Nkeji coronavirus
Lee akụkọ maka coronavirus mere taa.
A chọpụtala ndị niile na-enye Imo Steetị nsogbu - Hope Uzodimma
Gọvanọ Hope Uzodimma nke Imo Steetị sị na a ga-agba aha ndị na-enye steetị ya nsogbu n'anwụ.
Mkpuchi Na Eme Ozugbo
Chioma Obianinwa
Ndị ntọ atọọrọla ụmụakwụkwọ anọ na Plateau steeti
Ndị ntọ atọọla ụmụakwụkwọ Capro Secondary Mission School dị na Gana Ropp N'okpuru ọchịchị Barkin Ladi dị na Plateau Steeti n'ụzọ ụtụtụ Tozde.
Ndị nwe ụlọakwwọ ahụ kwuru na mmadụ atọ n'ime ụmụakwụkwọ ahụ gbalahụrụ ndị ntọ ahụ bụ ndị ntọ bụ ndị e kwuru gbuwara aja ngwụrụ ụlọakwụkwọ ahụ were bata.
Mana otu nwata akwụkwọ ka nọ n'aka ndị omekome ahụ.
Ebe foto si, Getty Images
Ụlọakụ agbachiela n'Abakaliki n'ihi egwu 'unknown gunmen'
Nkọwa foto, Access Bank gbachiri agbachi Ọtụtụ ụlọakụ na Ebonyi steeti dịka Access Bank, Zenith Bank na FCMB emechiela ụlọakụ ha, ebe ndị dịka UBA,GTB na ndị ọzọ ka na-arụ ọrụ dịka kekepu na-efegharị na ndị ekperima ga-awakpo ụlọakụ na steeti ahụ.
Onye ntaakụkọ anyị gagharịrị n'Abakaliki wetara ozi gosiri na ndị mmadụ gara ụlọakụ o metụtara enweghị ike ime ihe ha bịara ime n'ụlọakụ n'ihi mgbachi ahụ.
Mana ọnụ na-ekwuru Zenith Bank bụ Ayoola Kassimu kwuru na " amaghị m maka ya".
N'otu aka ahụ ebe ọnụ na-ekwuru Access Bank Abdul Imoyo kwukwara na ya amaghị maka ya.
Ọ gara n'ihu kwuo na ọ gaghị agbakwoju anya ma ụlọakụ malite imechi n'ihi ọnọdụ nchekwa obodo na steeti ahụ.
Ka ọ dị ugbua, ndị isi mpaghara ụlọakụ dịga na steeti ahụ na Osote Gọvanọ steeti bụ Eric Kelechi Igwe abanyela nzụkọ ji mata ụzọ a ga-esi akwa nwaanyị ukwu wara.
Cheta na nsonso, Gọvanọ steeti ahụ bụ Umahi tinyere mmachi ngagharị malite n 'Elekere Asatọ nke abali rue Elekere Isii nke ụtụtụ dịka nsogbu nchekwa kawanyere njọ na steeti ahụ.
'Unknown Gunmen' awakpoola ogige ndị uweojii na Nkpo, Abia steeti
Ndị o ji egbe wakporo isiụlọọrụ ndị uweojii bụ Divisional Police Headquarter dị na Nkpo n'Okpuru Ọchịchị n' Abia steeti.
Onye ntaakụkọ anyị gara ebe ahụ kwuru na o nweghị onye nwụrụ na ya bụ mwakpokama a gbara ọgbatutu ndị uweojii nakwa ihe ụfọdụ ọkụ..
N'otu aka ahụ ọnụ na-ekwuru ndị uweojii na steeti ahụ kwuru na ndị uweojii gbochiri na ihe e mebighị dịka ndị mere mwakpo ahụ siri kwado.
Obodo bụ igwe n'Ụlọomeiwu taa
Ebe foto si, NASS Facebook
Ọgbọ siri ike n'Ulọomeiwu n'Abuja ụtụtụ taa bụ Tọzde dịka ndị ọrụ nchekwa na-enyocha ndị ọrụ nakwa onye ọbịa ọbụla batara n'ogige ahụ.
Nnyocha ahụ kpalitere kpachi kpachi n'ọnụama ogige Ulọomeiwu
Nke a na-abịa dịka a nụrụ kepukepu na ndị Boko Haram na-akpa nkata ịwakpo ebe ụfọdụ n'Abuja.
Were otu nkeji gere akụkọ dị mkpa n'ụtụtụ taa
A ka na-eme ntulịaka n'India na-agbanyeghị mwakpo ọrịa Covid-19
Ebe foto si, Getty Images
Akụkọ na-akọwa na a na-eme ntuliaka na mpaghara West Bengal nke mba India na-agbanyeghị na ọrịa covid-19 na-echere ha aka mgba.
Ndị ọkammụta na-eti mkpụ na ya bụ ọrịa ga-agbasa n'ike dịka mmadụ otu puku na narị asaa ebutela ya bụ ọrịa n'otu ụbọchị na West Bengal.
Ntuliaka a mere ka ọtụtụ ndị mmadụ gbakọta ọnụ dịka ndị ndọrọndọrọ ọchịchị na-achụ nta votu.
Onye ntaakụkọ BBC bụ Amitabha Bhattasali na-ekwu na ọtụtụ ndị mmadụ butere nzụkọ achụmta votu nke ndị ndọrọndọrọ ọchịchi mere nke gụnyere onyeisiala mba ahụ bụ Nrendra Modi eyighị mkpuchi imi ha maọbụ nye mmadụ ibe ha ọhere nke bụ usoro nchekwa maka ọrịa copvid-19.
Unu abọọla chi
Soro anyị taa maka akụkọ dị mkpa ga-amasị gị taa niile
E meela akwamozu nwaakwụkwọ mahadum Greenfield University
E liela otu n’ime ụmụakwụkwọ Greenfield Univsersity ndị omekome gburu na Kaduna steeti.
A kaara Dorothy Tirnom Yahana ụka ikpeazụ n' ECWA Goodnews dị na Narayi High Cost dị na steeti ahụ taa bụ Wenezde.
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Gọọmenti amapụtala atụmatụ ọhụrụ maka inyere ndị ogbenye aka
Gọọmentị etiti etinyela aka n’akwụkwọ maka ịmalite atụmatụ ga-akwalita ụmụ ogbenye, ha kporọ 'National Poverty Reduction with Growth strategy".
Ha kpebiri maka atụmatụ a n’ọgbakọ ndị isiọchịchị nke onyeisiala Mohammadu Buharị nọ n’isi ya n’Abuja taa bụ Wenezde.
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Ebe foto si, Bashir Ahmad
Nkeji Coronavirus
Etu e si wakpoo ọtụtụ ebe n'Ezza Notụ dị n'Ebonyi steeti
Nkọwa foto, Ụlọakụ ahụ ndị Omekome wakporo n'Onueke dị n'Ezza Notụ Ụlọakụ ndị omekome wakporo n'Ezza nọtụ dị n'Ebonyi steeti na mgbede ụnyahụ bụ Epreelụ 28, 2021 ka gbachiri agbachị.
Onye nta akụkọ BBC chọpụtara na ndị omekome wakporo ụlọakụ UBA dị n'ebe a na-akpọ Onueke nakwa ụlọ onye dibia mgbọrọgwụ dị n'okpuruọchịchị Ezza nọtụ.
Ndị omekome ahụ gbara onye si n'ụlọakụ apụta egbe, mgbe ndị uweojii chụwara ha, ndị omekome ahụ gbagbuo otu n'ime ndị uweojii.
Ndị omekome ahụ mechakwara gaa wakpoo ụlọ onye dịbịa ngbọrọọgwụ,gba ụgbọala ya abụọ ọkụ, zuru ego ruru naira puku narị atọ na puku iri ise ma merụọ ya na onye bi na bee ya ezigbo ahụ.
Kọmịshọna ọrụ nchekwa kwuru na ha na-eche na ọ bụ ndị ama ndị ha bụ ji egbe biara kpa mkpa mkpa ahụ.
Nkọwa foto, Ụlọ dibia mgbọrọọgwụ ndị omekome wakporo 
Ndị oji egbe egbuola ndị ntaakụko abụọ si mba Spain na otu onye mba Ireland na Burkina Faso.
Ebe foto si, Getty Images
Ndị oji egbe egbuola ndị ntaakụkọ abụọ si mba spain na otu onye ọzọ sị mba Ireland n'ụbọchị mọnde na mba Burkina Faso.
Ọ bụ n'ogige nchekwa ụmu anụmanụ dị na mpaghara ọwụwa anyanwụ Burkina Faso ka e gburu ndị a.
Praịm Mịnịsta mba Spain bụ Pedro Sanchez toro ndị ntaakụkọ a maka mbọ ha gbara ime akụkọ na-agbanyeghị na ndị otu oyi egwu na-akpa mkpamkpa ebe ahụ.
Ọ bụ mgbe ha na-eme ngagharị ịchekwa ogige ụmụ anụmanụ a ka ha zutere ndị gburu ha.
Gọọmentị Burkina Daso kwuru na ndị a tọọrọ otu onye agha mba ha.
Burkina Faso na-aluso ndị otu oyi egwu ọgụ na mba ha.
Floyd Mayweather v Logan Paul: Ọ ga-afịọtụ n'ọnwa Jun
Floyd Mayweather bụ ọkaibe n'ịku ọkpụ na Logan Paul bụ onye na-eme ihe onyonyo na Youtube ga-ezute onwe ha n'ụbọchị isii nke ọnwa Jun afọ 2021.
Ebe foto si, Getty Images
Nke a ga-eme ya ugboro abụọ Mayweather na onye na-abụghị onye na-akụ ọkpọ ga-alụ ọgụ.
Mayweather onye gbara afọ iri anọ na anọ kwụsịrị ịkụ ọkpọ n'afọ 2017 dịka ọ lụrụ ọgụ ugboro iri ise ma enweghị onye meriri ya.
'Onyeisiala nye anyị ikike ịzụta egbe iji chekwa onwe anyị' - Samuel Ortom
Ebe foto si, Getty Images
Gọvanọ Benue steeti bụ Samuel Ortom arịọla onyeisiala Naijirịa bụ Muhammadu Buhari ka ọ nye ha ikike ịzụta egbe ha ga-eji chekwaa onwe ha.
O kwuru nke a mgbe ọ gara ịleta ndị na-eme ngagharịwe maka ogbugbu mmadụ asaa n'ogige gbatagbata dị n'Abagana na steeti ahụ n'ụbọchi Tuzde n'aka ndị echere bụ ndị ọchịehi.
Ndị a na-eme ngagharịiwe ji ozu mmadụ asaa a egburu dochie okporo ụzọ jịkọrọ Markurdi na Lafia.
Gere akụko ihe na-eme n'otu nkeji
Covid-19 egbuola karịa mmadụ 200,000 na mba India
Ebe foto si, Getty Images
Mba Ịndịa nọ na gbaharịa dịka ndị nwụrụla site n'ọrịa covid-19 na mba ahụ akarịala mmadụ puku narị abụọ n'ụbọchị Tuzde.
Gọọmentị mba ahụ na-ekwu na nke a bụ mbụ ihe karịrị mmadụ puku atọ na-anwụ n'otu ụbọchị n'aka ya bụ ọrịa na mba ahụ.
Ha na-ekwu kwa na mmadụ nde abụọ butere ya bụ ọrịa n'ime otu izuụka.
Ịndia bụ onye nke anọ n'ime mba ọrịa covid-19 kacha awakpo.
Amerịka bụ mbụ, sotewe Brazil na Mexico.
Kama n'ime mba ndị a niile, ọ bụ Ịndịa ka ya bụ ọrịa kacha anyụ anya.
Ebe foto si, Reuters
Covdi-19 nke B. 1.617
Ngalaba World Health Organisation ekwuola na ahụtala ọrịa covid-19 nke a na-akpọ B.1.617 ebu ụzọ hụ na mba Ịndia na mba iri na asaa ndị ọzọ,
WHO kwukwara na ya bụ ọrịa covid-19 ọhụrụ nwere mgbanwe ruru otu puku, na narị abụọ bụ na mba Ịndịa,
Briten, Amerịka na Singapore ka ha o siri pụta.
Unu abọọla chi
Soro anyị taa maka akụkọ niile dị mkpa dịka o si akpọtụ
Ihe Buhari na Odeakwụkwọ Ukwu Amerika kpara na nzukọ
Ebe foto si, Bashir Ahmed
Mba Amerịka ekwuola na ha na-ele anya ihigharị isiụlọọrụ agha ha hiwere maka inyere mba dịga n'Afrịka(US AfricaCommand) aka bute ya na mpaghara Afrịka ebe nsogbu nchekwa na-akpọtụ akpọtụ.
Odeakwụkwọ Ukwu mba ahụ bụ Anthony Bliken kwuru nke a taa n'ọgbakọ ya na Onyeisiala Naijiria bụ Muhammadu Buhari enwere n'ikuku na Naijiria ebe ha kpara maka mmekọrịta mba abụọ ndị a.
" Nsogbu nchekwa na-arị elu na ọdịdịa anyanụ na etiti Afrịka, Gulf nke Guinea, mpaghara Lake Chad na ọzara Sahel na-anyịdo Afrịka mee ka ọ dị mkpa na anyị butere isi ụlọọrụ AFRICOM dị na Jamini n' Afrịka."
N’otu aka ahụ, Buhari kerele onyeisiala Mba Amerịka bụ Joe Biden maka mbọ ọ gbara ka e wepụpụ mmachi etinyere ndị okpukperechi Islam si mba dị iche iche n’Afrịka gụnyere Naijiria ime njem.
Blinken nọburu mbụ gbaa ama na ya na mba Kenya na Naijiria ga-enwe mkparịtaụka ịkpa maka etu a ga-esi akwalite dị na-eto eto.
Ebe foto si, Ahmed Bashir
Skip X postHapụ X ihe dị na ya?Warning: BBC amaghị maka ihe ndị si n'ọbaozi ndị ọzọ.Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Mgbọ atụgbuola ọkwọụgbọala
Nkọwa foto, Okporoụzọ 'Bank Road' dị n' Owere Mgbọ egbe a maghị ebe o si atụgbuola otu nwoke dịka ọ kwọ ụgbọala ya aga okporoụzọ 'Bank Road' dị n'Owere isiobodo Imo steeti n'abalị Monde.
Nke a na-abịa otu abali mgbọ tụgbuchara nwata akwụkwọ mahadum a kpọrọ Divine Nwaneri, na mpaghara ahụ.
Ndị nọ ebe ihe mere kwuru na ha amaghị ndị gbara egbe ahụ nke turu nwoke e kwuru bu ụmụanụmanụ aga.
Oge onye ntaakụkọ anyị gara ebe ahụ,kwuru na e bupụla ozu ya nakwa ụgbọala ya, ebe ebe niile dere jụụ.
Cheta na kemgbe ndị ji egbe wakporo ụlọ gọvanọ Imo steeti bụ Hope Uzodinma e gbochiri otu akụkụ okporoụzọ Bank Road nke mere na ndị na aga aga ma ndị na-ala ala n'esizi otu akụkọ ala.