊन आरोग्य यंत्रणा सक्षम बनवावी - राज्यपाल
राज्यपाल भगतसिंह कोश्यारी यांनी आज राज्यापुढील करोना विषाणू संसर्गाच्या आव्हानाच्या अनुषंगाने राज्याच्या विविध विभागांच्या पूर्व तयारीचा एका उच्चस्तरीय बैठकीत आढावा घेतला.
येत्या जून व जूलै महिन्यातील कोरोना बाधितांची संभाव्य संख्या विचारात घेऊन संपूर्ण राज्यात आरोग्य यंत्रणा सक्षम करण्याची सूचना राज्यपालांनी यावेळी केली.
करोना संकटाचा मुकाबला करताना बिगर कोरोना रुग्णांची गैरसोय होणार नाही याची विशेष काळजी घेण्याची सूचना राज्यपालांनी यावेळी केली.
मुंबईतील कंटेनमेंट क्षेत्रासाठी काय उपाय योजना करीत आहे याची राज्यपालांनी माहिती घेतली.
राज्यात एकूण वैदयकीय अधिकारी, नर्सेस, आरोग्य सेवक, इस्पितळातील उपलब्ध खाटा यांची एकत्रित माहिती देणारा डॅशबोर्ड तयार करण्याची राज्यपालांनी यावेळी सूचना केली.
मेट्रोने सर्वप्रथम सोशल डिस्टन्सिंगबाबत खात्री करावी - दिल्ली हायकोर्ट
दिल्ली मेट्रो पुन्हा सुरू करण्याआधी सर्वप्रथम सोशल डिस्टन्सिंगचा नियम पाळला जाईल, याची खात्री करावी, अशी सूचना दिल्ली हायकोर्टाने दिली आहे.
मेट्रोमध्ये प्रचंड गर्दी असते. सध्याच्या कोरोना संकटात हे धोकादायक ठरू शकतं. त्यामुळे इथं सोशल डिस्टन्सिंगचा नियम कसा पाळला जाईल, याची दक्षता सर्वप्रथम घ्यायला हवी, असं दिल्ली हायकोर्टाने सूचित केलं आहे.
X पोस्टवरून पुढे जापरवानगी (सोशल मीडिया साईट) मजकूर?सावधान: अन्य वेबसाईट्सवरील मजकुरासाठी बीबीसी जबाबदार नाही.या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त
कोरोना व्हायरसच्या परिस्थितीने राष्ट्राध्यक्ष पुतिन यांना कमकुवत केलंय का?
आज राज्यात 2250 नवे कोरोनाग्रस्त रुग्ण, एकूण संख्या 39 हजार 297 वर
महाराष्ट्रात आज 2250 नवे कोरोनाग्रस्त रुग्ण आढळून आले. त्यामुळे राज्यातील कोरोनाग्रस्तांची एकूण संख्या 39 हजार 297 वर पोहोचली आहे.
राज्यात आज 679 रुग्ण बरे होऊन घरी परतले. आतापर्यंत राज्यात कोव्हिड-19 मधून एकूण 10 हजार 318 रुग्ण बरे झाले आहेत.
तर आज 65 रुग्णांचा कोरोना व्हायरसमुळे मृत्यू झाला. आतापर्यंत राज्यात कोरोनामुळे 1390 जणांचा मृत्यू झाला आहे.
महाराष्ट्रात सर्वाधिक कोव्हिड-19 ग्रस्त मुंबईमध्ये आहेत. इथं आतापर्यंत 24 हजार 118 रुग्णांना कोरोनाची लागण झाली आहे. तर मुंबईत 841 जणांचा मृत्यू झाला आहे.
पाठोपाठ पुण्यात 4049 कोरोनाग्रस्त रुग्ण आहेत. इथं 215 जणांचा कोव्हिड-19मुळे मृत्यू झालेला आहे.
फोटो स्रोत, ANI
कोरोनाच्या संसर्गातच लहान मुलांमध्ये फैलावतोय 'हा' गूढ आजार
'पावसाळ्यात मुंबईत कोरोनाबाधितांची संख्या वाढणार'
कोरोना व्हायरस स्वतःला बदलतोय?
चीनमध्ये कोरोना व्हायरस स्वतःला बदलत असल्याची शंका चीनमधील शास्त्रज्ञांनी व्यक्त केली आहे.
कोरोनाची सुरुवात वुहान शहरातून झाली होती. पण पूर्वीची लक्षणं आणि देशाच्या ईशान्य भागात नुकतीच दिसून आलेली कोरोना व्हायरसची लक्षणं वेगळी आहेत. त्यामुळे कोरोना व्हायरस स्वतःला बदलतोय की काय, अशी शंका तज्ज्ञांनी व्यक्त केली आहे.
चीनच्या राष्ट्रीय आरोग्य समितीमधील सदस्य डॉ. क्वियू हायबो यांनी सीसीटीव्ही-13 न्यूज चॅनेलला याबाबत माहिती दिली आहे. चीनच्या ईशान्य भागात कोरोनाची लागण झालेल्या व्यक्तींमध्ये ताप आढळून येत नाही. पण त्यांना थकवा किंवा घसा खवखवणे यांच्यासारखी लक्षणं दिसून येत आहेत. तर काही लोकांमध्ये काहीच लक्षणं दिसत नाहीत.
फोटो स्रोत, EPA
#CoronaPodcast : कोरोना व्हायरससंदर्भात आज काय काय घडलं?
#CoronaPodcast : देशभरात आता लवकरच सुरु होणार रेल्वे आणि विमान सेवा, स्थलांतरित मजुरांसाठीच्या बसवरुन प्रियंका गांधी यांनी योगी सरकारवर केली टीका, उद्धव ठाकरे सरकारचा विरोध करत भाजप करणार महाराष्ट्र बचाव आंदोलन, 5 जूनला जाहीर होणार UPSC परिक्षांच्या तारखा. याबद्दल सांगतायत बीबीसी मराठीचे संपादक आशिष दीक्षित आणि विनायक गायकवाड.
कोरोना व्हायरसच्या संसर्गाच्या भीतीमुळे आपण भविष्यात हस्तांदोलन करू?
लॉकडाऊन 4.0 मध्ये कुठल्या सेवा सुरू? कुठल्या गोष्टी बंद?
नागरी सेवा पूर्व परीक्षेची तारीख 5 जून ला जाहीर होणार - यूपीएससी
नागरी सेवा पूर्व परीक्षेची तारीख 5 जून रोजी जाहीर होईल, अशी घोषणा केंद्रीय लोकसेवा आयोगाने (यूपीएससी) केली आहे. कोरोना व्हायरस आणि लॉकडाऊनच्या पार्श्वभूमीवर ही परीक्षा पुढे ढकलण्यात आली होती.
याबाबत निर्णय घेण्यासाठी यूपीएससीने 5 जूनला एक बैठक आयोजित केली आहे. या बैठकीतच पूर्व परीक्षेची तारीख जाहीर करण्यात येणार आहे. परीक्षांचं नवं वेळापत्रक या बैठकीनंतरच यूपीएससीच्या वेबसाईटवर प्रसिद्ध करण्यात येईल, असं यूपीएससीने कळवलं आहे.
X पोस्टवरून पुढे जापरवानगी (सोशल मीडिया साईट) मजकूर?सावधान: अन्य वेबसाईट्सवरील मजकुरासाठी बीबीसी जबाबदार नाही.या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त
चित्रपट क्षेत्रातील कलाकारांच्या पाठीशी राज्य सरकार खंबीरपणे उभे - उद्धव ठाकरे
मराठी चित्रपट क्षेत्रातील निर्माते आणि कलाकारांशी मुख्यमंत्री उद्धव ठाकरे यांनी संवाद साधला. महाराष्ट्रातले करमणूक आणि मनोरंजन क्षेत्र मोठं आहे. यावर रोजीरोटी कमावणारे लहान मोठे कलाकार तर आहेतच शिवाय तंत्रज्ञ, बॅक स्टेज कलाकार, कामगार हा वर्गही मोठा. कोरोनामुळे उद्भवलेल्या परिस्थितीत राज्य सरकार त्यांच्या पाठीशी खंबीरपणे उभे राहील, असा विश्वास मुख्यमंत्री उद्धव ठाकरे यांनी दिला आहे.
निर्मात्यांना विनातारण आणि कमी व्याजाचे कर्ज, एक पडदा चित्रपटगृहांना वाचविणे, गरीब संगीतकारांना मदत, मराठी चित्रपटांना अनुदान, चित्रपट निर्मितीवरील जीएसटी माफ करणे, सांगली-कोल्हापुरात चित्रीकरणाला परवानगी देणे, पोस्ट प्रॉडक्शन सुरु करणे अशा विविध मागण्या निर्माते व कलाकारांनी केल्या आहेत.
X पोस्टवरून पुढे जापरवानगी (सोशल मीडिया साईट) मजकूर?सावधान: अन्य वेबसाईट्सवरील मजकुरासाठी बीबीसी जबाबदार नाही.या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त
भारतात चीनपेक्षा जास्त कोरोनाग्रस्त, पण दोन देशांची तुलना होऊ शकते का?