Shari'ar Buhari da Atiku
Kuna iya kallon yadda shari'ar ke gudana kai-tsaye a Facebook a BBC Hausa.
APC na murna, PDP na korafi
Kotun sauraron kararrakin zabe a Najeriya ta yi watsi da karar da tsohon mataimakin shugaban kasar, Atiku Abubakar, ya shigar a gabanta, yana kalubalantar zaben Shugaba Muhammadu Buhari.
Rahoto kai-tsaye
Umar Mikail
Tarihin Atiku Abubakar a takaice, Shari'ar Buhari da Atiku
- Shekararsa 73
- Ya yi gwamnan jihar Adamawa
- Ya yi mataimakin shugaban kasa 1999 zuwa 2007
- Hamshakin dan kasuwa ne
- Ya rike mukami a hukumar Customs
- Ya sha fuskantar zarge-zargen cinhanci da rashawa
- Musulmi ne daga arewacin Najeriya
Asalin hoton, Others
Bayanan hoto, Atiku Abubakar Tarihin Muhammadu Buhari a takaice, Shari'ar Buhari da Atiku
- Shekararsa 77
- An zabe shi a matsayin shugaban kasa a zaben 28 ga Maris 2015
- Ya yi shugaban mulkin sojan Najeriya daga 1983 zuwa 1985
- An hambare shi a juyin mulki
- Kungiyoyin kare hakkin dan adam na zarginsa da kin bin umarni kotu
- An yi amanna ba shi da cin hanci da rashawa
- Musulmi ne daga arewacin Najeriya
Asalin hoton, Nigeria Presidency
Bayanan hoto, Muhammadu Buhari Ra'ayoyinku daga Facebook, Shari'ar Buhari da Atiku
Zauren kotun shari'ar Buhari da Atiku
Harabar kotun kenan yayin da lauyoyin da ke wakiltar bangarorin biyu ke ci gaba da jiran hukunci.
Asalin hoton, Channels TV
Kofar shiga kotu
An girke jami'an tsaro a hanyar Kotun
Sunayen alkalan da ke yin shari'ar
Alkalai biyar din da za su yanke hukunci a zaman kotun na yau sune:
·Mai Shari’a Abdul Aboki daga Abuja
·Mai Shari’a Joseph Ikyegh daga Benin
·Mai Shari’a Samuel Oseji daga Legas
·Mai Shari’a Peter Ige daga Abuja
·Mai Shari’a Muhammad Garba
Shugabannin APC da PDP da hadiman Buhari sun halarci kotu
Tuni kotun ta cika da manya-manya daga jam'iyyun guda biyu, yayin da kowane bangare ke sanin makomarsa a yau din.
Bayanan hoto, Festus Keyamo da Abba Kyari 
Za a yi ta ta kare tsakanin Buhari da Atiku
Yau Laraba kotun sauraron kararrakin zabe take yanke hukunci dangane da karar da Atiku Abubakar na jam'iyyar PDP ya shigar a gabanta ta kalubalantar zaben Shugaba Muhammadu Buhari na jam'iyyar APC.
Atiku Abubakar ya shigar da karar ne bayan da hukumar zaben kasar INEC ta bayyana Shugaba Buhari a matsayin wanda ya ci zaben ranar 23 ga watan Fabrairun wannan shekara ta 2019.
Barkan mu da warhaka
Masu bibiyarmu barkanku da safiyar Laraba, Umar Mikail ke maku fatan an tashi lafiya.
Za mu kawo maku rahotanni kai-tsaye game da hukuncin kotun sauraron kararrakin zabe a Najeriya tsakanin jam'iyyun APC mai mulki da kuma PDP mai adawa.