Abubuwan da ke faruwa a Najeriya da sauran sassan duniya 15/09/2025

Rahoto kai-tsaye

Daga Aisha Babangida da Habiba Adamu

1. 15 Satumba 2025Ana neman kawo mana rikici saboda batun shugabancin jam'iyya — ADC

   

   Asalin hoton, X/ADC

   Jam'iyyar adawa ta ADC a Najeriya ta yi zargin cewa wasu na neman kara jefa ta cikin rikici bayan amincewa da shugabancinta da hukumar Zaben kasar ta INEC ta yi.

   Jam'iyyar ta musanta bullar wasu rahotannin da ke cewa hukumar INEC ta amince da shugabancin jam'iyyar na jihohi in da ta ce ana yunƙurin haifar da hautsini a tsakani ƴa'ƴanta.

   Jam'iyyar ta ce ita ke da hakkin mika sunayen shugabanninta na jihohi ga hukumar INEC, kuma yanzu haka bata kammala aikin tattara sunayen shugabancin jihohin ba ballantana ace an amince da su.

   Karanta cikakken labarin - https://bbc.com.im/hausa/articles/c203x4x8vp1o%3C/a%3E%3C/p%3E%3C/div%3E%3C/div%3E%3C/article%3E%3C/li%3E%3Cli class="css-xxlek1">

   15 Satumba 2025Mutum miliyan 1.5 a Australia na fuskantar barazanar ambaliyar ruwa - Rahoto

   

   Asalin hoton, EPA

   Wani sabon rahoto ya ce 'yan kasar Australia miliyan daya da rabi na cikin hadarin fuskantar ambaliyar ruwa saboda yadda ruwan teku ke tumbatsa.

   Hukumar hasashen yanayi ta ƙasar ta gano cewa ƙaruwar yanayin zafi da ake samu yana matuƙar illa ga raywaur 'yan ƙasar inda yanayin ke janyo abubuwa da dama ciki har da yawan mace-macen da ake saboda tsananin zafi.

   An kiyasta cewa Australia zata yi asara a bangaren darajar gidaje inda ake hasashen zata yi asarar da ta haura dala biliyan huɗu zuwa nan da shekara ta 2050.

   Ministan mnakamashin kasar Chris Bowen, wanda ya kaddamar da wani shiri a game da sauyin yanayi ya ce ba za a yi watsi da illolin da sauyin yanayi ke haifarwa ba dole a dauki matakai dan magance su.

   Yadda ambaliyar ruwa ta tayar da ƙauyuka fiye da 100 a Jihar Bauchi

   Nigeria: 'Jihohi 30 za su fuskanci ambaliyar ruwa'

2. 15 Satumba 2025Shugabannin Larabawa za su gudanar da taron gaggawa a Qatar kan harin Isra’ila

   

   Asalin hoton, Reuters

   A yau Litinin ne shugabannin kasashen Larabawa ke gudanar da wani taron gaggawa a Qatar a matsayin martani ga harin da Isra'ila ta kai kan Hamas a Doha a makon daya gabata.

   Daga cikin abubuwan da za a tattauna a taron wanda kamfanin dillancin labarai na Reuters ya ambato akwai harin da Isra'ila ta kai Qatar da abubuwan da ta ke aikatawa da suka shafi kisan kiyashi da azabtar da mutane da yunwa, wanda dukkansu barazana ce ga zaman lafiya da kuma ci gaban ƙasashen Larabawa.

   Za a yi a taron ne a Doha domin nuna wa Qatar goyon baya inda Qatar din ta yi alawadai da harin da aka kai mata.

   Shugaban Amurka Trump ya ce Qatar babbar abokiyar Amurka ce a don haka ya kamata Isra'ila ta rinƙa yin taka tsantsan kafin ta kai duk wani hari.

   Ko harin Isra'ila a Qatar zai gurgunta alaƙarta da Amurka?

   'Iran ta ƙaddamar da hare-hare kan sansanonin sojin Amurka a Qatar'

3. 15 Satumba 2025Assalamu Alaikum

   Barkanmu da sake saduwa a shafin labarai kai-tsaye na BBC Hausa a hantsin Litinin.

   Shafin na yau zai fi mayar da hankali ne kan abubuwan da ke faruwa a Najeriya da maƙwabtanta, da kuma sauran sassa na duniya.

   Za ku iya leƙawa shafukan sada zumuntanmu na intanet, da facebook da X da kuma whatsapp domin karanta sauran labarai da kallon bidiyo.

   Ku kasance da mu.