देशभरात गेल्या 24 तासात 773 नवीन रुग्ण, एकूण 5,194
आरोग्य मंत्रालयाचे संयुक्त सचिव लव अग्रवाल यांनी पत्रकार परिषद घेऊन केंद्र सरकार कोरोनाचा प्रादुर्भाव रोखण्यासाठी करत असलेल्या उपाययोजनांची माहिती दिली. तसंच कोरोनाग्रस्त रुग्णांच्या आकड्यांबद्दल माहिती दिली.
त्यांच्या पत्रकार परिषदेतले महत्त्वाचे मुद्दे-
- आतापर्यंत देशभरात कोरोनाचे 5,194 रुग्ण आढळून आले आहेत. गेल्या 24 तासात कोरोनाचे 773 नवीन रुग्ण आढळून आले आहेत.
- कोरोनामुळे आतापर्यंत 149 रुग्णांचा बळी गेला असून मंगळवारी (7 एप्रिल) 32 लोक मृत्युमुखी पडले आहेत. रुग्णालयातून 402 जणांना उपचारानंतर डिस्चार्ज देण्यात आला आहे.
- आरोग्य कर्मचाऱ्यांना आवश्यक ती सर्व साधनसामुग्री देण्यासाठी केंद्राकडून प्रयत्न होत आहेत.
- कोव्हिड-19 झालेल्या किंवा ज्यांना संसर्ग झाला आहे, अशा गर्भवती महिलांवर उपचारासाठी डॉक्टरांना विशेष ट्रेनिंग दिलं जात आहे.
- भारतीय वायुसेनेकडून ईशान्य भारत, केंद्रशाशित प्रदेश तसंच राज्यांना वैद्यकीय संसाधनांचा पुरवठा करण्यात येत आहे.
- कोरोनाच्या 80 टक्के रुग्णांमध्ये सौम्य लक्षणं दिसून येतात, अशा रुग्णांवर कोव्हिड केअर सेंटर्समध्ये उपचार करण्यासाठी पायाभूत सुविधांच्या विस्तारावर भर देण्यात येतोय. शाळा, ह़ॉस्टेल्स, हॉटेलमध्ये ही कोव्हिड केअर सेंटर्स उभारली जात आहेत.
- संसर्गाची साखळी तोडण्यासाठी प्रयत्न केले जात आहेत. रुग्णांची संख्या जशी वाढत आहे, त्यादृष्टीनं उपाययोजना केल्या जात आहेत.
X पोस्टवरून पुढे जा
परवानगी (सोशल मीडिया साईट) मजकूर?
सावधान: अन्य वेबसाईट्सवरील मजकुरासाठी बीबीसी जबाबदार नाही. या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त
