Old Wulfrunians ta ci Lane Head 19-18 a bugun fenariti

Wasu kungiyoyin da ke buga gasa a Midlands sun kafa tarihin cin kwallo 44 a bugun daga kai sai mai tsaron raga a Ingila.

Tarihin da ake da shi a baya shine na cin kwallo 34 da aka yi a wasa tsakanin matasan Chelsea 'yan kasa da shekara 23 da Oxford United a gasar EFL Trophy.

Na biyun kuwa shine tsakanin Taunton Town da kuma Truro City a gasar Kudanci ta Challenge Cup da aka ci fenariti 34 a karawar.

Sai wannan karawar ta Old Wulfrunians daga Wolverhampton da Lane Head daga Bloxwich da suka kafa sabon tarihi.

Tun farko sun tashi 3-3 a gasar JW Hunt Cup zagayen farko daga nan ta kai ga bugun daga kai sai mai tsaron raga da Old Wulfs ta yi nasara da ci 19-18 wato kwallo 44 kenan suka buga jumulla.

An fara buga gaasar JW Hunt Cup tun daga 1926.