Gasar kofin duniya 2026: Brazil ta kai zagayen ƴan 16 bayan cin Japan

Rahoto kai-tsaye

Mohammed Abdu tare da taimakon AI

1. Sa'o'i 2 da suka wuceNan muka kawo karshen shirin

   Da fatan kun ji dadin kasancewa da mu, za kuma ku kasance a shirinmu na gaba da muke kawo muku sharhi da bayanan gasar cin kofin duniya kai tsaye.

   Sunana Mohammed Abdu da na gabatar da shirin da kuma taimakon AI.

   Mu hadu a shirinmu na gaba.

2. Sa'o'i 2 da suka wuceWasannin da za a buga ranar Talata, Brazil 2-1 Japan

3. Sa'o'i 2 da suka wuceYadda aka taka leda a fafatawar, Brazil 2-1 Japan

4. Sa'o'i 3 da suka wuceAn tashi wasan, Brazil 2-1 Japan

   Shi kenan Brazil ta kai zagayen yan 16 a gasar cin kofin duniya ta 2026.

   Ƴan wasan tawagar Japan sai kuke suke a filin wasa na Houston, domin sunga ta leko ta koma, sune suka fara cin kwallo daga baya aka farke aka kara musu na biyu daf a tashi.

5. Sa'o'i 3 da suka wuceGOAL - Brazil 2-1 Japan, Gabriel Martinelli

   Daf da za a tashi dan wasan Arsenal, Martinelli ya samu kwallo ya kuma yi gaba da gaba da mai tsaron bayan Japan ya kuma buga da fadi, domin sai ta bugi turke sannan ta fada raga.

6. Sa'o'i 3 da suka wuce, Brazil 1-1 Japan

   Endrick yana taka rawa ya samu dama daga kusurwa, amma ya buga ta yi kwana.

7. Sa'o'i 3 da suka wuce, Brazil 1-1 Japan

   Casemiro ya fita an kuma sa Fabinho ya canje shi.

8. Sa'o'i 3 da suka wuceMinti 90 ya cika an kuma yi karin lokaci, Brazil 1-1 Japan

   An kara minti shida, bayan da minti 90 ya cika.

   Shin za a ci kwallo a wannan karin lokacin ko kuwa?.

9. Sa'o'i 3 da suka wuce, Brazil 1-1 Japan

   Brazil na sa matsi ta yi bugun tazara kuma mai tsaron ragar Japan ya sa mata hannu ta je wajen Vinicius ya daga kafa ya kuma ja ya buga amma ta je kwana.

   Yana daga hannu magoya baya su ci gaba da kuwa.

10. Sa'o'i 3 da suka wuce, Brazil 1-1 Japan

    Kwallo mai kyau aka sakawa Endrick nan da nan golan Japan ya fito da gudu ya doka ta wajen jiya.

    Brazil na sa kuzari ko za ta samu damar kara na biyu.

11. Sa'o'i 3 da suka wuce, Brazil 1-1 Japan

    Martinelli yana kasa a kwance a gidan Japan, ya yi kokarin sakawa kwallo kai, amma aka riga shi.

12. Sa'o'i 3 da suka wuce, Brazil 1-1 Japan

    Suzuki ya karbi katin gargadi sakamakon wata keta da ya yi a gefen fili daf da za a shiga gidan Japan.

13. Sa'o'i 3 da suka wuceMun shiga saura minti 10 da suka rage a wasan, Brazil 1-1 Japan

    Shin za a kara kwallo na biyu ko kuma haka za su tashi?

14. Sa'o'i 3 da suka wuceJapan ta kara yin canjin ƴan wasa, Brazil 1-1 Japan

    Ao Tanaka da Shuto Machina sun shiga fili su maye gurbin Daichi Kamada da kuma Junya Ito.

    Kawo yanzu Japan ta yi canji hudu, saura daya ya rage mata.

15. Sa'o'i 3 da suka wuce, Brazil 1-1 Japan

    Brazil ta samu damar kara kwallo, kuma iri daya da yadda ta ci ta farko.

    Sai dai kwallon da Rayan ya sakawa kai ta doki keyar mai tsaron bayan Japan ta kuma je kwana.

16. Sa'o'i 3 da suka wuce, Brazil 1-1 Japan

    Gabriel Magalhaes shi ne na biyu da ya raba kwallo 100 ko fiye da aka a gasar kofin duniya dan kasar Brazil tun bayan Dunga da ya yi bajintar linki uku a 1994.

17. Sa'o'i 3 da suka wuceBrazil da Japan kowa ya yi canji, Brazil 1-1 Japan

    Matheus Cunha ya fita, an maye gurbinsa da Gabriel Martinelli.

    Ita kuwa Japan ta fitar da Keito Nakamura da Ritsu Doan ta maye gurbinsu da Yukinari Sugawara da kuma Junnosuke Suzuki.

18. Sa'o'i 3 da suka wuceAn je hutun shan ruwa, Brazil 1-1 Japan

19. Sa'o'i 3 da suka wuce, Brazil 1-1 Japan

    Kadan ya rage Brazil ta kara kwallo, inda Vinicius ya buga ta je ta bugi turke da ya ci ta biyar a gasar nan.

    Tun da aka koma zagaye na biyu Brazil take ta saka matsi a kan Japan.

20. Sa'o'i 3 da suka wuceGOAL - Brazil 1-1 Japan, Casemiro

    Tsohon dan wasan Manchester United, Casemiro aka bugowa kwallo, wanda ya yi tsalle ya saka kai ta fada raga, wasan ya koma 1-1.