You’re viewing a text-only version of this website that uses less data. View the main version of the website including all images and videos.
पाहा कोरोना व्हायरस विषयीचे महाराष्ट्र, देश आणि जगातले सर्व ताजे अपडेट्स एकाच ठिकाणी...
मुंबई आणि महाराष्ट्रातला मृतांचा आकडा वेगाने वाढत चाललाय. पण सगळ्यात चिंतेची गोष्ट आहे ती म्हणजे मृतांची वाढणारी टक्केवारी. महाराष्ट्रात हे प्रमाण सुमारे 6 टक्के आहे. समजून घेऊया आपल्या राज्यात असं का होतंय? पाहा व्हीडिओ
कोरोनाव्हायरसमुळे सलग दुसऱ्या दिवशी सुमारे 2000 जणांचा मृत्यू झाल्याचे संयुक्त राष्ट्राने जॉन हॉपकिन्स विद्यापीठाच्या आकडेवारीच्या आधारे स्पष्ट केले आहे.
दिल्लीमधील मयुर विहार फेज वन (एक्स्टेंशन) येथे असणारी वर्धमान अपार्टमेंट्स बिल्डिंग सील करण्यात आली आहे.
दिल्लीमध्ये जाहीर करण्यात आलेल्या कटेंटमेंट झोनमध्ये या इमारतीचा समावेश आहे.
अमेरिकेचे राष्ट्राध्यक्ष डोनाल्ड ट्रंप यांनी मोदींचे आभार मानले आहेत.
"अशा विशेष स्थितीमध्ये मित्रदेशांमध्ये अधिक सहकार्याची गरज असते. हायड्रॉक्सीक्लोक्विनवर निर्णय घेतल्याबद्दल आम्ही भारताचे आणि भारतीयांचे आभारी आहोत. ही मदत कधीच विसरणार नाही.
(कोरोनाविरुद्धच्या) या लढ्यात पंतप्रधान नरेंद्र मोदी यांनी केवळ भारताची नव्हे तर मानवतेची मदत केल्याबद्दल त्यांना धन्यवाद. आम्ही मागितलेली मदत दिल्याबद्दल पंतप्रधान नरेंद्र मोदींचे आभार.
ते एक उत्कृष्ठ (व्यक्ती) आहेत. त्यांनी केलेली मदत विसरणार नाही." अशा शब्दांमध्ये अमेरिकेचे राष्ट्राध्यक्ष डोनल्ड ट्रंप यांनी पंतप्रधान नरेंद्र मोदी आणि भारताचे आभार मानले आहेत.
कोरोना व्हायरसवरुन होणारं राजकारण थांबवा असं आवाहन जागतिक आरोग्य संघटनेचे संचालक तेद्रोस अधोनॉम घेब्रोयसस यांनी केलं आहे.अमेरिकेचे राष्ट्राध्यक्ष डोनल्ड ट्रंप यांनी केलेल्या टीकेनंतर त्यांनी हे आवाहन केले आहे. जागतिक आरोग्य संघटना अधिकाधिक चीनकेंद्री वागत असल्याचा आरोप ट्रंप यांनी केला होता, तसेच अमेरिका या संघटनेला करत असलेल्या मदतीवर पुन्हा विचार करावा लागेल असंही ते म्हणाले होते.जागतिक आरोग्य संघटनेचे अध्यक्ष म्हणाले, आम्हाला सर्व देश जवळचे आहेत, आम्ही कोणताही भेदभाव करत नाही. यावर जागतिक आरोग्य संघटनेच्या अध्यक्षांनी कोरोनावर राजकारण नको अशी विनंती करुन कोव्हिड-91 राजकारणालाच क्वारंटाइन करा असं आवाहन केलं आहे.
नमस्कार,
बीबीसी मराठीच्या कोरोना व्हायरसविषयीच्या लाईव्ह अपडेटमध्ये आपलं स्वागत आहे.