Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Wannan shafi ne da zai ke kawo muku bayanai kan wasan Uganda da Najeriya da na Tanzaniya da Tunisia a gasar kofin nahiyar Afirka ta 2025 da ake yi a Moroko.
Mohammed Abdu
Uganda 0-1 Najeriya
Tanzaniya 0-1 Tunisiya
Najeriya tana matakin farko a rukuni na uku da maki tara, ita kuwa Tunisiya tana ta biyu da maki shida, kenan su biyun ne za su kai mataki biyu idan aka tashi haka.
Uganda da Tanzaniya kowacce tana da maki ɗaya kenan za su koma gida.
Tunisiya ta ci Tanzaniya ƙwallo ta hannun Ismaël Gharbi a bugun fenariti.
Mai tsaron bayan tawagar Najeriya, Calvin Bassey sai ya yi hankali a karawar nan domin tun farkon take leda aka yi masa katin gargaɗi, amma duk da haka sai sa jiki yake yi yana bangaje ƴan wasan Uganda.
Ƙyaftin ɗin tawagar Uganda, Onyango ya yi tsalle ya kama tamaula a sama ya dire da kafafunsa, amma yana jin zogin raunin kafar, hakan ya sa ya kwanta aka kara duba lafiyarsa karo na uku kenan.
An ci gaba da wasan bayan ɗan tsaikon da aka samu, Uganda tana da maki ɗaya, Super Eagles tana da maki tara daga wasa uku a rukuni na uku a gasar cin kofin Afirka a Morocco - ita ce ta fara kai wa zagayen gaba, kuma ita ce ta lashe dukkan wasa uku da zarar an tashi da wannan sakamakon.
Har yanzu mai tsaron ragar Uganda, Denis Onyango na jin radaɗin raunin da ya ji watakila a canji shi a wasan nan
Ƙwallo mai ƙyau da Paul Onuachu ya ci wa Najeriya da kafar ha, bayan da Fisayo Dele-Bashiru ya buga masa ƙwallon.
Mai tsaron ragar Uganda, Onyango ne ya gurɗe kafa a lokacin da zai ɗauki tamaula, bayan da taje kwana.
An kammala duba shi zai ci gaba da wasan, an kuma kwaso kwana, sai dai ba wani haɗari ta koma cikin fili.
An ɗan tsayar da wasan bayan da ɗan wasan Najeriya, Ryan Alebiosu ya faɗi sakamakon da aka ture shi lokacin da zai buga ƙwallo gidan Uganda.
Uganda ce ta karshe a rukuni na uku da maki ɗaya, bayan da Super Eagles ce ta farko da maki shida ita ce ta fara samun tikitin kai wa zagayen ƴan 16.
Kenan Uganda na fatan haɗa maki huɗu idan ta yi nasara a kan Super Eagles, sannan ta jira sakamakon Tanzaniya da Tunisiya ko za ta samu gurbin matakin gaba.
Tawaga 12 ce ta kai zagayen gaba kai tsaye, sannan a tsamo huɗun da suka kare a mataki na uku, amma da maki mai yawa a haɗa su da 12 su koma 16 da za su fara zagaye na biyu daga ranar Asabar.
Wasa na biyu da ake yi tsakanin Tanzaniya da Tunisiya ba ci, ana neman wadda za ta kai zagayen gaba, inda Tunisiya take da maki uku, ita kuwa Tanzaniya ɗaya ne da ita.
Kenan da zarar Tunisiya ta ci wasan za ta haɗa maki shida kenan, ita kuwa Tanzaniya huɗu za ta samu.
Tun wasa bai yi nisa ba an bai wa ɗan wasan Najeriya mai tsaron baya, Calvin Bassey katin gargaɗi, sai korafi yake ta yi.
Ɗan wasan Najeriya, Victor Osimhen ya yi satar gida..
Sai dai filin wasan ba mutane da yawa duk da cewa wasan kofin Afirka ya fara ɗaukar zafi.
Yan wasa sun shiga fili za a fara taken kasa daga nan a gaisa, sai kuma a take wasan karshe a rukuni na uku a gasar cin kofin Afirka da Morocco ke karɓar bakuncin.
Wasannin rukuni na uku