Kano Pillars za ta kara da Plateau United a gasar Firimiyar Najeriya

Kungiyar Kano Pillars za ta fafata da ta Plateau United a wasan mako na hudu a gasar cin kofin Firimiyar Nigeria ranar Laraba.

Pillars, wadda ke buga wasanninta a jihar Kaduna, ta ci fafatawa daya da canjaras biyu mai maki biyar za ta kece raini da Plateau wadda ke da maki hudu.

Rivers United wadda ke jan ragamar teburi da maki tara za ta ziyarci Wikki mai maki daya jal.

Wasu wasannin hamayya da zai yi zafi sun hada da na Adamawa United da Katsina United da wanda Heartland za ta karbi bakuncin Enyimba International, koda yake har yanzu Heartland ba ta da maki.

Wasannin mako na hudu da za a kara ranar Laraba:

Adamawa United da Nasarawa United

Kano Pillars da Plateau United

Heartland da Enyimba International

Warri Wolves da Katsina United

Sunshine Stars da Lobi Stars

Dakkada da Mountain Of Fire And Miracles

Enugu Rangers International da Ifeanyi Ubah F

Abia Warriors da Jigawa Golden Stars

Kada City da Akwa United

Wikki Tourists da Rivers United