Champions League: Liverpool da Villareal a Anfield

An wallafa

Liverpool ta karbi bakuncin Villareal da za su kara a wasan farko a daf da karshe a Champions League ranar Laraba a Anfield.

Liverpool ta kawo wannan matakin, bayan da ta fitar da Benfica, ita kuwa Villareal Bayern Munich ta casa a kakar bana.

Liverpool mai fatan lashe kofi hudu a bana, bayan da ta dauki Caraboa Cup tana ta biyu a teburin Premier League da tazarar maki daya tsakaninta da Manchester City mai jan ragama.

Villareal mai rike da Europa League tana da maki 52 a mataki ta bakwai a kan teburin La Liga na bana.

Wannan shi ne karo na uku a kaka biyar da Klopp ya kai Liverpool wasannin daf da karshe a babbar gasar tamaula ta Zakarun Turai.

Klopp ya yi rashin nasara a hannun kocin Villareal, Unai Emery a lokacin da yake jan ragamar Sevilla a 2015-16 a gasar Europa League kakar farko a Liverpool da kocin Jamus ya fara aiki.

Sai dai kuma Liverpool ta kai wasan karshe a Champions League sau biyu a jere, wadda ta lashe kofin 2019.

Liverpool tana da Champions League shida jumulla.

Skip Wanda aka fi karantawa and continue reading
Wanda aka fi karantawa

End of Wanda aka fi karantawa

Wasa biyu da kungiyoyin suka kara a tsakaninsu:

Europa League Alhamis 5 ga watan Mayun 2016

  • Liverpool 3 - 0 Villarreal

Europa League Alhamis 28 ga watan Afirilun 2016

  • Villarreal 1 - 0 Liverpool