Abubuwan da ke faruwa a Najeriya da sauran sassan duniya

Rahoto kai-tsaye

Ibrahim Haruna Kakangi da Ahmad Bawage da Aisha Aliyu Jaafar

1. 11 Maris 2025Harin da Ukraine ta kai a Rasha ya kashe mutum biyu

   Gwamnan yankin Moscow ta ce mutum na biyu ya mutu sakamakon hare-haren jirage maras matuƙa a cikin dare da Ukraine ta kai birnin.

   Andrei Vorobyev ya ce mutumin ɗan shekara 50 ya mutu ne a asibiti, inda ya ce kuma akwai wasu mutum biyu na kwance a asibitin ɗauke da munanan raunuka.

   Tun da farko kafar yaɗa labaran Rasha ta ce wani mutum mai shekara 38 da ke aikin gadi a wani filin ajiyar motoci ya mutu sanadiyyar harin.

2. 11 Maris 2025Hotunan hare-haren da Ukraine ta kai a Moscow

   Ga wasu daga cikin hotunan ɓarnar da harin da Ukraine ta ƙaddamar kan Rasha ya yi a wani ɓangare na babban birnin ƙasar, Moscow.

   

   Asalin hoton, Getty Images

   

   Asalin hoton, Getty Images

   

   Asalin hoton, Getty Images

3. 11 Maris 2025Kalli bidiyon ɓarnar da harin Ukraine ya yi a birnin Moscow na Rasha

4. 11 Maris 2025Ukraine ta kai gagarumin hari kan birnin Moscow

   

   Asalin hoton, Governor Andrei Vorobyov/Reuters

   Ukraine ta kai hari kan birnin Moscow da sanyin safiyar yau Talata.

   Wannan na ɗaya daga cikin hare-hare mafi girma na jiragen yaƙi mara matuƙa da Ukraine ta kai kan Moscow tun bayan ɓarkewar rikici tsakanin ƙasasehn biyu.

   Magajin garin Moscow Sergei Sobyanin ya ce an harbo jiragen sama marasa matuƙa aƙalla 60 a lokacin da suke tunkarar birnin.

   Harin ya tilasta rufe biyu daga cikin manyan filayen jiragen saman Moscow.

   Ya zuwa yanzu dai babu rahoton asarar rayuka.

   Wannan harin ya biyo bayan wasu munanan hare-hare da makamai masu linzami da Rasha ta kai kan garuruwan Ukraine.

5. 11 Maris 2025Jami’an Amurka da na Ukraine za su gana a Saudiyya a yau Talata

   

   Asalin hoton, Getty Images

   Jami’an Amurka da na Ukraine za su gana a kasar Saudiyya a yau Talata domin tattaunawa da nufin ɗinke alakar da ke tsakaninsu da kuma tabbatar da ko Ukraine na shirin yin sulhu domin kawo karshen yaki da Rasha.

   Sakataren Harkokin Wajen Amurka, Marco Rubio - wanda ke jagorantar tawagar Amurka - ya ce yana da kwarin gwiwar cewa Kyiv a shirye ta ke ta amince da shirin shugaba Trump na tsagaita wuta cikin gaggawa.

   Ya ce ba za a iya cimma tsagaita wuta da kawo karshen wannan yaki ba sai dai idan ɓangarorin biyu sun sassauta.

   Shi ma shugaba Zelensky yana a Saudiyya, duk da cewa ba a sa ran zai taka wata rawa a tattaunawar ba.

6. 11 Maris 2025Budewa

   Jama'a barkanmu da wannan safiya ta Talata. Barkanku da shigowa shafinmu na kai tsaye inda za mu kawo muku labaran abubuwan da ke faruwa a Najeriya da sassan duniya.

   Za ku iya leƙawa shafukanmu na sada zumunta irin su X da Facebook da Instagram da YouTube domin karanta wasu labaran da kallon hotuna da bidiyo da kuma muhawara kan labaran da mu ka wallafa.

   Ku kasance tare da mu.