Kwana uku a jere ƴan fashi na kai hari ƙauyen 'Yar Nasarawar-Akubu a Zamfara

Rahoto kai-tsaye

Fauziyya Kabir Tukur and Umar Mikail

1. 12 Maris 2021Har yanzu Syria na cikin mummunan yanayi

   

   Asalin hoton, AFP

   Hukumar samar da abinci ta Majalisar Ɗinkin Duniya ta ce shekara 10 bayan yaƙi a Syria, har yanzu ƙasar na fuskantar mummunan yanayi na neman agaji.

   Kimanin mutum miliyan 12.4 kusan kashi 60 na mutanen ƙasar na fama da rashin abinci da yuwa.

   Hakan na nufin an samu ninki biyu na adadin da aka samu a shekarar 2018.

   A cewar hukumar, annobar korona ta ƙara ta'azzara matsalar inda farashin kayan masarufi suka ƙaru da kashi 200 a shekarar da ta gabata.

   Hukumar ta buƙaci ƙarin kuɗaɗen tallafi inda ta ce rashin samun tallafin na iya sa ta rage kuɗaɗen da take samarwa.

2. 12 Maris 2021Mutum 287 sun kamu da cutar korona a Najeriya ranar Alhamis

   Hukumar daƙile cututtuka masu yaɗuwa a Najeriya NCDC ta ce an samu ƙarin mutum 287 da suka kamu da annobar korona a ƙasar ranar Alhamis.

   Bisa sabbin alkaluman hukumar, a wannan rana, jihar Legas ce ke kan gaba a jerin jihohin da aka samu ɓullar cutar da mutum 107 da aka tabbatar sun kamu da cutar.

   Alƙaluman hukumar sun nuna cewa an samu mutum 26 a Kwara, da gwajin da aka yi musu ya nuna cewa sun kamu, abin da ke nufin cewa jihar ce ta biyu a wannan rana.

   A Akwa Ibom mutum 23 sun kamu sai Bauchi da aka samu mutane 22 da aka tabbatar sun kamu da Ogun da aka samu mutum 21.

   Kauce wa X

   Ya kamata a bar bayanan X?

   Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.

   Accept and continue

   Gargadi: BBC ba za ta dauki alhakin bayanan da aka wallafa a shafukan da ba nata ne ba.

   Karshen labarin da aka sa a X

3. 12 Maris 2021Buɗewa

   Barkanku da safiya.

   Jumu'atu babbar rana, kuma muna fata za ku kasance da mu a wannan shafin inda muke kawo maku labarai daga Najeriya da abubuwan da ke faruwa a makwabtanta da sauran sassan duniyam