Wannan shafi ne da ke kawo muku labarai da rahotanni kai tsaye kan cefanen 'yan kwallo da labarin wasanni.
Mohammed Abdu
Tsohon dan kwallon Everton, Matt Jones ya sanar cewar idan kungiyar ta rabu da Richarlison da Anthony Gordon a bana, watakila za su ji jiki a kakar da za a fara a cikin watan Agusta.
Tuni dai Tottenham ta cimma yarjejeniyar daukar dan wasan, ana kuma alakanta Gordon da cewar kungiyoyi da yawa na son daukarsa a bana.
Asalin hoton, Getty Images
Gwamnatin jihar Kano ta nada Ibrahim Galadima a matakin shugaban Kano Pillars na rikon kwarya, domin maye gurbin, Surajo Shuaibu Yahaya wanda aka fi sani da suna Jambul.
An kori Jambul daga shugabancin Pillars, bayan cin zarafin mataimakin alkalin wasa a karawa da Pillars ta yi da Dakkada a gasar Firimiyar Najeriya fafatawar mako na 31 a Kano.
Tun daga lokacin mahukuntan gasar Firimiyar Najeriya ta dakatar da Surajo Yahaya daga dukkan sabgogin Fimiyar.
Tottenham na sa ran kammala ciniki tsakaninta da Everton kan dan wasan gabanta Richarlison.(Football.London)
Kazalika Spurs na tattaunawa game da batun daukar mai tsaron bayan Barcelona Clement Lenglet. (Sky Sports)
Su kuwa kungiyoyin Chelsea da Tottenham da Arsenal za su gana da Torino don kulla cinikin da mai tsaron bayanta Gleison Bremer, wanda kungiyar ke neman fam miliyan 43 kansa, in ji Jaridar(90min).
Liverpool ta yi watsi da tayin Nottingham Forest na fam miliyan 15, kan mai tsaron bayanta Neco Williams.(Mail)
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
Celtic ta dauki dan kwallon Argentina, mai tsaron baya daga gefen hagu, Alexandro Bernabei, wanda ya amince da kunshin kwantiragin kaka biyar.
Mai shekara 21 zai koma Scotland da taka leda daga Lanus kan fam miliyan 3.75.
Bernabei zai zama na farko dan kasar Argentina da zai buga wa Celtic tamuala.
Asalin hoton, Getty Images
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
Tottenham ta kusan kammala daukar dan kwallon Everton, Richarlison, wanda ake sa ran za su karkare cinikin ranar Alhamis.
An fahimci cewar dan wasan mai shekara 25 an tattauna da shi kan kunshin kwantiragi, wanda ke burin komawa Tottenham.
Dan kwallon tawagar Brazil, ya koma Everton daga Watford kan fam miliyan 50 a 2018, kawo yanzu ya ci kwallo 53 daga 152 a kungiyar Merseyside.
Shi ne ya zama wanda ke kan gaba a cin kwallaye a Everton a kakar da aka kammala, wadda da kyar kungiyar ta sha daga faduwa a babbar gasar tamaula ta Ingila.
Asalin hoton, Getty Images
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
Romelu Lukaku ya kamamal komawa Inter Milan, domin buga wasannin aro kaka daya, bayan shekara daya da Chelsea ta saye shi.
Dan wasan tawagar Belgium ya ci kwallo 15 a dukkan wasannin da ya yi wa Chelsea a kakar da aka kammala har da takwas da ya zura a raga a wasa 26 a gasar Premier League da Manchester City ta lashe.
Chelsea ta sayi dan wasan daga kungiyar da ke buga Serie A a matakin wanda ta dauka mafi tsada a tarihi, kan kwantiragin kaka biyar.
Asalin hoton, Getty Images
