Abubuwan da ke faruwa a Najeriya da sassan duniya 23/12/2024

Rahoto kai-tsaye

Usman Minjibir, Isiyaku Muhammed da Aisha Aliyu Jaafar

1. 23 Disamba 2024Dalilin da ya sa aka saki fursunoni 888 a Najeriya

   

   Asalin hoton, Google

   Hukumi a Najeriya sun ce an saki mutum 888 da aka zarga da alaƙa da ta'addanci saboda gaza samun isassun hujjoji a kansu da kotu ta yi.

   Gwamnatin Najeriya ta ce daga 2017 an gabatar da mutum 1,743 daga lokaci na farko zuwa lokaci na shida na sauraren shari'ar da ake yi wa waɗanda ake zargi da ta'addanci da ake tsare da su a gidan yarin Kainji.

   Daraktan gabatar da ƙara na tarayya Mohammed Abubakar Babadoko ne ya bayyana hakan ga manema labarai a yau a Abuja.

   "An yanke wa mutum 742 hukuncin a duka tsawon wannan lokacin - yayin da aka ɗage sauraren ƙarar 92 daga cikin waɗanda ake tuhuma.

   "Idan na ɗauki abin daki-daki a watan Oktobar 2017, an yankewa mutum 50 hukunci an saki 203 yayin da aka ɗage sauraren ƙarar 28.

   "A watan Fabirairun 2018 an yankewa 203 hukunci aka saki 582 sannan aka ɗage sauraren ƙarar mutum 24.

   "A watan Yulin shekarar dai an yankewa 113 hukunci sannan 102 aka sake su - aka ɗage sauraren ƙarar 9.

   "A watan Disambar 2023 an saki mutum ɗaya da aka samu ba laifi sannan kuma an yanke wa 14 hukunci aka ɗage sauraren ƙarar 10.

   "A 2024 da muke ciki a watan Yuli an yankewa 125 hukuncin yayin da aka ɗage sauraren ƙarar 21. A dai shekar an yanke wa mutum 237 hukunci".

   Da haka adadin ya kai yadda aka bayyana a jumlace tun da fari.

2. 23 Disamba 2024An yi kwana 272 ba a ɗauke wutar lantarki ba a Afrika ta Kudu

   

   Asalin hoton, @GovernmentZA

   Gwamnatin Afrika ta Kudu ta ce an kwashe kwana 272 a jere ba tare da ɗauke wutar lantarki ba a Afrika ta Kudu - wanda wannan ne lokaci mafi tsayi da ƙasar ta yi ba tare da ɗauke wuta ba a ƙasar cikin shekaru biyar.

   Ministan Lantarki da makamashi na ƙasar Kgosientso Ramokgopa ne ya bayyana hakan a lokacin da yake bayar da bayani kan nasarorin da aka samu a Pretoria, inda ya danganta nasarar da aka samu ga kamfanin samar da wutar lantarki na ƙasar Eskom.

   Rashin ɗauke wutar ba kawai samar da nutsuwa ya yi ba ya kuma haɓɓaka tattalin arziƙin ƙasa.

   Wannan rashin ɗauke wutar lantarki ya sa gwamnati ta samu damar ajiye rand biliyan 16 daidai da dalar Amurka miliyan 870 in ji Ministan.

   An yi hasashen an samu ƙarin lantarkin daga kashi 55.4 a bara zuwa 62.5 a bana.

3. 23 Disamba 2024Kotun Ƙolin Mozambique ta ce Daniel Chapo ya lashe zaɓen watan Oktoba

   

   Kotun Ƙolin Mozambique ta tabbatar da nasarar ɗan'takarar jam'iyya mai mulki, Daniel Chapo a matsayin wanda ya lashe zaɓen watan Oktoba.

   Alƙalan sun yanke cewa Mista Chapo ya lashe kashi 65 na ƙuri'un da aka kaɗa.Babban abokin hamayyar Chapo,Venancio Mondlane da ya zo na biyu, ya ƙalubalanci sakamakon zaɓen inda ya yi zargin an yi maguɗi.Iƙirarinsa ya haifar da hargitsi a ƙasar da ya janyo mutuwar mutum sama da 100 tare da jefa ƙasar cikin tangal-tangal.Mista Mondlane , da a yanzu yake gudun hijira saboda abin da ya kira barazana ga rayuwarsa, ya yi gargaɗin za a fuskanci tashin hankali idan kotu ta ƙi ba shi nasara a zaɓen.

4. 23 Disamba 2024Bangladesh na son India ta miƙa mata Firaiminista Sheikh Hasina

   

   Asalin hoton, Getty Images

   Bangladesh a hukumance ta nemi Indiya ta mayar mata da tsohuwar Firaiminista Sheikh Hasina domin ta fuskanci shari'a a ƙasarta.

   Sheikh Hasina ta tsere zuwa Indiya bayan wata gagarumar zanga-zangar adawa da gwamnati a watan Agusta.

   Indiya ta ce ta samu saƙon daga ma'aikatar harkokin wajen Bangladesh amma ba ta yi wani ƙarin bayani ba.Ƙasashen biyu na da wata yarjejeniyar miƙa waɗanda ake zargi da laifi.

   Firaiministar da aka hamɓarar na fuskantar shari'a da dama game da zarge-zargen laifukan cin zarafin bil adama da cin hanci da rashawa. Tuni dai ta musanta zarge-zargen da ake mata.

5. 23 Disamba 2024Dalilan da suka sa Man City ke kwasar kaya a kakar bana

6. 23 Disamba 2024An gano Matt Gaetz ya biya kuɗin yin lalata da mata

   

   Asalin hoton, Trump

   Kwamitin ɗa'a na majalisar dokokin Amurka ya gano cewa zaɓin Donald Trump na farko na mutumin da yake son ya zama atoni janar Matt Gaetz, ya biya kuɗin yin lalata da mata da dama - ciki har da wata ƙaramar yarinya.

   Rahoton da aka daɗe ana dako da kwamitin ya fitar ya ƙarƙare cewa akwai hujja mai ƙarfi cewa Mista Gaetz ya saɓa dokokin ƙasa.

   Sai dai ya musanta aikata ba daidai ba kuma ya yi ƙoƙarin hana fitar da rahoton.

   Tsohon ɗan'majalisar ya ajiye aiki a watan Nuwamba.

   Zaɓaɓɓen shugaban Amurka, Trump ya zaɓi Mista Gaetz ya zama atoni janar ɗinsa wanda daga baya kuma ya janye.

7. 23 Disamba 2024Bukayo Saka zai yi jinyar makonni 'masu yawa' - Arteta

   

   Asalin hoton, Getty Images

   Kocin Arsenal Mikel Arteta ya ce ɗanwasan gaba Bukayo Saka ba zai buga wasa tsawon "makonni masu yawa" saboda rauni a bayan gwiwarsa.

   An fitar da ɗanwasan na Ingila a wasan da Arsenal ta doke Crystal Palace 5-1, inda ya bar filin wasa na Selhurst Park da sanduna.

   Saka mai shekara 23 ya ci wa Arsenal ƙwallo tara kuma ya bayar aka ci 13 cikin wasa 24 da hya buga mata a dukkan gasanni.

   "Lamarin babu kyau," in ji Arteta. "Zai yi jinyar makonni masu yawa.

8. 23 Disamba 2024An kama mutumin da ya kashe abokinsa bayan karɓar kuɗin fansa

   

   Asalin hoton, X/Nigeria Police Force

   Kwamishinan ƴansanda a jihar Delta da ke Najeriya, Olufemi Abaniwonda ya ce jami'an rundunar suk kama wasu mutane huɗu da ake zargin su da kashe wani mutum.

   Cikin waɗanda aka kaman har da asalin wanda ya kitsa kisan bayan ya damfari mutumin kudi naira miliyan 30 tare da karɓan kuɗin fansa naira miliyan 20 daga iyalin marigayin.

   Kwamishinan ƴansandan ya ce a ranar 8 ga watan Oktoban 2024 ne aka sanar da rundunar ƴansanda game da ɓatan marigayin mai suna Paulinus Okon, mai shekara 30 a duniya bayan ya bayyana wa iyalinsa cewa zai kai wa abokin nasa ziyara.

   Sai dai abokin ya je gidan su Paulinos yana tambayan inda marigayin yake, tare da bayyana wa iyalin cewa bai san inda yake ba.

   Daga baya ya buƙaci iyalin su bayar da kuɗi naira 500,000 da za a kai wa wani boka, wanda zai yi addu'ar gano abokin nasa.

   Daga baya ya sake komawa inda ya shaida wa iyalin cewa an yi garkuwa da Paulinus, sannan ya karɓi kuɗin fansa naira miliyan 20,715,000 domin karɓo shi.

   Sai dai an kama shi a lokacin da aka fara zargin cewa yana da hannu a ɓatar marigayin.

   Binciken da aka gudanar ya sanay an kamo wadanda ke da hannu a lamarin, inda ɗaya daga cikin su ya shaida wa ƴansanda cewa abokin ne ya kai marigayi Paulinus domin a kashe a rafin Orere da ke yankin Otokutu.

9. 23 Disamba 2024Gwamnan Adamawa ya sanar da ƙirƙirar sabbin masarautu bakwai

   

   Asalin hoton, Ahmadu Umaru Fintiri/Twitter

   Gwamnan Jihar Adamawa da ke arewa maso gabashin Najeriya, Ahmadu Umaru Fintiri ya sanar da ƙirƙiro sabbin masarautu bakwai a jihar.

   Sabbin masarutun sun haɗa da masarautar Huba da ke Hong, da masarautar Madagali da ke Gulak, da masarautar Michika da ke Michika da masarautar Fufore da ke Fufore da masarautar Gombi da ke Gombi, da masarautar Yungur da ke Dumne, sai kuma masarautar Maiha da ke Maiha.

   A cewar gwamnan, sarakunan masarautun Huba da Madagali da Michika da kuma Fufore za su zamo masu daraja ta biyu, yayin da masarautun Gombi da na Yungur da kuma na Maiha an ba su sarki mai daraja ta uku uku.

   ''ƙirƙiro waɗannan sabbin masarautun na da nufin inganta matsayin masarautu wajen samar da zaman lafiya da tsaro da kuma ci gaban jihar,'' a cewar gwamnan.

   Kauce wa X

   Ya kamata a bar bayanan X?

   Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.

   Accept and continue

   Gargadi: BBC ba za ta dauki alhakin bayanan da aka wallafa a shafukan da ba nata ne ba.

   Karshen labarin da aka sa a X

10. 23 Disamba 2024CISLAC ta yi gargaɗi kan cushe a kasafin kuɗin 2025

    

    Asalin hoton, @FMINONigeria

    Cibiyar rajin kyautata ayyukan majalisar dokoki da yaƙi da rashawa a Najeriyar wato CISLAC, ta yi kira da a guji yin cushe a kasafin kuɗin 2025, tare da kira ga gwamnatin tarayya ta tabbatar da kasafta kuɗaɗe kan abubuwan da ƴan ƙasar ke buƙata.

    A wata sanarwa da shugaban cibiyar, Auwal Ibrahim Musa (Rafsanjani), ya fitar, CISLAC ta ce cushe a kasafin kuɗi da kasafta kuɗaɗe masu yawa a ayyukan da ba su cancanta ba, bai dace ba, inda ya yi misali da kasafta wa ma'aikatar wasanni da ta Neja Delta kuɗaɗe waɗanda an riga an rufe su.

    Da take amfani da rahoton babban mai binciken kuɗi na bana, CISLAC ta bayyana wasu kuɗaɗe da aka cire da suka sha banbam, inda ta ce an cire sama da naira biliyan 197.72 domin wasu ayyuka a ma'aikatu tsakanin 2020 da 2021 ba bisa ƙa'ida ba.

    Cibiyar sai ta yi kira ga majalisar da ta yi nazarin kasafin kuɗin cikin mutunci da nagarta.

11. 23 Disamba 2024Arewa ba cima-zaune ba ne a Najeriya – Ndume

    

    Asalin hoton, Other

    Sanata mai wakiltar Borno ta Kudu, Mohammed Ali Ndume, ya ce yankin arewa ba cima-zaune ba idan ana maganar tattalin arziki.

    Ndume ya bayyana haka ne a wata sanarwa, inda ya ce kowace jiha ko yanki da ke ƙasar na buƙatar wani domin ci gaba, kamar yadda Daily Trust ta ruwaito.

    Sanatan ya ce, "yankin Arewa ba zai taɓa zama cima-zaune ba ko mai dogaro da wani yankin saboda muna da arziki.

    "Waɗanda suke tunanin wai waɗannan ƙudurorin harajin arewa zai shafa, ba su fahimta ba ne. Dukkan wani mai ƙaramin samu a ƙasar sai lamarin ya shafe shi."

12. 23 Disamba 2024Biden ya yi rangwame ga waɗanda aka yanke wa hukuncin kisa a Amurka

    

    Asalin hoton, Reuters

    Shugaban Amurka Joe Biden ya yi rangwame ga fursunoni 37 daga cikin guda 40 da aka yanke wa hukuncin kisa a ƙasar, inda ya mayar da hukuncin zuwa ɗaurin rai da rai.

    A yanzu, mutum uku kawai da ke fuskantar hukuncin kisa a matakin tarayya su ne: mutumin da ya jefa bam kan masu tsere a birnin Boston da kuma mutane biyu waɗanda suka kashe masu ibada a wuraren ibada na Kiristoci da kuma na Yahudawa.

    A Amurka ba a cika yanke wa masu laifi hukuncin kisa ba a matakin tarayya, har sai a lokacin mulkin Donald Trump na farko.

    Amma a matakin jiha har yanzu akwai sama da mutum 2,000 a faɗin Amurka waɗanda ke jiran hukuncin na kisa.

13. 23 Disamba 2024Gindaya sharuɗa kan tarukan raba tallafi zai sa a rage taimako - Obi

    

    Asalin hoton, Peter Obi

    Tsohon ɗantakarar shugaban ƙasa a Najeriya Peter Obi ya ce gindaya sharuɗa kan tarukan raba tallafi zai sa ƴan Najeriya da ƙungiyoyi su rage taimakon al'umma.

    Peter Obi ya bayyana haka ne bayan babban sufeto janar na ƴansandan Najeriya ya yi kira ga ƙungiyoyi da ɗaiɗaikun mutane da su riƙa sanar da ƴansanda tare da bin dokokin shirya taruka a duk lokacin da za su raba tallafi.

    Shugaban na ƴansanda ya bayyana hakan ne bayan turmutsutsu wajen rabon tallafi ya jawo asarar rayuwa da dama a ƙasar, wanda Obi ya ce hakan zai sa gwiwar mutane ta yi sanyi wajen taimakon al'umma.

    Tashar Channels ta ruwaito Obi yana cewa, "duk da cewa kashedin yana da muhimmanci, hakan zai a wasu su daina taimakon al'umma. Maimakon a ce dole mutane su nemi izini kafin su taimakawa mutane, zai fi kyau a ba su shawara su ɗauki matakan kauce wa turmutsutsun."

14. 23 Disamba 2024Ƙasashen Sahel sun zargi Faransa da ECOWAS da yunƙurin hargitsa Nijar

    

    Asalin hoton, Burkina Faso Presidency

    Ƙasashen ƙungiyar Sahel wato Burkina Faso da Mali da Nijar sun zargi ƙasar Faransa da shugabannin wasu ƙasashen Afirka ta yamma da yunƙurin kitsa kutse a Nijar domin hargitsa ƙasar.

    Ƙasashen waɗanda suke ƙarƙashin mulkin soji sun ce sun shirya dakarunsu domin jiran ko ta kwana.

    Ministan harkokin wajen Mali, Abdoulaye Diop ne ya bayyana hakan a wani jawabi da ya karanta a tashar ORTM ta gwamnatin ƙasar a ranar Lahadi, inda ya yi gargaɗin cewa ba za su bari hakan ya faru ba.

    Diop ya ce Mali da Nijar da Burkina Faso sun yi watsi da wa'adin wata shida ECOWAS ta ba su na tantance kifewarsu daga ECOWAS.

    Wannan na zuwa ne kwana kaɗan bayan gwamnatin sojin Nijar ta zargi Najeriya da haɗa baki da wasu ƙasashen waje domin hargitsa ƙasar, zargin da Najeriya ta ƙaryata.

15. 23 Disamba 2024Yadda Rasha ke kisan fursunonin yaƙi na Ukraine

    

    Asalin hoton, Facebook

    Dakarun Rasha sun kama sojan Ukraine Oleksandr Matsievsky a shekarar farko da aka kaddamar da yaƙi. Daga baya wani bidiyo ya bayyana da ke nuna shi yana shan taba a daji, kila kusa da ƙabarin da aka tilasta ma shi haƙawa.

    "Nasara ga Ukraine!" ya faɗa wa waɗanda suka kama shi. Daga baya aka ji ƙarar harbi ya faɗi ya mutu.

    Bayan kisan shi akwai wasu da dama.

    A watan Oktoban wannan shekarar, an bayar da rahoton kashe sojojin Ukraine shida da sojojin Rasha suka kama a lardin Kursk.

    Ƙarin bayani - https://bbc.com.im/hausa/articles/cjwly2d3e04o%3C/a%3E%3C/p%3E%3C/div%3E%3C/div%3E%3C/article%3E%3C/li%3E%3Cli class="css-xxlek1">

    23 Disamba 2024Tattalin arzikin Najeriya ya haɓaka a rubu'i na uku na 2024 - CBN

    

    Asalin hoton, CBN X

    Tattalin arzikin Najeriya ya haɓaka da kashi 3.46 a rubu'i na uku na shekarar 2024, daga kashi 3.19 a rubu'i na biyu na shekarar.

    Babban bankin Najeriya ne ya bayyana hakan a cikin rahotonsa, inda ya ƙara da cewa yawanci an samu cigaban ne daga wasu ɓangarorin daban da na albarkatun man fetur.

    Rahoton ya kuma ce hauhawar farashin kayayyaki ya ragu a ɗan tsakankain.

    A ɓangaren man fetur, rahoton ya ce man da ake fitarwa a Najeriya ya ƙaru zuwa ganga miliyan 1.33 a kullum, daga ganga 1.27 da ake fitarwa a rubu'i na biyu na shekarar, wanda rahoton ya ce bai rasa nasaba da tsaro da aka samu a yankin Neja Delta.

    CBN ya ce haɓakar da ake samu na da nasaba ne da ƙoƙarin inganta harkokin kasuwanci a ƙasar.

16. 23 Disamba 2024Turmutsutsu wajen rabon tallafi na nuna akwai talauci da yunwa a Najeriya - PDP

    

    Asalin hoton, PDP

    Babbar jam'iyyar adawa a Najeriya, PDP, ta ce turmutsutsun da aka samu a Najeriya guda uku cikin ƙanƙanin lokaci ya nuna cewa akwai talauci da yunwa a ƙasar, wanda a cewarta yana da nasaba da irin mulkin Shugaban Ƙasa Bola Tinubu.

    Kakakin PDP na ƙasa, Debo Ologunagba ne ya sanar da hakan a wata sanarwa da tashar Channels ta ruwaito, inda ya ce turmutsutsun da ake samu wajen rabon abinci abu ne da za a iya kiyaye aukuwarsu.

    "PDP na baƙin ciki yadda gwamnatin APC te ɗaiɗaita tattalin arzikin ƙasar nan tare da jefa miliyoyin mutane cikin ƙangin talauci da yunwa, inda mutane da dama ba sa iya cin abinci, har wasu suke gwammace tafiya ƙasashen waje suna aiki masu wahala.

    "Akwai takaici ganin duk da ɗimbin arzikin da Najeriya ke da shi, ƴan ƙasar suna rayuwa cikin ƙunci, har ta kai suna mutuwa wajen karɓar abinci.

    PDP ta kuma yi kira ga gwamnatin ta sake duba matakan da ta ɗauka da suka jawo tsadar rayuwa a ƙasar.

17. 23 Disamba 2024Dole a tabbatar da ƙudurin haraji na Tinubu - Clark

    

    Asalin hoton, Google

    Dattijon yankin kudu maso kudu, Edwin Clark ya ce bai ga dalilin da gwamnonin arewa za su nuna adawa ga ƙudurorin gyara haraji na shugaban ƙasa Bola Tinubu ba.

    Clark ya ce, "ni dai na san dole a tabbatar da ƙudurin harajin," in ji shi a tattaunawarsa da tashar Channels.

    Clark, wanda shi ne jagoran ƙungiyar ci gaban yankin Neja da Delta ta Pan Niger Delta Forum (PANDEF), ya ƙara da cewa, “na yi mamaki lokacin da na ji gwamnoni 19 na arewa sun yi wani taron daban. Idan gwamnoni 36 sun yi taro, me zai sa ku sake yin wani taron daban kuma? ina ganin yawancinsu ba su fahimci abin da suke ƙoƙarin aikatawa ba. Ya kamata su daina jijji da kai da suke yi."

    Ya ƙara da cewa dole shugaban ƙasa ya sa hikima wajen shuganci domi, "wasu tsirarun mutane na ƙoƙarin mayar da ƙasar tamkar tasu."

18. 23 Disamba 2024Gwamnatin Najeriya ta ba da hutun bukukuwan Kirsimeti da Sabuwar shekara

    

    Asalin hoton, Tinubu/X

    Gwamnatin tarayya ta bayar da hutun aiki a ranar Laraba 25 da Alhamis 26 ga watan Disamban 2024 domin bukukuwan Kirsimeti da Sabuwar Shekara.

    Ministan harkokin cikin gida, Olubunmi Tunji-Ojo ne ya sanar da hakan a wata sanarwa da babban sakatariyar ma'aikatan, Magdalene Ajani, ta fitar a ranar Litinin.

    Tunji-Ojo ya miƙa gaisuwarsa ga ƴan Najeriya, sannan ya yi kira gare su yi amfani da lokacin bukuwan domin nuna ƙauna da kira ga zaman lafiya.

    Ya ce gwamnatin Najeriya a shirye take ta cigaba da tabbatar da zaman lafiya da tsaro da ci gaban ƙasar, sannan ya taya kiristoci murna, tare da musu fatan alheri.

19. 23 Disamba 2024Dukkan makaman Syria za su dawo ƙarƙashin gwamnati - al-Shara

    

    Asalin hoton, AFP

    Sabon shugaban Syria, Ahmed al-Sharaa, ya ce yana fatan tattara dukkanin makamai domin su dawo ƙarƙashin ikon gwamanati, ciki har da wanda ke hannun dakarun Ƙurdawa, duk da bai bayyana lokacin tabbatuwar hakan ba.

    A wani taron manema labarai da ministan harkokin wajen Turkiyya, Hakan Fidan, a Damascus, Al-Sharaa ya ce za a haɗe dukkanin ƙungiyoyi masu ɗauke da makamai cikin sojojin ƙasar.

    Wakilin BBC ya ruwaito cewa shugaban ya dage kan cewa dole ƴan Syria su haɗa kansu wuri guda ba tare da ba wata ƙasa dama tana musu katsalandan ba.

    Shi ma ministan harkokin wajen Turkiyya, Hakan Fidan ya ce mayaƙan Ƙurdawa ba su da makoma a Syria, tare da kira a rushe mayaƙan YPG da ke samun goyon-baya Amurka, da suka taimaka wajen daƙile IS a 2017.

    Turkiyya da ke mara wa Al-sharaa baya na ganin YPG a matsayin wani ɓangare na ƙungiyar PKK da gwamnatin Turkiyya da yammaci suka ayyana a matsayin ƴan ta'adda.