महाराष्ट्रात कोरोनाचे 67 नवीन रुग्ण, सहा जणांचा मृत्यू

लाईव्ह कव्हरेज

1. 3 एप्रिल 2020पोलिसांवर दगडफेक करणाऱ्यांवर रासुका लावणार- उत्तर प्रदेश

   पोलिसांवर दगडफेक करणाऱ्यांवर राष्ट्रीय सुरक्षा कायद्यांतर्गत कारवाई करण्याचे आदेश उत्तर प्रदेश सरकारने दिले आहेत.

2. 3 एप्रिल 2020गोव्यात कोव्हिड-19चा आणखी एक रुग्ण

   कोव्हिडचा आणखी एक रुग्ण गोव्यामध्ये आणखी एक रुग्ण सापडला असून तो मोझांबिक, केनिया असा प्रवास करुन आल्याची माहिती गोव्याचे आरोग्यमंत्री विश्वजित राणे यांनी दिली आहे.

3. 3 एप्रिल 2020'5 एप्रिलला 9 वाजता 9 मिनिटं विजेचे दिवे बंद करा, पणत्या लावा,' नरेंद्र मोदींचं आवाहन

4. 3 एप्रिल 2020ब्रेकिंग, कोणीही घराबाहेर पडून हे करायचं नाही - मोदी

   त्या उजेडात आपण एकटे नाही हा संकल्प करुया, कोणीही एकटं नाही हा संकल्प करु. 130 कोटी लोक एकाच संकल्पाला पूर्णत्वास नेण्यासाठी कटिबद्ध होऊ. कोणीही घराबाहेर पडून हे करायचं नाहीये. आपल्याच दरवाजा, बाल्कनीतून करायचं आहे.

   सोशल डिस्टन्सिंगची मर्यादा ओलांडायची नाहीये. कोरोनाची साखळी तोडण्यासाठी हाच रामबाण उपाय आहे.

   या संकटाच्या काळात लढण्याची ताकद यातून येईल आणि जिंकण्याचा आशावाद यातून मिळेल.आपल्या उत्साहाशिवाय जगात दुसरी कोणतीही ताकद श्रेष्ठ नाही चला एकत्र येऊ कोरोनाला हरवू, भारताला विजयी बनवू.

5. 3 एप्रिल 2020ब्रेकिंग, 5 एप्रिल रोजी रात्री 9 वाजता 9 मिनिटं घरातले सर्व लाईट बंद करून मेणबत्ती, दिवा, बॅटरी किंवा मोबाईलचा लाईट लावा - मोदी

   या रविवारी 5 एप्रिलला आपल्या सर्वांना कोरोना संकटाच्या अंधःकाराला आव्हान द्यायचं आहे. यादिवशी 5 एप्रिलला 130 कोटी लोकांच्या महाशक्तीचं जागरण करायचं आहे. रविवारी रात्री 9 वाजता मला तुमची 9 मिनिटं हवी आहेत. घरातील सर्व विजेचे दिवे बंद करून दारात आणि बाल्कनीत उभं राहून मेणबत्ती, दिवे, मोबाइलचे फ्लॅशलाईटस लावावेत. 5 एप्रिल रोजी रात्री 9 वाजता 9 मिनिटे हे करायचं आहे. यावेळेस घरातले विजेचे दिवे बंद केले असले तर या प्रकाशाच्या महाशक्तीचा सर्वांना साक्षात्कार होईल.

6. 3 एप्रिल 2020

   आपल्याला सतत प्रकाशाच्या दिशेने वाटचाल करत राहिले पाहिजे. आपल्या गरीब बांधवांना कोरोनामुळे निर्माण झालेल्या नैराश्यातून बाहेर काढून आशेच्या दिशेने नेलं पाहिजे - मोदी

   अंधःकारमय संकटाला पराभूत करण्यासाठी आपल्याला प्रकाशाचं तेज चारही दिशांना पसरवलं पाहिजे - मोदी

7. 3 एप्रिल 2020

   जनता-जनार्दन ईश्वराचाच अवतार असते. जनतारुपी महाशक्तीचा या काळात साक्षात्कार सतत होत राहिला पाहिजे. त्यामुळे मनोबल वाढतं. आपला मार्ग अधिक स्पष्ट करतो - मोदी

8. 3 एप्रिल 2020तुम्ही कुणीच एकटे नाहीत - मोदी

   आज देशातले कोट्यवधी लोक घरात आहेत. तेव्हा आपण एकटे काय करु शकणार आहोत असा विचार मनात येऊ शकतो. असे किती दिवस घालवायचे असा प्रश्न पडू शकतो. आपण आपापल्या घरात असलो तरी आपल्यापैकी कोणीही एकटं नाहीये. 130 कोटी लोकांचा सामूहिक शक्ती प्रत्येकाबरोबर आहे.

   या सामूहिक शक्तीची अनुभूत वेळोवेळी घेणं आवश्यक आहे.

9. 3 एप्रिल 2020

   लॉकडाऊनच्या काळात ही सामूहिकताच उपयोगी पडत आहे - मोदी

10. 3 एप्रिल 2020

    आज अनेक देश भारताचं अनुकरण करत आहेत. जनता कर्फ्यु, आरोग्य कर्मचाऱ्यांचं अभिनंदन यामुळे सामूहिक एकतेचा भाव प्रकट झाला - मोदी

11. 3 एप्रिल 2020

    कोरोनाच्या साथीविरोधातील देशव्यापी लॉकडाऊनचा आजवा नववा दिवस आहे. या काळात तुम्ही आणि प्रशासनाने स्थिती चांगली ठेवण्याचचा भरपूर प्रयत्न केला आहे - नरेंद्र मोदी

12. 3 एप्रिल 2020पंतप्रधान नरेंद्र मोदी यांचा देशाला उद्देशून संवाद सुरु

13. 3 एप्रिल 2020पंतप्रधान नरेंद्र मोदी थोड्याच वेळात साधणार संवाद

    सकाळी नऊ वाजता जनतेशी संवाद

14. 3 एप्रिल 2020महाराष्ट्रात कोरोनाचे 67 नवीन रुग्ण, सहा जणांचा मृत्यू

15. 3 एप्रिल 2020धारावीत 35 वर्षांच्या डॉक्टरला कोरोना व्हायरसची लागण

    धारावीत 35 वर्षिय डॉक्टरला कोरोना व्हायरसची लागण झाली आहे.

    कोरोना व्हायरसची लागण झालेले हे डॉक्टर ज्या इमारतीत राहात होते ती इमारत सील करण्यात आली आहे.

16. 3 एप्रिल 2020मुंबईतील 'त्या' 3 दिवसांच्या बाळाची कोरोना चाचणी आता निगेटिव्ह

17. 3 एप्रिल 2020, तबलिगी जमातमध्ये गेलेल्या तिघांना कोरोना व्हायरसची लागण

    हे तिघे हिमाचल प्रदेशातील मंडी येथील असून ते सध्या नाक्रोह येथे मशिदीत राहात होते. खबरदारीचा उपाय म्हणून गावातील लोकांना क्वारंटाइन करण्यात आलं आहे.

18. 3 एप्रिल 2020कोरोना विषाणूबाबत जागृती करण्याची अभिनव शक्कल

19. 3 एप्रिल 2020पंतप्रधान नरेंद्र मोदी आज देशवासियांशी संवाद साधणार

    आज सकाळी 9 वाजता पंतप्रधान नरेंद्र मोदी देशातल्या जनतेशी संवाद साधतील. हा संवाद व्हीडिओमार्फत होईल.