चार राज्यात गेल्या 24 तासात कोरोनाचा नवा रुग्ण नाही
मिझोरम, गोवा, मणिपूर तसंच अरुणाचल प्रदेश या चार राज्यांमध्ये गेल्या 24 तासात कोरोनाचा एकही रुग्ण आढळलेला नाही.
आरोग्य मंत्रालयाने ही माहिती दिली आहे.
मिझोरममध्ये कोरोनाचा एकमेव रुग्ण होता जो बरा झाला आहे.
गोव्यामध्ये सातजणांना कोरोनाचा संसर्ग झाला होता. आता हे सातहीजण बरे झाले आहेत.
मणिपूरमध्ये दोनजणांना कोरोना झाला होता. या दोघांचीही प्रकृती आता चांगली आहे.
अरुणाचल प्रदेशमध्ये एकाला कोरोनाचा संसर्ग झाला होता. त्याला हॉस्पिटलमधून घरी सोडण्यात आलं आहे.