लॉकडाऊनसंदर्भात राज्य सरकारची नवी नियमावली

लाईव्ह कव्हरेज

1. 17 एप्रिल 2020ब्रिटनमध्ये तीन आठवड्यांसाठी लॉकडाऊन वाढवला

   ब्रिटनचे परराष्ट्रमंत्री डोमनिक राब यांनी देशात अजून किमान तीन आठवड्यांसाठी लॉकडाऊन वाढविण्याची घोषणा केली आहे.

   गुरुवारी (17 एप्रिल) झालेल्या पत्रकार परिषदेमध्ये राब यांनी सांगितलं, की लॉकडाऊनचे निर्बंध शिथील केले, तर आरोग्य व्यवस्था आणि अर्थव्यवस्थेलाही मोठा धोका निर्माण होऊ शकतो.

   सध्या पंतप्रधानपदाचीही जबाबदारी सांभाळत असलेल्या डोमिनिक राब यांनी स्पष्ट केलं, की पाच गोष्टींसंदर्भात सरकारची खात्री पटल्यावरच लॉकडाऊन हटविण्यात येईल.

   या पाच गोष्टी पुढीलप्रमाणे-

   1. राष्ट्रीय आरोग्य यंत्रणा संपूर्ण देशाला आवश्यक त्या आरोग्य सुविधा देण्यासाठी सक्षम आहे.

   2. कोरोनामुळे रोज होणाऱ्या मृत्यूंमध्ये घट झालीये.

   3. संसर्गाचं प्रमाण कमी झालंय.

   4. आवश्यक टेस्टिंग किट आणि पीपीई इक्विपमेंटचा पुरेसा साठा आहे.

   5. सर्वात महत्त्वाचं म्हणजे या व्हायरसचा प्रादूर्भाव पुन्हा होणार नाही. ब्रि

2. 17 एप्रिल 2020लॉकडाऊनमध्ये विनाकारण फिरणाऱ्यांना रस्त्यावर बसण्याची शिक्षा

   लॉकडाऊन असतानाही बाहेर फिरणाऱ्या लोकांना पुणे पोलिसांनी चक्क रस्त्यावर बसवून ठेवलं. स्वारगेट परिसरात 200 हून अधिक जणांना गुरूवारी (16 एप्रिल) लॉकडाऊनचे नियम मोडल्याबद्दल रस्त्यावर चार तास बसवून ठेवलं गेलं.

3. 17 एप्रिल 2020कोरोनाविषयीच्या महत्त्वाच्या घडामोडी

   सुप्रभात, बीबीसी मराठीच्या लाइव्ह पेजमध्ये स्वागत. कोरोनाविषयीच्या दिवसभरातल्या सर्व घडामोडी तुम्ही इथं एका क्लिकवर जाणून घेऊ शकता.

   आजच्या लाइव्हपेजला सुरुवात करताना सर्वात आधी काल घडलेल्या घटनांचा थोडक्यात आढावा-

   • मालेगावमध्ये आता एकूण 47 रुग्ण. नाशिक जिल्ह्याचा आकडा 55वर.
   • भारत हायड्रॉक्सिक्लोरोक्विनचा पुरवठा एकूण 55 देशांना करत आहे. यामध्ये अमेरिकेसह युके, फ्रान्स, रशिया अफगाणिस्तान, बांग्लादेश आणि इतर देशांचा समावेश आहे.
   • 20 एप्रिलपासून लॉकडाऊन काही प्रमाणात, केंद्र सरकारच्या नियमावलीनुसार शिथिल करण्यात येईल मात्र कोणत्याही प्रकारे लोकांनी एकत्र येणे, धार्मिक कार्यक्रम, शाळा-कॉलेज यांना परवानगी नसेल असंही ते म्हणाले.राजेश टोपे
   • महाराष्ट्रातील कोरोनाग्रस्तांची संख्या 3100 झाली आहे. 300 जणांना डिस्चार्ज देण्यात आला आहे. तर 194 जणांचा मृत्यू झाला आहे.
   • तबलिगी जमातप्रमुख मौलाना साद यांच्या 4 नातेवाईकांविरुद्ध उत्तर प्रदेशच्या सहारनपूरमध्ये गुन्हा दाखल करण्यात आल्याची माहिती जिल्हाधिकारी अखिलेश सिंग यांनी दिली आहे.
   • कर्नाटक राज्यातील कोराना व्हायरस ग्रस्तांची संख्या 315 वर पोहोचली आहे. गेल्या 24 तासांत राज्यात 36 रुग्ण वाढले.गोव्यात मात्र गुरूवारी (16 एप्रिल) कोरोना व्हायरसची लागण झालेल्या एकाही नव्या रुग्णाची नोंद झाली नाही.

   अधिक माहिती जाणून घेण्यासाठी क्लिक करा.