Oscar Nominations 2020: जोकर चित्रपटाला ऑस्करची 11 नामांकनं

हॉलिवुडमध्ये सर्वाधिक मानाचा पुरस्कार समजल्या जाणाऱ्या 92 व्या अकॅडमी अवॉर्ड्स अर्थात ऑस्कर पुरस्कारासाठीची नामांकन यादी जाहीर करण्यात आली आहे.

यावर्षी क्विंटन टरँटिनोचा 'वन्स अपॉन अ टाइम इन हॉलिवूड' आणि टोड फिलिप्सचा 'जोकर' ऑस्करच्या स्पर्धेत सर्वांत पुढे आहे.

यंदाच्या ऑस्कर पुरस्कारांसाठी सर्वाधिक नामांकनं मिळवणारा हा 'जोकर' ठरला आहे. 'जोकर'ला तब्बल 11 कॅटेगरींमध्ये नामांकन मिळालं आहे. 10 फेब्रुवारी रोजी (भारतीय वेळेनुसार) ऑस्कर सोहळा रंगणार आहे.

'जोकर'ला सर्वोत्कृष्ट चित्रपट, सर्वोत्कृष्ट दिग्दर्शन, सर्वोत्कृष्ट अभिनेतासोबतच आणखी आठ नॉमिनेशन मिळाली आहेत. जोकर हा चित्रपट रिलीज होत असताना अनेकांनी त्याची तुलना हिथ लिजरच्या 'डार्क नाइट'मधील जोकरशी केली होती, मात्र यंदाचा जोकरही प्रेक्षकांना भावून गेला.

त्यासोबतच '1917' आणि 'वन्स अपॉन अ टाईम...इन हॉलिवुड', द आयरिश मॅन' या तीन चित्रपटांना वेगवेगळ्या कॅटेगरिमध्ये 10 नॉमिनेशन्स मिळाली आहेत.

'जोजो रॅबिट'ला 5, तर 'लिटिल मॅन' आणि 'पॅरासाईट' या दोन चित्रपटांची सहा कॅटेगरीत निवड झाली आहे. तर 'फोर्ड व्हर्सेस फरारी' हा चित्रपट 4 मुख्य कॅटेगरिमध्ये निवडला गेला आहे.

सर्वोत्कृष्ट अभिनेतासाठी 'जोकर'च्या हॉकिन फीनिक्स व्यतिरिक्त मॅरेज स्टोरीसाठी अॅडम ड्रायव्हर 'वन्स अपॉन अ टाईम...इन हॉलिवुड'साठी लियोनार्डो डिकॅप्रियो, जोनाथन प्राईस यांना 'द टू पोप्स' या चित्रपटासाठी नॉमिनेशन मिळालं आहे.

सर्वोत्कृष्ट अभिनेत्रीसाठी सिन्थिया एरिवो, स्कारलेट जोहानसन, साइओर्स रोनेन, चार्लीज थेरॉन आणि रेने जेल्वेगर स्पर्धेत आहेत.

भारताकडून ऑस्करसाठी झोया अख्तरचा 'गली बॉय' हा सिनेमा पाठवण्यात आला होता. तो स्पर्धेबाहेर गेला आहे. मात्र, भारताला अजूनही एक संधी आहे.

शेफ ते फिल्ममेकर प्रवास करणाऱ्या विकास खन्नाचा 'द लास्ट कलर' हा पदार्पणातील सिनेमा ऑस्करसाठी पाठवण्यात आला आहे. अभिनेत्री नीना गुप्ता यांची यात प्रमुख भूमिका आहे. बेस्ट फिचर फिल्म कॅटेगरीत हा सिनेमा ऑस्करसाठी पाठवण्यात आला आहे.

पाहा ऑस्करची संपूर्ण यादी -

सर्वोत्कृष्ट दिग्दर्शन :

सर्वोत्कृष्ट सहाय्यक अभिनेता :

सर्वोत्कृष्ट सहाय्यक अभिनेत्री :

सर्वोत्कृष्ट गीत :

सर्वोत्कृष्ट पटकथा - अडप्टेड स्क्रीनप्ले :

सर्वोत्कृष्ट छायाचित्रण :

सर्वोत्कृष्ट आंतरराष्ट्रीय चित्रपट :

सर्वोत्कृष्ट विज्युअल इफेक्ट्स :

अॅनिमेटेड फीचर फिल्म :

हेही वाचलंत का?

(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.'बीबीसी विश्व' रोज संध्याकाळी 7 वाजता JioTV अॅप आणि यूट्यूबवर नक्की पाहा.)