Abubuwan da ke faruwa a Najeriya da sauran sassan duniya

Rahoto kai-tsaye

Usman Minjibir, Isiyaku Muhammed da Aisha Babangida

1. 15 Agusta 2025Rufewa

   Mun zo ƙarshen rahotanni a wannan shafi.

   Sai kuma gobe da safe idan Allah ya kai mu.

   Mu kwana lafiya.

2. 15 Agusta 2025Hotunan Trump da Putin bayan sun isa Alaska don ganawa

   

   Asalin hoton, AFP via Getty Images

   

   Asalin hoton, AFP via Getty Images

   

   Asalin hoton, AFP via Getty Images

   

   Asalin hoton, AFP via Getty Images

   

   Asalin hoton, AFP via Getty Images

3. 15 Agusta 2025Lavrov da Ushakov za su raka Putin ɗakin ganawar

   Ministan harkokin wajen Rasha, Sergei Lavrov da mai bai wa Shugaba Putin shawara kan harkokin ƙasashen waje, Yuri Ushakov za su kasance tare da Putin a ɗakin ganawarsa da Trump, kamar yadda kakakin fadar Kremlin, Dmitri Peskov ya bayyana.

   Lavrov da Ushakov ƙwararrun jami'an diplomasiyya ne da ke tsara wa Rasha manufofinta na ƙasashen waje.

   Lavrov ya shafe fiye da shekara 20 yana jagorantar ma'aikatar harkokin wajen Rasha, yayin da Ushakov - wanda a baya shi ne kadancan Rasha a Amurka - ya shafe fiye da shekara 10 a matsayin mashawarcin shugaban ƙasa.

4. 15 Agusta 2025Trump da Putin sun gaisa da juna bayan sun isa Alaska

   

   Asalin hoton, Reuters

   Shugaba Trump da takwaransa Vladymir Putin sun sha hannu bayan saukar a filin jirgin Alaska.

   Shugabannin biyu sun yi tafiya a kan jan kafet da ak shimfiɗa daga bakin kowane jirgi sinda suka haɗu da juna a tsakiya.

   Manyan shugabannin duniyar sun gaisa da juna yayin da suka ɗauki hoto a gaban ƴan jarida.

5. 15 Agusta 2025Labarai da dumi-dumi, Putin ya sauka a Alaska domin ganawa da Trump

   

   Shugaban Rasha, Vladimir ya sauka a Alaska cikin jirgin sama ƙirar Anchorage domin ganawa da takwaransa na Amurka a yunƙurin kawo ƙarshen yaƙin Ukraine.

   Ana sa ran shugabannin biyu za su gana a wani mataki na yunƙurin kaso ƙarshen yain Ukraine.

6. 15 Agusta 2025Labarai da dumi-dumi, Marco Rubio da Witkoff za su shiga ɗakin ganawar Trump da Putin

   Ɗaskin a Trump da Putin za su gana zai samu ƙarin mahalarta daga tawagar shugaban Amurka.

   Sakatariyar yaɗa labaran fadar White House Karoline Leavitt ta faɗa wa manema labarai cewa tawagar Trump da za ta shiga gawanar ta ƙunshi sakataren harkokin wajen Amurka, Marco Rubio da jakadan Trump na musamman Steve Witkoff.

   Haka ma a tattaunawar huldar dangantaka tsakanin ƙasashen da za a gudanar bayan ganawar Arco Ruboi da sakataren baitul malin Amurka Scott Bessent, da sakateren kasuwanci Howard Lutnick da sakateren tsaro Pete Hegseth da shugabar ma'aikatan fadar Susie Wiles za su halarta.

7. 15 Agusta 2025Labarai da dumi-dumi, Trump ya isa Alaska domin tattaunawa da Putin

   

   Asalin hoton, Reuters

   Jirgin sojin saman Amurka da ke ɗauke da Shugaba Trump ya sauka a Alaska domin ganawarsa da Putin.

   Shugaban na Amurka na tare da wasu ƙusoshin gwamnatinsa, da suka haɗa da sakataren harkokin waje, Marco Rubi da jakadan fadar White House na musamman, Steve Witkoff da darakta leƙen asirin ƙasar, John Ratcliffe.

   Mista Trump na ƙoƙarin ganawa da Putin don yunƙurin yin sulhu a yaƙin da Rasha ke yi da Ukraine.

   Ana sa ran shugabannin biyu za su gana a sansanin Elmendorf-Richardson da misalin ƙarfe 8:30 agogon Najeriya.

   Wannan ne karon farko da manyan shugabannin duniyar za su gana tun bayan da Trump ya koma fadar White House a karo a biyu.

8. 15 Agusta 2025Adadin mutanen da suka mutu a ambaliyar Pakistan ya kai 200

   

   Asalin hoton, Getty Images

   Adadin mutanen da suka mutu a Pakistan sakamakon ambaliya cikin kwana guda, ya kai fiye da 200.

   Ruwa kamar da bakin ƙwarya - wanda ya janyo ambaliya da zafarewar ƙasa ne - ya yi sanadiyyar mutuwar mutanen a arewa maso yammacin ƙasar.

   Wani jirgi mai saukar ungulu da ke aikin ceto a yankin ya yi hatsari, kuma mutane biyar da ke ciki duk sun mutu.

   Masana kimiyya sun ce ɗumamar yanayi ne ke ƙara ta'azzara hatsarin samun ambaliya.

9. 15 Agusta 2025Sudan ta yi gargaɗin ƙaruwar mutuwar yara saboda yunwa

   Hukumomi a Sudan sun yi gargaɗin cewa fararen hula na ta mutuwa sakamakon yunwa a kudancin Kordofan.

   Sojoji da mayaƙan RSF na ci gaba da gwabza yaƙi a cikin makonnin baya bayan nan, wanda ya hana mutane yin noma.

   Wani ɗan siyasa a ƙasar mai suna Siddiq Tower ya shaidawa BBC cewa an yi wa birnin ƙawanya tun watan Mayu.

   Ya ce an kulle manyan hanyoyin da ke kudancin Kordofan, kasuwanni da shaguna yanzu duk babu abinci.

10. 15 Agusta 2025Za mu bai wa Ukraine damar tattauna musayar yankuna da Rasha - Trump

    

    Asalin hoton, Getty Images

    Shugaba Donald Trump na Amurka ya ce zai bai wa Ukraine damar zaɓin ko za ta tattauna da Rasha kan batun musayar yankuna.

    Mista Trump ya shaida wa manema labarai da ke cikin jirgin shugaban ƙasa na Air force one hakan a hanyarsa ta zuwa Alaska domin yin ganawa mai muhimmanci da shugaban Rasha Vladimir Putin.

    Gabanin ganawar, shugabannin ƙasashen Turai da na Ukraine sun buƙaci shugaba Trump kada ya amince da wata yarjejeniya kan yankunan Ukraine ba tare da jin ta bakin Kyiv ba.

    Mista Trump ya ce ganawar ta yau za ta iya share fagen yin ganawa ta biyu da shugabannin ƙasashen biyu, wanda ya ce shi ne ya fi muhimmanci.

11. 15 Agusta 2025Dokokin hana zancen dare da aka kafa a wata unguwa a Kano

    

    Asalin hoton, Abba Kabir Yusuf/Facebook

    Al'ummar unguwar Sharada da ke cikin ƙaramar hukumar Birni a jihar Kano, sun bijiro da wasu dokoki 29 domin tsaftace halayyar mutane da tabbatar da tsaron lafiya da dukiyoyinsu.

    Daga ciki dokokin akwai dokar hana zance ko hirar dare tsakanin sauraryi da budurwa da ma hana zance a cikin mota sannan ka da masoya su wuce ƙarfe 10 dare suna zance.

    Wannan matakin, a cewar mahukuntan yankin, ya fito ne sakamakon damuwar da ake fuskanta kan taɓarɓarewar tarbiyya da ƙaruwar matsalolin tsaro, da kuma rashin bin ƙa'idojin al'ada a tsakanin matasa masu neman aure.

    Karanta cikakken labarin a nan

12. 15 Agusta 2025Hezbollah ta gargaɗi gwamnatin Lebanon kan jefa ƙasar ''yaƙin basasa''

    

    Asalin hoton, Reuters

    Jagoran ƙungiyar Hezbollah ya gargaɗi gwamnatin Lebanon kan cewa matsa wa ƙungiyar ta ajiye makamanta nan da ƙarshen shekara, zai iya jefa ƙasar cikin yaƙin basasa.

    Naim Qassem ya ce shirin, wanda ya biyo bayan matsin lamba daga Amurka, kamar miƙa wa Isra'ila Lebanon ne.

    Kafin yaƙin da aka yi tsakanin Hezbollah da Isra'ila a bara, ana hasashen ƙungiyar mai goyon bayan Iran na da makaman da suka fi na sojin Lebanon.

    Duk da tsagaita wutar da aka yi a watan Nuwamba, Isra'ila ta ce za ta ci gaba da kai hari kan Hezbollah har sai ta ajiye makamanta baki ɗaya.

13. 15 Agusta 2025ADC ta zargi APC da shirin tafka maguɗi a zaɓen cike gurbi na Kaduna

    

    Asalin hoton, X/Multiple

    Kafin zaɓen cike gurbi da za a gudanar a gobe, rnanar Asabar a majalisun tarayya da na jiha a Jihar Kaduna, jam’iyyar adawa ta African ADC ta zargi jam’iyyar mai mulki ta APC da daukar ’yan daba da kuma karɓar biliyoyin naira daga cikin jihar da wajen ta domin yin magudi.

    Zaɓen cike gurbin zai gudana ne a mazaɓar tarayya ta Chikun/Kajuru da mazaɓar tarayya ta Zaria/Kewaye, da kuma mazaɓar majalisar jiha ta Basawa.

    Waɗannan zarge-zargen na ADC sun haifar da musayar maganganu tsakaninta da gwamnatin jihar da kuma jam’iyyar APC.

    Kwamishinan ƴaɗa Labarai na jihar, Ahmed Maiyaki da ya mayar da martani yana cewa zarge-zargen na ADC “ba su da tushe kuma abin dariya ne.”

14. 15 Agusta 2025Tarayyar Afirka na son a riƙa nuna girman Afirka na gaskiya a taswirar duniya

    

    Asalin hoton, Getty Images

    Ƙungiyar Tarayyar Afirka (AU) ta buƙaci a daina amfani da taswirar duniya ta Mercator saboda tana rage girman Afirka fiye da yadda take a zahiri.

    A cikin wani sakon da ta wallafa, AU ta ce a koma amfani da Equal Earth — taswira da aka ƙirƙira a 2018 wadda ke nuna girman Afirka na gaskiya, wanda yake kilomita murabba’i miliyan 30.37.

    Taswirar Mercator an kirkire ta tun 1569 domin taimaka wa jiragen ruwa yin tafiya, amma tana nuna Afirka a matsayin ƙarama, yayin da take nuna ƙarawa wasu nahiyoyi kamar Amurka ta Arewa girma.

    Da goyon bayan AU, ana jiran a ga ko wannan yunkuri zai samu nasara wajen dawowa da Afirka matsayinta ba kamar yadda duniya ke kallonta ba.

15. 15 Agusta 2025Matatar Dangote za ta fara jigilar mai kyauta ga gidajen mai

    

    Asalin hoton, Aliko Dangote

    Matatar man Dangote za ta fara jigilar mai kyauta kuma kai tsaye ga gidajen mai a Najeriya daga yau, matakin da ake sa ran zai kawo sauyi a harkar man fetur ta ƙasar.

    Kamfanin ya ce wannan shirin zai rage yawan masu shiga tsakani ya kuma ƙara inganci, tare da bai wa masu amfani da kuma gidajen mai damar samun zaɓuɓɓuka masu rahusa.

    Matatar man Dangote dai mai ƙarfin tace ganga 650,000 na mai a rana ta fara aiki ne a shekarar 2023, inda ta taimaka wajen rage farashi bayan tashin gwauron zabin da ya biyo bayan cire tallafin mai da shugaba Tinubu yayi.

16. 15 Agusta 2025Ɗan ƙasar Faransa na cikin waɗanda ake zargi da shirin juyin mulki a Mali

    

    Asalin hoton, Getty Images

    A jiya ne gwamnatin mulkin sojin Mali ta bayyana cewa ta kama wasu mutane da dama, ciki harda wani ɗan ƙasar Faransa da wasu manyan jami'ai biyu bisa zargin shirin juyin mulki a ƙasar.

    Ministan Tsaro, Janar Daoud Aly Mohammedine, ya bayyana a gidan talabijin na ORTM cewa an kama mutanan ne a ranar 1 ga Agusta.

    A cewarsa, lokacin da al’ummar Mali ke ƙoƙarin ƙarfafa ‘yancin ƙasa da kawar da ta'addanci daga yankin ƙasashen haɗin Sahel, waɗannan sojoji da fararen hula tare da haɗin gwiwar ƙasashen waje suna ƙoƙarin ruguje nasarorin da ake samu.

    Ana zargin wani ɗan Faransa mai suna Yann Vezilier da yin aiki tare da leƙen asirin Faransa.

    Hukumomin Faransa har yanzu ba su yi tsokaci kan wannan batu ba.

    Mohammedine ya ce gwamnatin Mali ta la’anci wannan yunƙuri, tana kuma ci gaba da bincike don gano sauran masu hannu a shirin.

17. 15 Agusta 2025Sudan ta umurci ƴan gudun hijira su fice daga makarantun da suke mafaka

    

    Asalin hoton, AFP

    A yau ne wa’adin kwana biyar da hukumomin Sudan suka bai wa dubban ’yan gudun hijira da ke mafaka a makarantun gwamnati a El-Obeid, babban birnin jihar Kordofan ta Arewa, ya cika.

    Rahoton gidan jaridar Darfur24 mai zaman kanta ya ce an bai wa ’yan gudun hijirar umarni duk da babu tsare-tsare na musu matsuguni na madadin makarantun da suke kwana.

    Birnin da sojojin Sudan ke riƙe da shi na ɗauke da sama da ’yan gudun hijira 700,000 da aka raba da muhallansu sakamakon tashin hankali da dakarun RSF a yankin Kordofan.

    Hukumar ilimi ta jihar ta ce makarantu za su buɗe a ranar 17 ga watan Agusta, lamarin da ake fargabar zai kara tsananta halin da ’yan gudun hijirar ke ciki.

18. 15 Agusta 2025A biya mu haƙƙoƙinmu, ba mu son bashin gwamnati - ASUU

    

    Asalin hoton, Getty Images

    Ƙungiyoyin ma'aikatan manyan makarantun Najeriya na ci gaba da yin watsi da sabon shirin da gwamnatin tarayyar kasar ta ɓullo da shi domin inganta jin dadin ma'aikata, da haɓaka ƙwarewar aiki, ga ma'aikatan manyan makarantun ƙasar.

    Ita dai gwamnatin Najeriyan ta ƙaddamar da wani sabon shiri wanda aka tsara zai bayar da bashin kudi har naira miliyan 10 ga ma'aikatan manyan makarantun ƙasar da suka haɗa da na jami'a da kwalejin kimiyya da fasaha da kuma kwalejin ilimi.

    To sai dai ƙungiyoyin ma'aikatan na ganin cewa ba hanyoyin samar da bashi gare su ya kamata gwamnatin ta ɓullo da su ba a wannan lokaci da ake ciki.

    Karanta ci gaban labarin - https://bbc.com.im/hausa/articles/cjdy0pv1ml9o%3C/a%3E%3C/p%3E%3C/div%3E%3C/div%3E%3C/article%3E%3C/li%3E%3Cli class="css-xxlek1">

    15 Agusta 2025MDD ta kammala daftarin yaƙi da robobin da ke gurɓata muhalli

    

    Asalin hoton, Getty Images

    Jagoran tattaunawar da Majalisar Ɗinkin Duniya ta shirya domin kammala yarjejeniyar yaƙi da robobin da ke gurɓata muhalli a duniya ya fitar da wani kundi da aka yi wa kwaskwarima yayin aka shifga rana ta biyu a taron da ake yi a Geneva.

    Kawo yanzu mahalarta taron sun kasa cika wasu sharuɗɗa, kuma ƙungiyoyin kare muhalli sun ce sabuwar shawarar ta gaza samar da hanyoyin da za a bi don kare duniya daga gurɓacewar muhali da lafiyar ɗan'adam.

    Ƙasashe masu arzikin man fetur na adawa da ƙa'idojji masu tsaurari.

    Shugaban Faransa, Emmanuel Macron, a jiya Alhamis ya koka da cewa cewa daftarin shawarwarin ba su nuna alamar nasarar kirki ba.

19. 15 Agusta 2025Ƴanbindiga sun yi garkuwa da matafiya 11 a Kamaru

    

    Asalin hoton, Getty Images

    Wasu ƴanbindiga da ake zargi ƴan Boko Haram ne sun yi garkuwa da fararen hula 11 da suke tafiya a wata motar bas a arewacin Kamaru.

    Ƴanbindigar sun tare motar matafiyan ne a ranar 13 ga watan Agusta a tsakanin garin Zigague da Sale a arewacin Kamaru, lokacin da ƴanbindigar suka tare su, sannan suka yi awon gaba da su, kamar yadda kafar 237 online mai zaman kanta ta ruwaito a ranar 14 ga watan Agusta, inda rahoton ya ƙara da cewa motar na hanyar zuwa tsakanin Kousseri da Maroa ne.

    "Ƴanbindigar sun saki macen da ke cikin matafiyan, amma suna ci gaba da riƙe da mazan," kamar yadda rahoton ya nuna.

    Wani kansila a yankin ya ce yana zargin akwai sa hannun masu kwarmata bayani a mutanen yankin, inda ya ce suna taka rawa wajen garkuwa da mutane.

    "Maharan suna sane da zuwan motar," in ji shi.

    Yankin arewacin Kamaru na fama da matsaloli da dama na rashin tsaro irin su hare-haren Boko Haram da ambaliyar ruwa da ma talauci.