You’re viewing a text-only version of this website that uses less data. View the main version of the website including all images and videos.
भारतातील कोरोनाच्या केसेस 67,000 च्यावर गेल्या आहेत. देशातला रिकव्हरी रेट 31.15% गेला असल्याची माहिती आरोग्य सचिव लव अग्रवाल यांनी दिली.
कोरोनाच्या 288 रुग्णांपैकी 149 रुग्ण उपाचारानंतर बरे झाल्याचं व्हिएतनाम सरकारनं जाहीर केलं आहे. व्हिएतनामध्ये लॉकडाऊन हटवण्यात आला आहे आणि हनोईमध्ये सोमवारपासून सगळे ऑफिसेस सुरू होतील.
न्यूजन सन ला यांनी बीबीसीला सांगितलं, "सकाळपासून माझ्या ऑफिसच्या रस्त्यावर ट्रॅफिक होती, ती दुपारपर्यंत कायम होती. जर का लोक अशाच प्रकारे संध्याकाळपर्यंत बाहेर पडत राहिले, तर कोरोना थांबण्याचे प्रयत्न वाया जातील, अशी त्यांना भीती वाटते."
चीनच्या वुहान शहरात 3 एप्रिलनंतर पुन्हा एकदा कोरोनाचे रुग्ण आढळले आहेत. स्थानिक माध्यमांनुसार, सोमवारी कोरोनोचे 5 रुग्ण आढळले.
हे पाचही जण एकाच भागात राहणारे आहेत, त्यामुळे या भागात चिंतेचं वातावरण असल्याचं सांगितलं जात आहे. चीनच्या वुहान शहरातून कोरोनाच्या प्रसारास सुरुवात झाली होती.
पंतप्रधान नरेंद्र मोदी सगळ्या राज्यांच्या मुख्यमंत्र्यांशी व्हीडिओ कॉन्फरन्सिंगद्वारे संवाद साधत आहेत. कोरोनाच्या पार्श्वभूमीवर ही त्यांची मुख्यमंत्र्यांसोबतची पाचवी बैठक असेल.
"आज सकाळी मी श्रमिक स्पेशल ट्रेन्सच्या प्रक्रियेची समीक्षा केली. 1 मे रोजी फक्त 4 ट्रेन्स धावल्या होत्या, रविवारी त्यांची संख्या 101 वर पोहोचली. आतापर्यंत 468 ट्रेन्स धावत आहेत."– पीयूष गोयल, रेल्वेमंत्री
परिवहन मंत्री अनिल परब यांनी माध्यमांशी संवाद साधला.
त्यांनी मांडलेले मुद्दे –
1. परराज्यातील लोकांना आपल्या राज्याच्या सीमेवर आणि परराज्यातून जे महाराष्ट्राच्या सीमेवर आलेत त्यांना आपापल्या गावी आणि आंतरजिल्ह्यात अडकलेल्या लोकांना आपल्या गावी जाण्याची मोफत सेवा एसटीच्या माध्यमातून देण्याचा निर्णय घेतला होता.
2. याविषयीची माहिती घ्यायला आम्ही सुरुवात केली तेव्हा रेड झोनमधून बाकीच्या जिल्ह्यांमध्ये कोरोना पसरवू नका, अशा तक्रारी आमच्याकडे आल्या.
3. लोकांच्या मनात कोरोनाची भीती जबरदस्त आहे. त्यामुळे मग आंतरजिल्हा प्रवासाचा निर्णय आम्ही थांबवला. बाकी इतर मजूरांसाठीचा निर्णय तसाच आहे.
4. आंतरजिल्हा प्रवास टप्प्याटप्प्यानं सुरू करू. लोकांची गावी जाण्यासाठी व्यवस्था करू.
5. मोफत प्रवासाची सोय पराज्यातील मजूरांसाठी आहे, आंतररजिल्हा मजूरांसाठी प्रवासाची लवकरच सोय करू.
पश्चिम बंगालमधील संशोधकांनी नमुना घेतल्यावर तात्काळ तपासणी अहवाल उपलब्ध होईल अशी यंत्रणा तयार केली आहे. यामुळे एका चाचणीस फक्त 500 रुपयांचा खर्च येतो.
अधिकाधिक काळजी घेण्यासाठी आम्ही प्रयत्नशील आहोत. अशा व्हीडिओमध्ये दाखवल्याप्रमाणे एखाद्यावेळेस स्थिती आली असेल, मात्र त्यानंतर लगेच त्यामध्ये बदल करण्यासाठी तातडीनं पावलं उचलली अशी प्रतिक्रिया शिवसेनेचे खासदार अनिल देसाई यांनी दिली आहे.
स्थलांतरित कामगारांचा राज्यांतर्गत प्रवास 'एसटी'ने विनामूल्य करण्यासाठी राज्य सरकारने तत्काळ आदेश द्यावेत. तसेच विविध शहरांमध्ये अडकलेले विद्यार्थी त्यांच्या मूळ गावी जाऊ इच्छितात.त्यांनाही मोफत बस प्रवासाची सोय उपलब्ध करून द्यावी,ही माझी राज्य सरकारला विनंती आहे. असे माजी मुख्यमंत्री देवेंद्र फडणवीस यांनी ट्वीट केले आहे.
केईएम रुग्णालयातही रुग्णांजवळ मृतदेह ठेवले जात असल्याचे एका व्हीडिओद्वारे दाखवले जात आहे. काही दिवसांपूर्वीच असा आणखी एक व्हीडिओ प्रसारित झाला होता.
परळ येथे एसटी डेपोमध्ये निर्माण झालेल्या गोंधळाच्या स्थितीचा व्हीडिओ आ. नितेश राणे यांनी ट्वीट केला आहे.
लॉकडाऊन सुरू झाल्यापासून राज्यात आतापर्यंत कोविड संदर्भात अत्यावश्यक सेवेसाठी 3,32,843 पास पोलीस विभागामार्फत देण्यात आले. तसेच 2,58,792 व्यक्तींना काँरंटाईन (Quarantine) करण्यात आले आहे.अशी माहिती गृहमंत्री अनिल देशमुख यांनी दिली आहे.
महाराष्ट्रात कोरोना व्हायरसचा संसर्ग झालेल्या रुग्णांची संख्या दिवसागणिक वाढताना दिसत आहे.
राज्यात रविवारी कोरोनाच्या 1,278 नव्या रुग्णांची नोंद झाली आहे. कोरोनामुळे रविवारी 53 जणांचा मृत्यू झाला. बऱ्या झालेल्या 399 रुग्णांना घरी सोडण्यात आलं.
राज्यातील कोरोना पॉझिटिव्ह रुग्णांची संख्या 22,171 एवढी झाली आहे. आतापर्यंत 4,199 रुग्ण कोरोनाच्या संसर्गातून बरे होऊन घरी परतले आहेत.
सर्व बातमी वाचण्यासाठी क्लिक करा.
आरोग्य कर्मचारी तसेच सफाई कर्मचाऱ्यांच्या प्रवासासाठी मार्गदर्शक सूचना देणारे पत्र केंद्रीय गृहसचिव अजय भल्ला यांनी सर्व राज्ये आणि केंद्रशासित प्रदेशांना पाठवले आहे.
शहरातील डाॅक्टरांचे क्लिनिक आणि नर्सिंग होम योग्य प्रकारे सुरू ठेवण्यासाठी राज्य सरकारने प्रयत्न करावेत.
आरोग्य कर्मचाऱ्यांच्या ये-जा करण्यावर बंधन नको. सरकारने यामध्ये बाधा येणार नाही याची काळजी घ्यावी.
फिल्डवर- डाॅक्टर, नर्स, सॅनिटेशन कर्मचारी, एम्ब्युलन्स यांची ये-जा सुरळीत करावी.
खाजगी दवाखाने, नर्सिंग होम, लॅब यांमध्ये पूर्ण क्षमतेने सुरू करण्यासाठी योग्य उपाययोजना आखावी.
मजूर रस्त्यावर आणि रेल्वे ट्रॅकवर चालणार नाहीत याची काळजी घ्या.
मजुरांचे योग्य पद्धतीने समुपदेशन करा.
जवळच्याच शेल्टरमध्ये नेऊन त्यांच्या जेवणाची व्यवस्था करा.
जो पर्यंत ते श्रमिक एक्सप्रेसमध्ये बसून घरी जात नाहीत तो पर्यंत काळजी घ्या.
केंद्राला खास गाड्या सोडण्यासाठी सहकार्य करा