Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Wannan shafi ne da ke dauke da labaran wasanni da ake gudanarwa a karshen mako don sanar da ku irin wainar da ake toyawa.
Mohammed Abdu
Richarlison n ya keta bayan Liverpool amma sai ya ga zai fadi nan da nan ya buga kwallo amma ta yi fadi da yawa.
Nan da nan ita ma Liverpool ta kai kora ta hannun Sadio Mane amma sai Lucas Digne ya yi masa keta hakan ya sa alkalin wasa Mike Dean ya yi masa kati mai ruwan dorawa amma a wajen da'ira ta 18 ta Everton.
Virgil van Dijk ya yi guje a mai tare shi ya samu kwallon da aka bugo daga kwana ya sameta amma ta je kai tsaye wajen mai tsaron ragar Everton, Jordan Pickford.
Dama mai kyau da Liverpool ta samu, kuma ya kamata Naby Keita ya ci kwallon.
Da Liverpool ta shige gaba da kwallo daya da maki uku ya ci Keita ya zura kwallo a raga.
Liverpool ta fara wasan zagaye na biyu da Alex Oxlade-Chamberlain wanda ya canji Takumi Minamino.
Idan anjima ne Real Madrid za ta ziyarci Real Sociedad domin buga gasar La Liga.
Wannan dama ce ga kungiyar ko dai ta yi kan0kan0kan da Barcelona da maki iri daya.
Ko kuma ta haura Barca idan ta ci kwallo sama da hudu a raga ba tare da an zura mata ba.
Ko kuma Barcelona ta ci gab da ba ta tazara.
A ranar Talata, Marcus Rashford ya nemi a tallafa wa yara miliyan 1.3 domin samun abinci kyauta a lokacin wannan bazarar.
Tuni dan wasan na Manchester ya tara fam miliyan 20 domin kai abinci ga marasa ƙarfi a lokacin wannan annobar.
Martani mai daɗi da jama'a ke mayarwa kan irin nasarar da ɗan kwallon ya samu ya sauya tunanin jama'a da dama kan yadda ake kallon 'yan kwallo.
Kuma Rashford mai shekaru 22, ba shi kaɗai yake amfani da sana'arsa ta taka leda ba domin taimako.
An amince kungiyoyin Premier League su yi sauyin 'yan wasa biyar maimakon ukun da aka saba, a wasa, amma zuwa karshen kakar 2019-20..
Haka kuma kungiyoyin za su bayyana 'yan zaman benci tara maimakon bakwai da ake yi a baya.
Duk da an amince da sauya 'yan wasa biyar, an amince kungiya za ta iya sa uku a lokaci daya don rage cin lokaci a yayin taka leda.
Tun da aka koma ci gaba da buga Premier League wasa uku ne aka ci tun kan hutu daga 11 da aka fafata.
Dan wasan Liverpool, James Milner ya ji rauni.
Ba zai iya ci gaba da wasa ba saboda haka Joe Gomez ya maye gurbinsa.
Rauni nawa aka yi tun komawa ci gaba da gasar Premier League?..
Ko kuma 'yan kwallon Premier League nawa ne suka ji raunin da aka fitar da su wasa tun da aka ci gaba da gasar bana?
Sadio Mane ne ya yi gudu da kwallo amma Michael Keane ya yi maza ya kai shi kasa kada ya yi musu sakiyar da ba ruwa, hakan ya sa ya karbi katin gargadi.
Matashin dan wasa Anthony Gordon na son nuna kansa a karawar nan inda ya yi gudu da kwallo shi da Richarlison inda nan da nan Virgil van Dijk ya kai dauki kafin su yi wa Liverpool illa.
Matashin dan wasa Gordon zai taka rawar gani nan gaba domin baya ganin grman wasannan sai buga kwallo yake kamar ya saba..
Liverpool ce ta kara kai kora inda Roberto Firmino ya buga kwallon kuma ta yi fadi da yawa.
Kuma dan wasan Brazil bai ji dadin abin da ya yi ba sai yamutsa fuska yake yi.
Wasan hamayyar ya fara daukar dumi.
Richarlison ya sawa kwallo kai a bugun tazara na Everton amma kwallon ya yi fadi ya yi waje.
Kamar ma akwai satar gida? amma dai Richarlison ya yi kokari kuma ya kamata 'yan bayan Liverpool su kula da dan wasan Brazil din domin ya kware wajen cin kwallo da ya samu dama zai amfana da ita.
Liverpool ta kara samun bugun tazara kuma wannan karon Trent Alexander-Arnold ya buga zuwa Joel Matip wanda ya sawa kwallo kai amma ta yi fadi da yawa.
Ba dan cutar korona da ta kawo tsaiko ba filin wasa na Goodison Park da ya dinke da 'yan kallo 40,000.
To amma yanzu ana yin fafatawar ba 'yan kallo.
Golan Liverpool, Alisson da na Everton, Jordan Pickford ba a kai musu hare-hare masu zafi duk da lokaci ya ja.
Watakila sai bayan an koma zagaye na biyu kowa jiki ya dau zafi shi ne karawar za ta yi zafi.
h
Barka da dawowa James Milner!
Dan wasan Liverpool ya taba Richarlison da hannu na take dan kwallon Brazil ya fadi kasa.
An bai wa Miller katin gargadi
Andre Gomes ne ya buga kwallo bayan kai kora daga Richarlison. Sai dai ba wani hatsari a wasan.