Labarai da sharhi game da yadda ake zaben fidda gwani na 'yan takaran gwamna a jam'iyyar APC da jam'iyyar PDP.
Abdulwasiu Hassan
Babu mutane a wasu rumfunar zabe a Kano, yayin da wasu 'yan jamíyyar APC ke dakon kayayyakin zabe da jamiáin zabe. Har karfe 11 na safe dai ba a fara zaben ba a wasu wurare a Kano.
A jihar Kano mutum daya ne yake neman ya zama dan takara, gwamnan jihar Abdullahi Umar Ganduje, wanda ke son ya yi wa'adi na biyu a kujerar gwamna.
Asalin hoton, Getty Images
An dage zaben fidda gwanin 'yan takarar gwamna na jam'iyyar APC a jihar Zamfara.
Sakataren watsa labaran jam'iyyar APC, Shehu Isa Gusau, ne ya bayyana matakin ga manema labarai.
Ya ce an dage zaben ne saboda jinkirin da aka samu na zuwan jami'ain zaben da kuma kayan zaben.
Sai ranar Litinin za a yi zaben.
Gwamnan jihar Borno, Kashim Shettima, ya bayyana wanda yake son ya zama dan takaran gwamnan jihar Borno karkashin inuwar jam'iyyar APC.
A wata sanarwar da mai taimaka masa kan lamuran watsa labarai, Isa Umar Gusau ya aika wa manema labarai, gwamnan ya ce ya fi son farfesa Babagana Umara Zulum ya zama dan takaran gwamnan jihar bayan zaben fidda gwanin da ake yi a ranar Lahadi.
Sai dai kuma, Kashim ya ce son da yake yi na Zulum ya zama dan takarar gwamnan jihar a karkashin jam'iyyar APC bai kamata ya hana kowa takara a zaben fidda gwamni ba.
Asalin hoton, Getty Images
Jam'iyyar APC ta daga zaben fidda gwani a jihohin Legas da Imo yayin da ita kuwa PDP ta daga zaben a jihohoin Lagos da Imo da kuma Kano.
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
Jama'a, barkanku da shigowa wannan shafin inda za mu kawo muku labarai da sharhi kai tsaye game da yadda ake zaben fidda gwani a jam'iyyar APC a mafi yawan jihohin Najeriya.
