Ana dab da gano rigakafin HIV

Karanta rubutu kawai domin rage cin data
Sakamakon binciken ya nuna cewa kimanin rabin birran da aka sa wa cutar sun warke sarai.
Bayanan hoto, Sakamakon binciken ya nuna cewa kimanin rabin birran da aka sa wa cutar sun warke sarai.
An wallafa

Masana kimiyya a Amurka sun yi gwajin wata allurar rigakafi a kan birai, kuma bisa dukkan alamu tana aiki wajen hana kamuwa da wata kwayar cuta kwatankwacin HIV.

Sakamakon binciken da aka wallafa a mujallar Nature, na nuna cewa kimanin rabin birran da aka sa wa cutar sun warke sarai.

A yanzu masana kimiyyar sun kirkiro wani nau'i na wannan allurar da za a iya gwajinsa a kan Bil'adama.

Sai dai da farko sai an yi gwaji don tabbatar da cewa ba shi da wani hadari.

Ana fatan za a fara gwajin maganin nan da shekaru biyu masu zuwa.