Abubuwan da ke faruwa a Najeriya da sassan duniya

Rahoto kai-tsaye

Muhammad Annur Muhammad da Ahmad Bawage

1. 19 Fabrairu 2025Trump ya ce ya samu ƙwarin guiwa kan ƙare yaƙin Ukraine

   

   Asalin hoton, Getty Images

   Shugaba Trump ya ce bayan soma tattaunawa da Rasha, ya samu ƙwarin guiwa kan samar da zaman lafiya a Ukraine.

   Tattauanwar ita ce ta farko tsakanin Amurka da Rasha tun bayan mamayar da Rashar ta yi wa Ukraine.

   A wajen wani taron manema labarai a Ma-ra-La-go shugaba Trump ya ce, za a cimma yarjejeniyar zaman lafiya cikin sauƙi, sai dai ya ce ya ji takaicin yadda Ukraine ta yi ƙorafin ba a sanya ta cikin tattaunawar ta Saudiya ba.

   Wakiliyar BBC ta ce shugaba Trump ya dora wa Ukraine laifi na fara takalar yaƙin, inda ya ce da shi ne shugaban ƙasa a lokacin hakan ba za ta faru ba.

2. 19 Fabrairu 2025Buɗewa

   Jama'a masu bibiyarmu a wannan shafin da ke kawo muku labaran abubuwan da ke wakana a Najeriya da sauran sassan duniya kai tsaye, muna muku maraba a wannan safiya ta Laraba, 19 ga watan Fabarairun 2025.

   Ni Muhammad Annur Muhammad da sauran abokan aiki za mu kasance da ku daga yanzu zuwa wani lokaci a nan gaba.

   Za kuma ku iya leƙawa shafukanmu da sada zumunta domin karanta wasu labaran da kallon hotuna da bidiyo har ma ku yi muhawara

   Ku kasance tare da mu.

   Mu fara da wannan karin maganar da ke cewa - Komai daɗewar farin kare ba zai zama rago ba