एकनाथ शिंदे : बंड ते मुख्यमंत्रिपद, 19 फोटोंमधून पाहा संपूर्ण घटनाक्रम
फोटो स्रोत, Eknath shinde office
शिवसेनेचे बंडखोर नेते एकनाथ शिंदे आता महाराष्ट्राच्या मुख्यमंत्रिपदी विराजमान झाले आहेत. शिंदे यांनी गुरुवारी (30 जून) संध्याकाळी राजभवनावर मुख्यमंत्रिपदाची शपथ घेतली.
20 जून रोजी विधानपरिषदेची निवडणूक पार पडल्यानंतर शिंदे नॉट रिचेबल झाले होते. विधानसभेतून ठाणे, मग सुरत, त्यानंतर गुवाहाटी, तिथून पुढे गोव्यापर्यंत त्यांनी अनेक झाडी, डोंगर आणि हॉटेल पादाक्रांत केले.
सुरुवातीला रस्ते नंतर हवाईमार्गे रंजक प्रवास करत शिंदे थेट मुंबईच्या राजभवनावर दाखल झाले. याठिकाणी 30 जून रोजी शिंदे यांच्या गळ्यात मुख्यमंत्रिपदाची माळ पडली आणि अखेरीस या नाट्याच्या पहिल्या अंकावर पडदा पडला.
20 ते 30 जून या दहा दिवसांत शिंदे यांच्या बंडाने महाराष्ट्राचं राजकीय समीकरण पूर्णपणे बदलून टाकलं आहे. एकनाथ शिंदे यांच्या बंडाची ही संपूर्ण 'क्रोनोलॉजी' समजून घेऊ फोटोंच्या माध्यमातून -
सर्वप्रथम 21 जूनला एकनाथ शिंदे आपल्या समर्थक आमदारांसह गुजरातच्या सुरतमध्ये दाखल झाले. सूरतमध्ये ते ली मेरिडियन हॉटेलमध्ये वास्तव्यास होते. पहिल्यांदा याठिकाणी एकनाथ शिंदे यांनी शक्तिप्रदर्शन केलं.
त्यानंतर हे आमदार सुरतहून गुवाहाटीला गेले.
फोटो स्रोत, Eknath shinde office
शिंदेंविरुद्ध कारवाईचा इशारा देत शिवसेनेने अजय चौधरी यांना गटनेतेपदी नियुक्त केलं. तसंच सुनील प्रभू यांची नियुक्ती प्रतोद म्हणून करण्यात आली. त्याला प्रत्युत्तर म्हणून एकनाथ शिंदे यांनी भरत गोगावले यांची प्रतोद म्हणून नियुक्ती केली. सर्वप्रथम सुनील प्रभूंना तुम्ही बाहेर काढा, अशी सूचना त्यांना त्यावेळी करण्यात आली. या संवादाचा व्हीडिओही व्हायरल झाला होता. तोच हा क्षण...
फोटो स्रोत, Eknath shinde office
बघता बघता काही दिवसांतच शिंदेंच्या बाजूने 40 आमदार गुवाहाटीत जमले.
फोटो स्रोत, Eknath shinde office
एकनाथ शिंदे आपल्या समर्थक आमदारांना वेळोवेळी संबोधित करून भूमिकेवर ठाम राहण्याबाबत मार्गदर्शन करायचे. आपल्या मागे महाशक्ती असल्याचं वक्तव्य त्यांनी केल्यानंतर हा व्हीडिओ व्हायरल झाला होता.
फोटो स्रोत, Eknath shinde office
यादरम्यान, सांगोल्याचे आमदार शहाजी पाटील यांचं काय झाडी, काय डोंगार, काय हाटील हे वक्तव्य प्रचंड व्हायरल झालं. त्याचा सर्वांनी आनंद घेतला. एकनाथ शिंदे यांनी या डायलॉगवर तयार झालेलं गाणं शहाजी पाटील यांना दाखवून डायलॉग पुन्हा बोलून दाखवण्याची फर्माईश केली.
फोटो स्रोत, Eknath shinde office
दोन दिवसांनंतर गुवाहाटीत मंत्री गुलाबराव पाटील हेसुद्धा एकनाथ शिंदे गटाला येऊन मिळाले.
फोटो स्रोत, Eknath shinde office
एकनाथ शिंदे जो काही निर्णय घेतील, तो आम्हाला मान्य असेल, असा ठराव करून आमदारांनी एकनाथ शिंदे यांना त्यांच्याबाबत सर्वाधिकार दिले.
फोटो स्रोत, Eknath shinde office
अनेक दिवस उद्धव ठाकरेंच्या बाजूने असलेले मंत्री उदय सामंत हेसुद्धा अखेरीस एकनाथ शिंदे यांच्या गटात दाखल झाले.
फोटो स्रोत, Eknath shinde office
एकनाथ शिंदे यांच्या बाजूने आमदार ठाम होते. दररोज या आमदारांच्या बैठका व्हायचा. एकनाथ शिंदे रोज त्यांना संबोधन करायचे.
फोटो स्रोत, Eknath shinde office
गुवाहाटीतून निघण्याच्या एक दिवस आधी म्हणजेच 28 जून रोजी एकनाथ शिंदेंसह सर्व आमदारांनी मिळून गुवाहाटीत कामाख्या देवीचं दर्शन घेतलं.
फोटो स्रोत, Eknath shinde office
29 जून रोजी एकनाथ शिंदे समर्थक आमदारांनी गुवाहाटीवरून गोव्याकडे प्रयाण केलं. त्यानंतर 30 जून रोजी समर्थक आमदारांना गोव्यातच ठेवून एकनाथ शिंदे प्रमुख आमदारांसह मुंबईकडे रवाना झाले.
फोटो स्रोत, Eknath shinde office
30 जून रोजी सकाळी 11 वाजता बहुमत चाचणी होणं अपेक्षित होतं. पण मुख्यमंत्री उद्धव ठाकरेंच्या राजीनाम्यामुळे बहुमत चाचणीऐवजी थेट देवेंद्र फडणवीस-एकनाथ शिंदे यांचा शपथविधी होणार, हे स्पष्ट झालं.
फोटो स्रोत, Eknath shinde office
राजभवनवर मोठा ट्विस्ट या घटनाक्रमात पाहायला मिळाला. मुख्यमंत्रिपदी एकनाथ शिंदे यांची वर्णी लागेल, अशी घोषणा याठिकाणी देवेंद्र फडणवीसांनी केली. तसंच स्वतः सत्तेच्या बाहेर राहणार असल्याचं फडणवीसांनी जाहीर केलं.
ध्यानी न मनी असे एकनाथ शिंदे महाराष्ट्राच्या मुख्यमंत्रिपदावर विराजमान झाले.
फोटो स्रोत, cmomaharashtra
पण, पुढच्या 2 तासांमध्येच देवेंद्र फडणवीसांनी पक्षश्रेष्ठींच्या आदेशानंतर उपमुख्यमंत्रिपदाची शपथ घेतली. हा या संपूर्ण घटनाक्रमातला सर्वांत मोठा ट्वीस्ट मानला जातोय.
मुख्यमंत्रिपदाची शपथ घेतल्यानंतर एकनाथ शिंदे यांनी आपल्या समर्थक आमदारांशी व्हीडिओ कॉलवरून संवाद साधला. यावेळी सर्व आमदारांनी एकनाथ शिंदेंचं अभिनंदन केलं.
फोटो स्रोत, Eknath shinde office
काही वेळातच मुख्यमंत्री एकनाथ शिंदे यांनी मंत्रिमंडळ बैठक घेतली. यावेळी उपमुख्यमंत्री देवेंद्र फडणवीस त्यांच्यासोबत उपस्थित होते.
फोटो स्रोत, cmomaharashtra
मुख्यमंत्री एकनाथ शिंदे यांनी रात्री पुन्हा गोवा गाठलं. इथे गोव्याचे मुख्यमंत्री डॉ. प्रमोद सावंत यांनी त्यांची भेट घेतली.
फोटो स्रोत, Eknath shindeoffice
संकलन - हर्षल आकुडे, बीबीसी न्यूज मराठी
हेही वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
