Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Cristiano Ronaldo ya ci kwallo 125 a wasa 161 da ya yi a gasar Champions League.
Mohammed Abdu
Manchester United ta yi nasara a karawa biyu daga 11 baya da ta yi a wasan daf da na kusa da na karshe a Champions League, inda ta yi canjaras uku aka doke ta wasa shida.
Sannan ta kasa cin wasa a daf da na kusa da na karshe gida da waje da Bayern Munich a kakar 2013-14 karkashin jagorancin David Moyes.
Messi bai ci kwallo ba a wasa 11 da ya yi a karawar daf da na kusa da na karshe tun cin PSG da ya yi a Afirilun 2013.
Dan kwallon na Argentina ya buga kwallo ta nufi raga sau 49.
Manchester United ta yi rashin nasara sau biyu a gida a Champions League din bana a hannun Juventus da kuma PSG.
Kungiyar ta taba rashin nasara a gida sau uku a kakar 1996-97, kuma kocin United Ole Gunnar Solskjaer ya buga dukkan karawar da aka doke su a lokacin.
Wannan ne karo na tara da Ajax da Juventus ke karawa a gasar Zakarun Turai ta European Cup/Champions League, kuma karon farko tun Nuwambar 2004.
Rabon da Ajax ta ci Juventus tun lashe Europen Cup da ta yi da ci 1-0 a Belgrade a 1973.
Wannan ne karon farko da Manchester United da Barcelona za su kara tun 2011, bayan da Barca ta yi nasara a wasan karshe da ci 3-1 a Wembley.
Manchester United ba ta taba yin rashin nasara a gasar Zakarun Turai a karawa da Barcelona a gida ba, inda ta ci wasa biyu da canjaras biyu.
Wannan ne karo na biyu da za su kara a Old Trafford tun wasan daf da karshe da United ta yi nasara da ci 1-0 a 2007-08.
Mohammed Abdu ne ke muku barka da saduwa a shirin gasar cin Kocin Zakarun Turai ta Champions League tsakanin Manchester United da Barcelona da wasa tsakanin Ajax da Juventus.
Za ku iya bayar da gudunmawa a lokacin shirin a Facebook a BBCHausa.com da kuma ta Twitter duk a @bbchausa.com