11 आठवड्यानंतर चीनच्या वुहानमधून धावली रेल्वे
तब्बल 11 आठवडे लॉकडाऊनमध्ये असलेल्या चीनमधील वुहानने बुधवारी थोडासा मोकळा श्वास घेतला.
वुहानमधून लॉकडाऊन शिथिल करण्यात आलं असून 11 आठवड्यानंतर पहिल्यांदाच वुहानमधून पहिली ट्रेन बाहेर पडली आहे.
वुहानमध्येच गेल्या डिसेंबरमध्ये कोरोना व्हायरस संक्रमणाची पहिली केस सापडली होती. त्यानंतर संपूर्ण जगभरात या व्हायरसचा उद्रेक झाल्याचं पाहायला मिळालं.
एपी वृत्तसंस्थेच्या माहितीनुसार आता वुहानमधील रहिवाशांना कुठेही येण्याजाण्याची अनुमती देण्यात आलेली आहे.
चीनमध्ये कोरोना व्हायरस संक्रमणाची नवीन 62 प्रकरणं समोर आली आहेत. एक दिवसापूर्वी 32 लोकांना कोरोना व्हायरसची लागण झाल्याचं समोर आलं होतं. चीनमध्ये कोरोना व्हायरसची लागण झालेल्यांची संख्या आता 81 हजार 802 झाली आहे.
फोटो स्रोत, Reuters
