Wannan shafin ya kawo muku bayanai da rahotani da hotuna kan yadda aka yi zaben shugaban kasa da 'yan majalisa a kasar Ghana.
Mohammed Abdu
Mutane suna da damar ci gaba da harkokin su a Ghana a lokacin da ake ci gaba da zaben. To sai dai an hana yawo da babura a yau har zuwa gobe da safe
Asalin hoton, Getty Images
Tun kafin a fara zabe wasu mutanen suka saka alamar suna kan layi, domin da zarar an fara kada kuri'a su samu damar jefa ta su da wuri.
Tun tsakar daren Talata wasu mutane suka fara hawa kan layi domin su samu kada kuri'un su da wuri
A mafi yawan wurare dai an fara zaben a kan kari. Sai dai an samu jinkiri a wasu wurare a birnin Accra. Sai dai duk da haka an fara zaben kafin 7:30 na safe.
Tun da karfe 7:30 na safe agogon Ghana aka fara kada kuri'u a zaben shugaban kasa da na 'yan majalisa a Ghana.
Za a kada kuri'n ne a mazabu dubu ashirin da takwas da dari tara da casa'in da biyu.
Haka kuma mutum miliyan goma sha biyar da dubu dari bakwai da uku, da dari tara da casain ne za su kada kuria a zaben na yau.
An bude rumfunan zabe a Ghana, bayan da 'yan takarar shugaban kasar su bakwai suka yi kira da a gudanar da zaben cikin kwanciyar hankali.
Jami'an tsaro sun tabbatar da mutuwar mutum daya dan adawa, bayan da rikici ya barke a lokacin da ake yin kamfen a ranar Talata.
Manyan 'yan takarar shugaban kasa sun hada da shugaba John Mahama da tsohon Firai minista Nana Akufo-Ado.
Asalin hoton, ap
