Ndị Ugwu e jidere n'Upper Iweka ha bụ ndị ole?

Fulani

Ebe foto si, Screengrab

Nkọwa foto, Mmadụ abụọ ahụ a hụrụ n'onyonyo bụ ndị e boro ebubo na ha bụ ndị oyi egwu
Mgbe e biputara ya

Akụkọ malitere ifesa na e jidere mmadụ abụọ ndị mpaghara Ugwu n'Upper Iweka n'ụbọchị Wenezde.

Olu na-agbasa akụkọ ahụ na-ekwu na ndị ahụ bụ ndị oyiindụegwu, ma gosikwa egbe na mma a natara ha.

Aha onyonyo, Fulani herdsmen in Bende:"Ndị uweojii kpọchịrị anyị mgbe anyị gara ikpesa etu ndị ọchịehi si mebie n'ugbo anyị"

Ndị ugwu abụọ ndị ahụ e nwetara n'ọdọụgbọala Chisco bụ ndị dinta na-agara onwe ha - Haruna Mohammed

Mana Haruna Mohammed bụ ọnụ na-ekwuru ndị uweojii n'Anambara steeti gawara BBC Igbo na mmadụ abụọ ahụ bụ ndị dinta na-agara onwe ha.

Na nkọwa ya, Mohammed kwuru na ya bụ ihe mere n'ụbọchị Sọnde 21 Febụwarị, 2021, ọ bụghị ụbọchị Wenezde dịka akụkọ si agbasa.

Mohammed kwuru na ndị ahụ bụ ndị dinta na-aga izute ndị otu ha tupu ejide ha.

Ọ gara n'ihu kwuo na ndị uweojii mechara zọpụta mmadụ abụọ ahụ.

Udo dị n'Upper Iweka ugbua - Onye nlekọta ọdọụgbọala Chisco

Skip Akachasị Gụọ and continue reading
Akachasị Gụọ

End of Akachasị Gụọ

Iji mata etu ihe si kwụrụ n'Upper Iweka ugbua, BBC Igbo kpọtụụrụ otu onye na-elekọta otu ọdọ ụgbọala n'Upper Iweka, o wee kwuo na udo adịla ebe ahụ ugbua.

Nwoke a na-achọghị ka a kpọọ aha ya gwara BBC Igbo na ọ nọghị ya oge e jidere mmadụ abụọ ahụ mana ọ nụrụ ya n'akụkọ.

Aha onyonyo, Don Adinuba maka ndị ọchịehi Fulani.

O kwukwara na ọ bụ na mpaghara Upper Iweka a na-akpọ 'Abuja Park' ka akụkọ kwuru na ya bụ ihe mere.

Ọ gara n'ihu kwuo na ndị uweojii na-akpagharị na mpaghara Upper Iweka niile iji hụ na ebe niile dị jụụ