BBC News, Hausa
Tsallaka zuwa abubuwan da ke ciki

Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.

Koma shafi mai hoto

Samu ƙarin bayani kan shafin tattalin data

Labarin wasanni daga 21 zuwa 31 ga watan Oktoban 2025

Wannan shafi ne da ke kawo muku muhimman abubuwan da ke faruwa a duniyar wasanni daga Asabar 25 zuwa 31 ga watan Oktoban 2025

Taƙaitattu

Rahoto kai-tsaye

Mohammed Abdu

  1. Turkiya za ta ladabtar da raflin da suke yin caca a fannin taka leda

    Hukumar ƙwallon kafar Turkiya, TFF za ta ɗauki matakin ladabtarwa ga duk raflin da aka same shi ya yi caca a wasan tamaula, bayan da aka gano cewar da damansu suna da asusun yin caca.

    Cikin rahoton da aka bankaɗo alkalan wasan kasar 371 daga 571 da suke kwararrun a Turkiya suna da asusun yin caca, kuma 152 suna yin cacar gadan-gadan.

    Kuma daga cikinsu har da manyan rafli bakwai da mataimaka 15, kuma wasu daga ciki sun yi caca sau 18,227 da kuma guda 42 da suka yi sama da 1,000 da wasu sau ɗaya tal suka yi.

    Idan aka tabbatar da laifin, za a iya dakatar da alkalin tamaula daga busa wasa daga wata uku zuwa shekara ɗaya.

  2. Kocin Tottenham Thomas Frank bai gamsu da Dominic Solanke, mai shekara 28 ba, kuma yana iya neman cefanar da ɗan wasan na Ingila a watan Janairu. (Football Insider)

    Bournemouth ta ki amincewa da tayin fam miliyan 50 daga Manchester United da Tottenham kan ɗan wasan Ghana Antoine Semenyo mai shekara 25, a bazarar da ta gabata. (Telegraph)

    Tottenham na zawarcin Samu Aghehowa na Porto, mai shekara 21, amma ta na fuskantar hamayya daga Arsenal da Newcastle da Nottingham Forest. (Caught Offside)

    Ɗan wasan tsakiya na Portugal Fabio Carvalho, mai shekara 23, zai iya barin Brentford a matsayin aro a watan Janairu don samun damar buga wasa, inda ɗan wasan ke nazari kan komawa gasar Bundesliga. (Florian Plettenberg)

    Manchester United na son sanya hannu kan yarjejeniyar bayar da aron Joshua Zirkzee mai shekara 24 a watan Janairu, yayin da Roma ta shiga jerin ƙungiyoyin da ke zawarcin ɗan wasan na Netherlands. (TBR Football)

  3. Cash zai ci gaba da wasa a Aston Villa zuwa karshen kakar 2029

    Mai tsaron bayan Aston Villa, Matty Cash ya saka hannu kan yarjejeniyar ci gaba da taka leda a ƙungiyar kaka uku da rabi da za ta karkare a 2029.

    Ɗan wasan tawagar Poland ya koma Villa Park daga Nottingham Forest a 2020, kawo yanzu ya buga mata wasa 193 a ƙungiyar

    Tun farko kwantiragin Cash zai kare ne a karshen kakar 2027 - ya fara buga wa tawagar Poland wasa a 2021 da wakiltar kasar a gasar kofin duniya a 2022 a Qatar.

  4. De Bruyne zai yi jinya bayan rauni a lokacin bugun fenariti

    Ɗan wasan Napoli, Kevin de Bruyne zai yi jinya, bayan raunin da ya ji a bugun fenatitin da ya ci Inter Milan.

    Mai shekara 34 ya rike cinyarsa, bayan buga ƙwallon da ya faɗa ragar Inter a minti na 33, daga baya aka sauya shi a karawar.

    Nan da nan aka garzaya da ɗan wasan tawagar Belgium asibiti, daga nan aka fayyace girman raunin da ya ji.

    Napoli mai rike da kofin Serie A, wadda ta doke Inter Milan 3-1 da komawa kan teburin babbar gasar tamaula ta Italiya, ba ta fayyace kwanakin da De Bruyne zai sha jinya ba.

    De Bruyne ya koma Napoli daga Manchester City a cikin watan Yuni.

    Kawo yanzu ya ci ƙwallo huɗu a wasa takwas da karawa uku a Champions League.

  5. Ɗan wasan tsakiya na Ingila Morgan Rogers, mai shekara 23, yana tattaunawa da Aston Villa kan sabon kwantaragi. (Football Insider)

    Barcelona ta gabatar da tayin Yuro miliyan 30 kan ɗan wasan Colombia da Crystal Palace Daniel Munoz mai shekara 29. (Fichajes)

    Juventus na sa ido kan ɗan wasan Chelsea Malo Gusto, mai shekara 22, inda ta ke tunanin zawarcin ɗan wasan na Faransa a watan Janairu. (Calciomercarto)

    Mai riƙe da babban kason hannun jari a ƙungiyar Manchester United Sir Jim Ratcliffe ya dakatar da batun ɗaukar ɗan wasan gaban Poland Robert Lewandowski mai shekara 37, wanda kwantiraginsa a Barcelona zai ƙare a a bazara mai zuwa. (Mirror)

    Manchester United ba ta shirin tsawaita kwantiragin Casemiro a halin yanzu, kuma ɗan wasan na Brazil mai shekara 33 zai iya tafiya a ƙarshen kakar wasa ta bana. (Football Insider)

  6. Juventus ta kori Tudor, bayan da Lazio ta doke ta Serie A

    Juventus ta kori kociyanta, Igor Tudor, bayan rashin nasara a hannun Lazio.

    Ɗan kasar Croatia ya koma ƙungiyar Italiya a cikin watan Mayu da maye gurbin Thiago Motta.

    Sai dai mai shekara 43 ya kasa cin wasa takwas da hakan ya kai Juventus mataki na takwas a teburin Serie A.

    Ranar Lahadi Lazio ta doke Juventus, karo na uku a jere da ƙungiyar ta yi rashin nasara a dukkan fafatawa.

    Juventus ta sanar cewar Massimiliano Brambilla ne zai ja ragamar wasan Serie A da za ta kara da Udinese ranar Laraba.

    Kuma Napoli, wadda ke kan gaba a teburi ta bai wa Juventus tazarar maki shida, wadda ta kasa cin wasa daga biyar da ta kara a bayan nan.

    Juventus tana ta 25 a teburin Champions League a wasannin cikin rukuni, bayan rashin nasara ɗaya da canjaras biyu daga karawa ukun da ta yi.

  7. An tashi wasan, Real Madrid 2-1 Barcelona

    Real Madrid ta bai wa Barcelona tazarar maki biyar tsakani.

    Xabi Alonso ya ci wasansa na farko a matakin kociyan Real Madrid a karawar Clasico.

  8. An bayar da katin gargaɗi, Real Madrid 2-1 Barcelona

    An bai wa golan Real Madrid mai zaman benci, Andrii Lunin katin gargaɗi.

  9. An bayar da jan kati, Real Madrid 2-1 Barcelona

    An bai wa Pedri jan kati, bayan karɓar katin gargadi na biyu, sakamkon yiwa Aurelien Tchouameni keta.

  10. An bayar da katin gargadi, Real Madrid 2-1 Barcelona

    An bai wa Fermin Lopez katin gargaɗi kan ketar da ya yi wa Dani Ceballos.

  11. , Real Madrid 2-1 Barcelona

    Barcelona ta sa ran doke Real Madrid karo na biyar har da huɗun da ta ci a bara, amma hakan bai samu ba daga gareta.

    Spanish La Liga Ranar Lahadi 11ga watan Mayun 2025

    • Barcelona 4 - 3 Real Madrid

    Copa del Rey Ranar Asabar 26 ga watan Afirilun 2025

    • Barcelona 3 - 2 Real Madrid

    Spanish Super Cup Ranar Lahadi 12 ga watan Janairun 2025

    • Real Madrid 2 - 5 Barcelona

    Spanish La Liga Ranar Asabar 26 ga watan Oktoban 2024

    • Real Madrid 0 - 4 Barcelona

  12. , Real Madrid 2-1 Barcelona

    Bayan da lokaci ya cika, an kara minti tara a wasan na hamayya.

  13. Real Madrid ta yi canji, Real Madrid 2-1

    Real Madrid ta cire waɗanda suka ci mata ƙwallaye, wato Kylian Mbappe da Jude Bellingham ta maye gurbinsa da Dani Ceballos da kuma Gonzalo Garcia.

  14. , Real Madrid 2-1 Barcelona

    Kylian Mbappe ya ja ƙwallo zuwa cikin da'irar Barcelona, ya kuma buga amma ta yi faɗi.

  15. Manchester United na nazarin ɗaukar ɗan wasan tsakiyar Borussia Dortmund ɗan ƙasar Ingila, Jobe Bellingham, mai shekara 20 a matsayin aro a watan Janairu. (Express)

    West Ham da Sevilla na zawarcin ɗan wasan gaban Manchester United da Netherlands Joshua Zirkzee, mai shekara 24. (Mirror)

    Manchester City da Tottenham sun shiga jerin ƙungiyoyin da ke sha'awar ɗan wasan tsakiya na Sporting da Denmark Morten Hjulmand, mai shekara 26, inda za su yi hamayya da Manchester United. (Record)

    Liverpool na tunanin zawarcin ɗan wasan gaban Newcastle da Ingila Anthony Gordon, mai shekara 24, da ɗan wasan Bournemouth da Ghana Antoine Semenyo, mai shekara 25. (Football Insider),

  16. , Real Madrid 2-1 Barcelona

    An tsayar da wasan saboda a duba koshin lafiyar ɗan wasan Real Madrid, Eduardo Camavinga.

  17. , Real Madrid 2-1 Barcelona

    Barcelona na kokarin ganin ta farke ƙwallo kuma lokaci na kara kure mata.

    Jules Kounde ne ya buga ƙwallo zuwa wajen Lamine Yamal amma ta yi masa yawa.

  18. Real Madrid za ta bai wa Barcelona tazarar maki biyar, Real Madrid 2-1 Barcelona

  19. Barcelona ta yi canji, Real Madrid 2-1 Barcelona

    Itama Barcelona ta yi canji.

    Inda Raul Araujo da Marc Casado suka maye gurbin Eric Garcia da kuma Ferran Torres.

  20. , Real Madrid 2-1 Barcelona

    Kylian Mbappe ne kan gaba a cin ƙwallaye a Real Madrid a kuma La Liga da Champions League, wanda ya ci 15 ya bayar da biyu aka zura a raga a wasa 12.

    Idan aka haɗa da wasan Lahadi Mbappe ya zura 16 kenan, watakila shi ne zai lashe takalmin zinari a matakin kan gaba a cin ƙwallaye a bana.