'Yan bindiga sun sace limamin coci da matarsa a Kwara

Rahoto kai-tsaye

Halima Umar Saleh and Nasidi Adamu Yahaya

1. 13 Yuni 2022Matasan Afirka ba su da ƙwarin gwiwa a kan alƙiblar ƙasashensu - Rahoto

   

   Wani sabon bincike ya gano cewa kaso biyu bisa uku na matasan Afirka ba su da ƙwarin gwiwa a kan alƙiblar ƙasashensu, to amma suna cike da ƙwarin gwiwa a kan burin da suka sanya a gaba.

   Masu binciken sun tattauna da matasa fiye da 4,000 a ƙasashen Afirka 15 don gudanar da binciken.

   Fiye da rabinsu sun ce suna so su bar ƙasarsu su tafi wata kasa, yayin da kashi 80 cikin 100 nasu kuma ke da burin fara kasuwanci da kansu.

   Matasan sun ce ya kamata gwamnatocinsu su samar da ayyukan yi masu kyau fifiko, abin da zai iya rage cin haci da rashawa da kuma yakin da ake da sauyin yanayi.

   Kuma hakan zai matuƙar taimakawa kasashen wajen samun ci gaba.

2. 13 Yuni 2022Barka da safiya

   

   Masu shigowa shafin BBC Hausa barkanmu da safiyar Litinin.

   Ku kasance da mu a wannan sahar domin karanta labarai da rahotanni na wasu abubuwan da ke faruwa a Najeriya da Afirka da sauran sassan duniya.

   Sunana Halima Umar Saleh, kuma ni zan ja ragamar shafin, kafin daga bisani abokin aikina Nasidi Adamu Yahaya ya karbe ni.