ओमिक्रॉनबाधित व्यक्तीचा भारतातला पहिला मृत्यू पिंपरी-चिंचवडमध्ये

पिंपरी-चिंचवड शहरात ओमिक्रॉनबाधित व्यक्तीचे हृदयविकाराच्या झटक्याने निधन झाले. 52 वर्षीय पुरुषाचे शहरातील यशवंतराव चव्हाण रुग्णालयात निधन झाले.

हे 52 वर्षीय गृहस्थ नायजेरियातून परतले होते. 28 तारखेला त्यांचा मृत्यू झाल्याचे सार्वजनिक आरोग्य विभागाने पत्रकात सांगितले आहे.

या व्यक्तीला 13 वर्षांपासून मधुमेह होता. या व्यक्तीचा मृत्यू कोव्हिडशिवाय अन्य कारणांमुळे झाला आहे. राष्ट्रीय विषाणू विज्ञान संस्थेच्या अहवालात आज हे समजले की या व्यक्तीला ओमिक्रॉनची बाधा झाली होती.

गुरुवारी (30 ऑक्टोबर) राज्यात 5368 नवीन रुग्णांचे निदान झाले आहे. तर दिवसभरात 22 मृत्यूंची नोंद झाली आहे. सध्या राज्यात मृत्यूदर 2.12 टक्के इतका आहे.

आज राज्यात 198 ओमिक्रॉन रुग्णांची नोंद झाली आहे.

ओमिक्रॉनबाधित मृत्यू झालेली व्यक्ती कोण?

पिंपरी-चिंचवड महापालिकेच्या अधिकाऱ्यांकडून मिळालेल्या माहितीनुसार,

पिंपरी-चिंचवड महापालिकेचे वैद्यकीय अधिकारी डॉ. लक्ष्मण गोफणे सांगतात, "रुग्णालयात दाखल झाल्यानंतर 17 डिसेंबरला या व्यक्तीची कोव्हिड टेस्ट करण्यात आली. त्यानंतर करण्यात आलेली दुसरी टेस्टही निगेटिव्ह होती." वैद्यकीय तपासणीत समोर आलं की या व्यक्तीला हृदयविकाराचा झटका आला होता.

नायजेरियातून आल्याने या रुग्णाला स्पेशल वॉर्डमध्ये दाखल करण्यात आलं होतं. या व्यक्तीवर उपचार सुरू करण्यात आले होते.

डॉ. गोफणे पुढे म्हणाले, "20 तारखेला या व्यक्तीची कोरोना चाचणी पॉझिटिव्ह आली. नायजेरियातून आल्याने त्याचा रिपोर्ट ओमिक्रॉन चाचणीसाठी पाठवण्यात आला." पण, या रुग्णाला फार जास्त लक्षणं दिसून आले नाहीत.

पालिका अधिकारी पुढे माहिती देतात, 27 डिसेंबरला या रुग्णाला हृदयविकाराचा तीव्र झटका आला. त्यात त्यांचा मृत्यू झाला.

"पिंपरीमध्ये सद्य स्थितीत 25 रुग्ण ओमिक्रॉनचे आहेत. या रुग्णांना अत्यंत सौम्य लक्षणं आहेत," डॉ. गोफणे पुढे म्हणाले.

नववर्षाच्या पार्श्वभूमीवर विशेष खबरदारी

ओमिक्रॉन व्हेरियंटच्या प्रसारासह एकूणच कोविड बाधित रुग्णांची संख्या वाढीस लागल्याने राज्य सरकार अतिदक्ष झाले आहे.

या पार्श्वभूमीवर राज्याचे पर्यटन, पर्यावरण मंत्री तथा मुंबईचे (उपनगर) पालकमंत्री आदित्य ठाकरे यांनी बृहन्मुंबई महानगरपालिका मुख्यालयात आज (29 डिसेंबर) एक आढावा बैठक घेतली.

त्यानंतर महानगरपालिका आयुक्त डॉ. इकबाल सिंह चहल यांनी देखील महानगरपालिका प्रशासनाची दूरदृश्य प्रणालीद्वारे आढावा बैठक घेवून विविध निर्देश दिले आहेत. त्या सूचना खालीलप्रमाणे -

नववर्ष स्वागताचे कार्यक्रम / समारंभ / पार्टी आयोजित न करण्याची सूचना यापूर्वीच देण्यात आल्या आहेत. हॉटेल्स्, उपहारगृहं यांच्यासह विविध आस्थापनांना उपस्थितीच्या मर्यादा ठरवून देण्यात आल्या आहेत. त्याचे योग्यरीतीने पालन होते आहे, यावर देखरेख ठेवण्यासाठी सर्व प्रशासकीय विभाग कार्यालयांनी तातडीने भरारी पथकांची नेमणूक करावी. स्थानिक पोलीस उपायुक्तांशी समन्वय साधून या पथकांमध्ये पोलीस कर्मचाऱयांचा देखील समावेश करावा. याशिवाय इतरही सूचना देण्यात आल्या आहेत.

31 डिसेंबरसाठी गृहविभागाने जारी केली नियमावली

राज्याच्या गृह विभागानेही कोरोना व्हायरस साथीच्या पार्श्वभूमीवर नियमावरी प्रसिद्ध केली. त्यानुसार खालील सूचना सर्व नागरिकांना देण्यात आलेल्या आहेत.

हे वाचलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.

बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.

'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)