कॅटरिना कैफ -विकी कौशल यांना जीवे मारण्याची धमकी, तक्रार दाखल

Published 25 जुलै 2022

वाचन वेळ: 1 मिनिटे

कॅटरिना कैफ आणि विकी कौशल या दोघांना जीवे मारण्याची धमकी आल्यानंतर त्यांनी पोलिसांकडे धाव घेतली. ANI ने दिलेल्या वृत्तानुसार अज्ञात लोकांविरोधात तक्रार दाखल करण्यात आली आहे. मुंबईच्या सांताक्रूझ पोलीस स्टेशनमध्ये ही तक्रार नोंदवण्यात आली आहे.

पोलिसांनी या प्रकरणाचा तपास सुरू केला आहे. गेल्या काही दिवसांपासून कॅटरिनाला सोशल मीडियाहून जीवे मारण्याच्या धमक्या दिल्या जात आहेत. पोलिसांनी आयटी अॅक्टच्या कलमांअंतर्गत तक्रार दाखल केली आहे.

गेल्या वर्षी डिसेंबरमध्ये विकी कौशल आणि कॅटरिना यांचं लग्न झालं होतं. याआधी, सलमान खानला देखील जीवे मारण्याची धमकी देण्यात आली होती.

तुमचाही मुसेवाला करू- सलमान खान आणि त्याच्या वडिलांना धमकीचं पत्र

पंजाबी रॅपर सिध्दू मूसेवाला याची काही दिवसांपूर्वी गोळ्या झाडून हत्या करण्यात आली. अभिनेता सलमान खान आणि त्याचे वडील सलीम खान यांना धमकी देणारं पत्र मिळालं होतं.

'सलमान और आपका बहुत जल्द मुसेवाला होगा' ( सलमान आणि तुमचा लवकरच मुसेवाला होणार) अशी धमकी चिठ्ठीतून देण्यात आली आहे.

सलीम खान यांना हे धमकीचं पत्र मिळाल्यानंतर त्यांनी लगेचच पोलिसांना याबद्दल माहिती दिली आहे. याप्रकरणी वांद्रे पोलीस ठाण्यात गुन्हा दाखल करण्यात आला आहे.

रविवारी सकाळी नेहमीप्रमाणे मॉर्निंग वॉकसाठी गेलेले सलीम खान वांद्र्यातील बँड स्टँड इथं नेहमीचे बेंचवर बसले असता कोणीतरी अज्ञात इसमानं त्यांना आणि सलमान खानला चिट्ठीद्वारे जीवे ठार मारण्याची धमकी दिली. त्यानंतर त्यांनी त्यांच्या सुरक्षारक्षकाद्वारे पोलिसांशी संपर्क साधला.

हे वाचलंत का?

YouTube पोस्टवरून पुढे जा

परवानगी (सोशल मीडिया साईट) मजकूर?

या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.

सावधान: बाहेरच्या मजकुरावर काही अॅड असू शकतात

YouTube पोस्ट समाप्त