Etu ndị omekome si wakpoo ụlọ onye enyemaka Buhari

Mkpuchi Na Eme Ozugbo

Chioma Obianinwa and Chimamaka Ihenacho

1. 3 Mee 2021Awụọla pati onyeisiala India n'ala na steeti ha siriọnwụ ịnweta

   N’ofesi, awụọla pati onyeisiala mba India n’ala na mpaghara West Bengal agbanyeghị mbọ niile na ego ha mefuru iji were ọchịchị na steeti ahụ.

   Ezenwaanyị nwetere mmeri na ya bụ ntuliaka bụ Mamata Banerjee sị na ya bụ mmeri azọpụtala West Bengal na ya ga-ememila nje Coronavirus ji mba ahụ asụ akwụ ugbua.

2. 3 Mee 2021ASUU na ụmụakwụkwọ mahadu Kaduna akpọọla ekwo nkụ ka ụgwọakwụkwọ etinyeere ha

   Ụmụibe, Mahadum Kaduna steeti akpọọla ekwo nkụ na ha agaghị akwụ ụgwọ akwụkwọ ọhụrụ agbakwụnyeere ha n’ụlọakwụkwọ ahụ.

   Gọọmentị steeti ahụ buliri ụkwọ akwụkwọ ha site na puku iri abụọ na isii ruo otu narị puku na iri na iri ise.

3. 3 Mee 2021Mbaka gwara gọọmentị Naịjriịa na ya enweghị nkụja maka egwu ha na-enyi ya

   Onyendụ ndị Adoration Ministry bụ Ejike Mbaka amaala gọọmentị Nịajirịa aka n’ihu sị ha were ọsọ were iji gaa gbaara Pope Francis ama dịka ha bara na mba maka nkatọ Mbaka katọrọ ha.

   Mbaka na-akatọ gọọmentị Naịjirịa maka ihe ọ kpọrọ ajọ ọchịchị dị na mba ahụ ughua.

   Ọ sị na Popu ga-akụrụ ya aka maka ịkatọ gọọmentị na-anaghị eme nke ọma.

   Ebe ọ kwetere na ya kpọ ndị ọrụ ngo ndị ọcha ga hụ oneyisiala Mohammadu Buhari, ọ sị na ndị ahụ bụ ndị ọcha nwereike inyeaka belata nsogbu nchekwa dị n'ala a.

4. 3 Mee 2021"Ọ bụ gọọmentị chịbụrụ butere abụbọ ọrụ anyị na-ahụ ugbu a" - Chris Ngige

   Mịnịsta na-ahu maka ọrụ na Naijirịa bụ Chirs Ngige ekwuola na gọọmentị chịbụru tupu onyeisiala Muhammadu Buharị abanye n'ọchịchi bụ ndị butere ọtụtụ abụbọ ọrụ a ndị mmadụ na-ahụ ugbu a.

   Ngige kọwara na gọọmentị a kwere ndị nkuzi mahadum nkwa nde narị abụọ na iri abụọ maka iji bulite ọnọdụ mahadum na Naijirịa.

   Kama ọ bụ nanị otu mgbe n'afọ 2013 ka ha kwụrụ ya bụ ụgwọ.

   O kwukwara na mgbe ha batara n'ọchịchị, ndị nkuzi a were jichie ha maka nkwa ndị ọzọ mere.

   O kwuru sị," Gọọmenti a na-eme ihe Napoleon emenwụghị, n'ihi na anyị na-akwụ ụgwọ eji na-agbanyeghị".

5. 3 Mee 2021Amerịka ebola Chaịna ebubo ibute ọgbaghara n'ezi na ịkpagbu ndị be ha n'ụlọ

   N’ofesi, odeakwụkwọ ukwu mba Amerịka bụ Antony Blinken ebola Chaịna ebubo ịme meneme n’ihu kwampịtị n’azụ.

   Blinken sị na agbanyeghị na Amerịka agaghị achọ itinye ọnụ n’okwu mba Chaịna mana ha aghaghị ahapụ ha ka ha mebie iwu jikọtara mbaụwa.

6. 3 Mee 2021Tinubu sị ka ndị na-ekwu okwu ikewe Naịjirịa gbara ọgwụ ha ṅụọ

   Onyeisi ndu pati APC bụ Bola Tinubu ekwuola na ọ ka mma ka Naịjirịa diri n’otu karị ịgbasa.

   Tinubu rịọrọ ndị niile na-akpọ oku dị otu a ka ha biko gbara ọgwụ ha ṅụọ.

   O kwuru nke a n'ụka ndị Alakụba nke otutu ndị nwere agba bịara ụbọchị ụka, ndị dịka Bisi Akande, Igwe nke Legọs bụ Alayeluwa Rilwan Akiolu na Aliko Dankote.

   Tinubu na-ekwu na ụdịrị oku ahụ nwereike ibute agha.

7. 3 Mee 2021DSS sị na ha ga-amalite ịnwuchi ndị na-ekwu okwu ọjọọ gbasara gọọmentị Naịjirịa

   Ngalaba ọrụ nzuzo Naịjirịa bụ Department of State Security ekwuola na ha ga-amalite ịnwuchi dị niile na-ekwu okwu n’ụdị nwereike itisa Naịjiria.

   Ọnụ na-ekwuru ndị otu a bụ Peter Afunanya sị na agbanyeghị na ọchịchị onye kwuo uche ya nyere ohere ka mmadụ kwuo uche ya, mana ha agaghị anọ na-ele ewu ka ọ mụọ n’ọgbụ.

8. 3 Mee 2021Chris Ngige: 'Gọvanọ ọbụla na-akwụwabeghị ndị ọrụ ụgwọ opekatampe ọhụru na-ada iwu'

   Minista na-ahụ maka ihe gbasara ndị ọrụ Naịjiria bụ Chris ekwuola na gọvanọ ọbụla na-akwụbeghị ndị ọrụ steeti ya ụgwọ opekatampe na-ada iwu. N’onyonyo channels, Ngige kwuru na onye na-anye ọrụ kwụrụ ndị ọrụ ya ụgwọ opekatampe na-erughị puku iri atọ na-ada iwu. Onyeisiala Muhammadu Buhari binyere aka n’akwụkwọ maka nhazigharị ụgwọ opekatampe ọhụrụ n’Eprelu 18, 2019.

9. 3 Mee 2021Unu abọọla chi

   Soro anyị taa maka akụkọ niile ga-amasị gị