Labarai da dumi-dumi, Rasha ta ƙwace iko da cibiyar nukiliyar Ukraine
Dakarun Rasha sun ƙwace cibiyar makamashin nukiliya ta Zaporizhzhia, a cewar hukumomin Ukraine.
"Ma'aikata na ci gaba da duba halin da ɓangarorin wutar lantarki ke ciki," kamar yadda wani jami'in yankin ya bayyana a shafinsa na zumunta cikin rahoton Reuters.
Tun farko gobara ta tashi a cibiyar, wadda ita ce mafi girma a nahiyar Turai, bayan Rasha ta kai hari a kan ta.