Taa ka a ga-ahazi ntuliaka ime obodo n'Abuja, nke mbụ kemgbe e binyere aka n'iwu ntuliaka ọhụrụ

Mkpuchi Na Eme Ozugbo

Michael Ngene, Chinonso Ugorji, Uzoamaka Ewuzie, Ikechukwu Kalu, Michael Ilediagu, Adline Okere, Marvelous Obomanu, Uche Akolisa

1. 16 Febụwarị 2026Etu anyị si jide mmadụ anọ ọzọ aka ha dị n’ọnwụ ụmụ amaala mba Kemerun – Ndị uweojii

   

   Ebe foto si, Anambra police command / Facebook

   Ndị uweojii n’Anambra steeti akọwaala etu ha si jide mmadụ anọ ọzọ aka ha dị n’ọnwụ ụmụ amaala mba Kemerun.

   Ha nyere nkọwa ahụ n’akwụkwọ ozi Tochukwu Ikenga bụ ọnụ na-ekwuru ndị uweojii n’Anambra steeti wepụtara.

   Tochukwu Ikenga kọwara na ihe ahụ mere n’obodo a na-akpọ Nando, dị n’okpuru ọchịchị Anambra East na Febuwarị 13, 2026.

   O kwuru na onyeisi otu ndị omekome ahụ gbara ọsọ ma gbalaga mgbe ndị uweojii wakporo ebe ha jiri mere ọnọdụ ma jide mmadụ anọ n’ime ha.

   N’okwu ya "anyị napụrụ ha egbe, mma, mgbọegbe dị icheiche nakwa ọgwụ ọtụmọkpọ ha gwọrọ".

   Ikenga sị na ndị ha jidere gunyere dịbịa a na-akpọ Chukwuemeka Emmanuel e jiri “Ugoebenajah mara, dị afọ 27, onye ọzọ bụ Nwabunne Bright dị afọ 27, Chinecherem Chiama dị afọ 21 na Michael Ekwunife dị afọ 38”.

   Lee akụkọ ndị ọzọ ga-amasị gị:

   Ihe mere ekweghị m iso ndị ọrụ nchekwa chọrọ inwuchi m - El-Rufai

   Kedụ ihe ndị nwereike ime ka mmadụ daa ma nwụọ n'otu ntabi anya na mberede?

   City Boy Movement: Kedụ ndị a ma ama n'Ọwụwa Anyanwụ Naịjirịa so na ya?

2. 15 Febụwarị 2026Argungu: A hụrụ m ihe karịrị omenaala na Kebbi steeti - Tinubu

   

   Ebe foto si, President Bola Tinubu / X

   Onyeisiala Naịjirịa bụ Bola Ahmed Tinubu akọwaala ihe ọ hụrụ n’emume ndị Kebbi steeti a na-akpọ Argungu dịka ihe karịrị omenaala.

   Tinubu ji akara X soshal midịa ya depụta etu obi dị ya n’ihe ọ hụrụ, ma kwuo na ihe ya hụrụ dịka ebe ndị mmadụ ji aka ha na-anabata udo.

   Argungu bụ emume ọ dị n’ala nke igwe mmadụ na-akụ azụ otu mgbe. Ha na-eme ya ka asọmpi n’ime mmiri na Kebbi steeti.

   

   Ebe foto si, Bola Ahmed Tinubu / Onyeisiala Naịjirịa bụ Bola Ahmed Tinubu gara n'ebe a na-eme emume a na-akpọ Argungu na Kebbi steeti .

   Tinubu kọwara na emume ahụ “na-egosi na mbọ ya na-agba na nchekwa na-amịta ezi mkpụrụ”.

   Ọ sị na “ndị na-akụ azụ karịrị mmadụ puku iri ise gbakọrọ na Matan Fada na-asọ mpi onye ga-akụta azụ karịa ibe ya n’enweghị ụjọ”.

   

   Ebe foto si, Bola Ahmed Tinubu / X

   Ọ sị na “Argungu na-egosi na ọdịnaala na-enwete ịtụ mgbere. Emume na-arata ndị mmadụ n’obodo. Ebe ọrụ ugbo na-ebute ọganiru”.

   Tinubu ji ohere ahụ kwenkwa nay a ga na-akwado Kebbi steeti.

3. 15 Febụwarị 2026Onyeisiala mba Burundi bụ Evariste Ndayishimiye abụrụla onyeisi oche ọhụrụ otu African Union

   

   Ebe foto si, Getty Images

   Onyeisiala mba Burundi bụ Evariste Ndayishimiye abụrụla onyeisi oche ọhụrụ otu jịkọtara mba niile dị n’Afịrịa a na-akpọ African Union (AU).

   E mere emume inyefe ya ọkwa ọchịchị n’ Addis Ababa, Ethiopia.

   Mịnịsta Naịjirịa na-ahụ maka mba ofesi bụ Yusuf Maitama Tuggar, mere ka a mata nke a n’akara X soshal mịdịa ya.

   Tuggar kwuru na Naịjirịa na-ele anya inwe ezigbo nrụkọ n’etiti otu African Union na Naịjịrịa.

4. 15 Febụwarị 2026Gana agwala Rọshịa ka ejide onye na-eme ejije mere onyonyo mmekọ ya na ọtụtụ ụmụnwaanyị na nzuzo

   

   Ebe foto si, Getty Images

   Mba Gana agwala Rọshịa ka e jide onye na-eme ejije mere onyonyo mmekọ ya na ọtụtụ ụmụnwaanyị na mba Gana .

   Nwoke ahụ mere onyonyo ahụ na nzuzo mgbe ọ gara mba Gana tupu ọ lọghachị azụ na Rọshịa.

   Mba Gana adịla na mbụ gwa mba Rọshịa ka ejide nwoke ahụ maka ebubo inwe mmekọ, ime onyonyo mmekọ na ị kesa ya n’ịntaneti n’enweteghị ikike n’aka ụmụnwaanyị ndị ahụ.

   Akụkọ kwuru na ọ bụ nwoke dị afọ iri atọ mere onyonyo ahụ.

   Gụọ akụkọ ndị ọzọ:

   Peter Obi ekwuola ihe o ga-efu Naịjirịa ị bụ mba na-arụpụta ihe

   Peter Obi ekwuola ihe o ga-efu Naịjirịa ị bụ mba na-arụpụta ihe

   Mmadụ 11 anwụọla na mwakpo Izrel wakporo Gaza

   Ndị ojiegbe egbuola ọtụtụ mmadụ ma tọrọ ndị ọzọ na Niger Steeti

5. 15 Febụwarị 2026Peter Obi ekwuola ihe o ga-efu Naịjirịa ị bụ mba na-arụpụta ihe

   

   Ebe foto si, Peter Obi / X

   Peter Obi bụbu Gọvanọ Anambra steeti ma jikwara otu ndọrọndọrọ ọchịchị Lebọ Patị zọọ ọkwa Onyeisiala Naịjirịa n’afọ 2023 ekuola ihe ọ ga-efu Naịjirịa igbanwe ma bụrụ mba na-arụpụta ihe.

   Peter Obi mere ka a mata nke a n’ozi o kesara n’akara X soshal mịdịa ya mgbe ọ gachara ọgbakọ ndị nkwado ya mere n’Uyo, Akwa Ibom steeti.

   Obi n’ọgbakọ ahụ kwuru na oge eruola mgbe ndị ọchịchị na usoro ọchịchị Naịjirịa ga-agbanwe ma mee ka “Naịjirịa kwụsị ị bụ mba na-ebubata ihe niile ma bụrụ mba na-arụpụta ihe”.

   N'okwu ya “Ọ dị mma na anyị niile jikọtara aka ọnụ mee ka a gbakwasị anya n’iguzobe Naịjirịa ọhụrụ”.

   “Ndị ga-achịrị Naịjirịa ga-abụrịrị ndị ọchịchị mara ihe nkeọma, nwere mmasị ma nwee ntụkwasị obi – ndị ga-akpọ nchekwa, agụmụakwụkwọ, ahụike, ịchụ ụbaịm ọsọ ụkwụ eru ala, na ime ka ndị ntorobịa nwee ọrụ oke mkpa”.

   Ọ gara n'ihu kwuo na “usoro ọchịchị na ndọrọ ndọrọ ọchịchị ga-agbanwe site n'ibubata ihe banye n’ịrụpụta ihe; mana ọ bụ n’igbanwe akparamaagwa anyị ka ọ ga-efu anyị”.

   Gụọ akụkọ ndị ọzọ:

   Mmadụ 11 anwụọla na mwakpo Izrel wakporo Gaza

   Ndị ojiegbe egbuola ọtụtụ mmadụ ma tọrọ ndị ọzọ na Niger Steeti

6. 15 Febụwarị 2026Mmadụ 11 anwụọla na mwakpo Izrel wakporo Gaza

   

   Ebe foto si, Getty Images

   Ndị mba Palestinia iri na otu anwụọla na mwakpo mba Izrel wakporo Gaza n’ụtụtụ Sọnde 15 Febụwarị, 2026.

   Ụlọọrụ Palestinian Civil Defence and Health kwuru na otu IDF mere mwakpo ahụ na nzaghachi mmetọ Hamas metọrọ nkwekọrịta ịkwụsị ịkwa mgbọ.

   Palestinia Red Crescent kwuru na mwakpo mere n’ogige dị na mpaghara ugwu Gaza, gburu mmadụ isii ebe mwakpo ọzọ e mere na mpaghara Saụt Gaza gburu mmadụ ise.

   Izrel na Hamas na-ebo onwe ha ebubo imetọ nkwekọrịta ịkwụsị ịkwa mgbọ nke malitere n’Ọktoba, 2025.

   Mịnịstry Gaza na-ahụ maka ahụike kwuru na opekatampe, ihe ruru mmadụ 600 anwụọla kemgbe ahụ.

   Ndị ọchịchị kwuru na mmadụ 32 anwụọla na mwakpo dị iche iche Izrel wakporo Gaza na mmalite ọnwa Febụwarị.

   Cheta na n’ọnwa gara aga, Onyeisiala Donald Trump kwuru na o hiwela ụlọọrụ Board of Peace nke otu United Nations Security Council nyere iwu ka ha chepụta atụmatụ ma hiwe ndị nchekwa ga-echekwa okeala dị na Gaza ma gbochie mkpamkpa ndị Hamas.

   Akụkọ ndị ọzọ ga-amasị gị:

   Kedụ ihe ndị nwereike ime ka mmadụ daa ma nwụọ n'otu ntabi anya na mberede?

   Otu Kwankwasiyya, Miyetti Allah ajụla oku ndịomeiwu Amerịka kpọrọ ka a gụnye ha dịka ndị oyiọhaegwu

   Ihe mere ekweghị m iso ndị ọrụ nchekwa chọrọ inwuchi m - El-Rufai

7. 15 Febụwarị 2026Ndị ojiegbe egbuola ọtụtụ mmadụ ma tọrọ ndị ọzọ na Niger Steeti

   

   Ebe foto si, Getty Images

   Ndí ojiegbe egbuola mmadụ ọtụtụ mmadụ n’obodo Tungan-Makeri dị na mpaghara Konkoso n’okpuru ọchịchị Borgu dị na Niger steeti ma mụnye ọtụ™ụ ụlọ ọkụ.

   Ozi ụlọọrụ AFP wepụtara kwuru na ndị ojiegbe ahụ gbara ndị mmadụ egbe ma bepụ ha olu.

   Ozi ahụ kwuru na ndị ijiegbe ahụ wakporo obodo ndị ahụ n’ụtụtụ Satọde n’akụkụ ebe ndị ojiegbe gburu mmadụ 100 na mmalite ọnwa a.

   Ndị ojiegbe na-eme ụdịrị mwakpo a na Naịjirịa kemgbe ọtụtụ afọ. Ọnụ na-elwuru ndị uweojii steeti ahụ bụ Wasiu Abiodun kwuru na ndị ojiegbe ahụ gburu mmadụ isii n’obodo Tunga-Makeri.

   O kwuru na ngwa ngwa ndị ojiegbe ahụ wakporo Konkoso, ha ji ọgbaatumtum gaa n’obod Pisaa ebe ha mụnyere ụlọọrụ ndị uweojii ọkụ ma gbuo otu onye ọzọ.

   Ka ọ dị ugbua, ụfọdụ akụkọ kwuru na ọnụọgụgụ ndị e gburu n’obodo atọ ahụ dị 32 ebe akụkọ ọzọ kwuru na ọ bụ mmadụ 46.

   Akụkọ ndị ọzọ nwereike ịmasị gị:

   A dọnyela ozu Ifunanya Nwangene n'ala

   Ụbọchị ntuliaka afọ 2027: INEC ekwuola okwu gbasara mkpesa ndị mmadụ

   City Boy Movement: Kedụ ndị a ma ama n'Ọwụwa Anyanwụ Naịjirịa so na ya?

8. 15 Febụwarị 2026Ụtụtụ ọma Igbo ndị ọma

   Anyị ji obi aṅụrị anabata gị n'ọgbakọ BBC News Igbo taa bụ Sọnde 15 Febụwarị, 2026.

   Ọfọ anyị bụ ka ụbọchị taa na izuụka ọhụrụ a mịtara anyị niile mkpụrụ ọma.

   Sonyere anyị dịka anyị na-ewetere gị akụkọ gbara ọkpụrụkpụ si Naịjirịa, Afrịka na mbaụwa niile.

   Sonyekwara anyị na Facebook, Instagram nakwa Whatsapp Chanelụ anyị maka akụkọ, foto na vidio dị iche iche anyị ji bịa taa.

   Udo dịrị gị!