Akụkọ ndị dị mkpa n'ịchafụ: Enugwu steeti amapụtala 400m iji rụọ ụzọ

Akụkọ ndị dị mkpa

Gọọmentị Enugu steeti amapụtala ihe karịrị naịra nde narị anọ iji hibe ngalaba dị icheiche na steeti ahụ

Ọrụ ndị a ga-amalite gụnyere ụzọ itoolu ọhụrụ n'ime steeti ahụ iji mee njem mfe ma kwụsịkwa ahịrị ụgbọala.

A na-anụ kepu kepu na taa bụ ụbọchị Atiku Abubakar bụ bu osote onyeisiala ga-ekwuputa na ọ ga-azọ ọkwa ọchịchị site n'otu PDP

Dịka o deputara n'akwụkwọ ozi, o okwuru na ihe oji pụta ịzọ ya bụ ọkwa bụ oku ụmụ Naịjirịa na-akpọ maka ị hazi akụnaụba obodo ma wepụtakwa ọrụ dị icheiche.

Osote onyeisial enyela iwu ka-eme mkpocha gwongworo n'ụzọ Oshodi-Apapa n'ime abalị atọ.

O kwuru nke a mgbe ọ bịara na Legọs hụ ọnọdụ ụzọ ahụ mere mkpọchi site n'ahiri ụgbọala. Ụfọdụ mmadụ tọrọ atọ n'ahiri ahụ kemgbe ehihie Fraide.

Ihe na-eme N'Afrịka,

Ndị uweojii n'obodo Galilee n'ọdịda anyanwụ Ethiopia anwụchiela otu onye amụma kwuru na ọ ga-esi n'ọnwụ kpolite otu nwoke nwuru anwụ ebe ahụ.

Getayaukal Ayele zigara ezinaụlọ onye ahụ ozi Lazarus nwụrụ na akwụkwọ nso tupu ha-ekwe ya gbalia ị kpọlite nwoke ahụ nwụrụ kemgbe abali anọ.

N'egwuregwu,

Naịjirịa, Igipt, Moroko, Tunisia na Senegal ga-enwe nzụkọ taa na ala Morocco iji chọpụta ihe mere eji gbapụ ha n'agba nke mbụ n'asọmpị ikombaụwa.

Ọ bụ ndị ọrụ ngalaba bọọlụ mba ndị a na ndị nkuzi otu egwuregwu ha ga-anọ na nzụkọ a.

Gee Nkeji nke ụtụtụ a:

Akụkọ ndị ga-amasị gị: