Wannan shafi ne da zai ke kawo muku labarin wasanni kai tsaye daga sassan duniya daga ranar Laraba 14 zuwa 16 ga watan Mayun 2025.
Mohammed Abdu
Cristiano Ronaldo ya ce yana alfahari da ɗansa, wanda ya buga wa tawagar Portugal ta matasa ƴan kasa da shekara 15 tamaula.
Ɗan gidan Ronaldo ya shiga karawar a minti na 54 a wasan da Portugal ta doke Japan 4-1 a wata gasa a Croatia ranar Talata.
Yaron mai shekara 14 ya buga wasan, inda kakarsa, Dolores Aveiro itama ta kalli wasan jikan nata.
Ɗan Ronaldo yana takaleda a Al-Nassr ta Saudi Arabia.
Asalin hoton, Getty Images
Ɗan wasan tawagar Ingila mai taka leda a Nottingham Forest, Morgan Gibbs-White an dakatar da shi daga tuka mota wata shida, bayan da aka same shi da laifin tukin wuce sa'a.
An samu matashin mai shekara 25 da laifi har karo shida a yankin Radcliffe-on-Trent a Nottinghamshire tsakanin watan Disambar 2024 zuwa Fabrairun bara.
An ci tarar Gibbs £3,996 a wata kotun majistare.
Asalin hoton, PA Media
Real Madrid za ta kara da Real Mallorca a wasan mako na 36 a La Liga ranar Laraba.
Tuni Carlo Ancelotti ya sanar da ƴan wasan da za su karɓi bakuncin Mallorca a Santiago Bernabeu.
Real Madrid tana ta biyu a teburin La Liga da tazarar maki bakwai tsakani da Barcelona ta ɗayaƳan wasan Real Madrid:Masu tsare raga: Courtois, Fran González da kuma Sergio Mestre.Masu tsare baya: Vallejo, Fran García, Asencio, Youssef, Jacobo, David Jiménez da kuma Mario Rivas.Masu buga tsakiya: Bellingham, Valverde, Modrić, Arda Güler, Ceballos da kuma Chema.Masu cin ƙwallaye: Mbappé, Endrick, Brahim, Gonzalo da kuma Víctor Muñoz.
Asalin hoton, Getty Images
Vinicius Jr da Lucas Vazquez za su sha jinya, sakamakon raunin da suka ji a wasan El Clasico da Barcelona ta yi nasara 4-3 a karshen mako - kamar yadda Real Madrid ta sanar ranar Talata
Vinicius wanda ya ci kwallo 11 da bayar da bakwai aka zura a raga a lik ya ci karo da koma baya a lokacin da saura wasa uku ya rage a kamala La Liga ta bana.
Sai dai Real Madrid din ba ta fayyace ranakun da ƴan wasan za su warke ba.
Real din tana fama da yan wasan da ke jinya da ya hada da Dani Carvajal da Eder Militao da Eduardo Camavinga da Antonio Rudiger da Ferland Mendy da kuma David Alaba.
Real, wadda za ta buga Club World Cup a watan gobe, za ta karbi bakuncin Mallorca a yau Laraba a gasar La Liga.
Asalin hoton, Getty Images
Kotun daukaka kararrakin wasanni ta duniya ta kori karar da Uruguay ta shigar tare da ƴan wasanta, kan hukunci da hukumar kwallon kafar Kudancin Amurka ta yanke.
An ci tarar Uruguay da wasu ƴan wasan, sakamakon bai wa hammata iska da aka yi tsakanin magoya bayan Colombia da na Uruguay.
Bayan da Colombia ta yi nasara cin 1-0 a daf da karshe a Copa America, sai ƴan wasan Uruguay suka haura benan zaman yan Colombia suka rufe su da duka – daga nan hatsaniya ta barke.
Cikin waɗan da aka dakatar har da ɗan wasan Liverpool, Darwin Nunez da Rodrigo Bentancur na Tottenham.
Sauran sun hada da Matias Olivera da Ronald Araujo da Kyaftin, Jose Maria Gimenez.
Wadanda aka ci tara kuwa sun hada da Sebastian Caceres da Brian Rodriguez da Matias Vina da Emiliano Martinez da Santiago Mele da kuma Facundo Pellistri.
Asalin hoton, Getty Images
Barcelona na fatan lashe La Liga na bana kuma na 28 jimilla a bana.
Ƙungiyar da Hansi Flick ke jan ragama ta samu wannan damar a kakar nan, bayan da take ta ɗaya a kan teburin La Liga da tazarar maki bakwai tsakani da Real Madrid ta biyu mai rike da kofin bara.
Real Madrid za ta buga wasan La Liga ranar Laraba da Mallorca, sai dai da zarar ta kasa nasara a karawar za a bai wa Barcelona kofin bana.
Barcelona ta lashe La Liga karo uku a ranar 14 ga watan Mayu.
Sai dai koda Real ta ci Mallorca, za a bai wa Barcelona La Liga ranar Alhamis idan ta doke Espanyol.
Asalin hoton, Getty Images
Mai tsaron bayan Juventus, Pierre Kalulu ba zai buga wasa biyu da suka rage a bana ba, sakamakon jan katin da aka yi masa a karawar da suka tashi 1-1 da Lazio a karshen mako in ji mahukuntan Serie A.
Kalulu, wanda ya buga wasa 29 a bana, ba zai buga wasan da Juventus za ta yi da Udinese da kuma na Venezia ba.
Juventus tana ta hudu a kan teburin babbar gasar tamaula ta Italiya da maki iri daya da na Lazio ta biyar – tana kuma fatan samun gurbin Champions League a badi.
Asalin hoton, Getty Images
An yi wa ɗan wasan gaba na ƙungiyar Nottingham Forest, Taiwo Awoniyi allurar bacci mai nauyi domin taimaka masa farfaɗowa daga tiyatar da aka yi masa a cikinsa, kamar yadda bayanai suka tabbatar.
Ɗan wasan ɗan asalin Najeriya, an garzaya da shi asibiti ne domin fuskantar tiyata a ranar Litinin, bayan ya samu mummunan rauni a cikinsa a wasan da aka tashi canjaras, 2-2; tsakanin ƙungiyarsa da Leicester a gasar Premier ta Ingila.
Asalin hoton, X/@NFFC
Sampdoria ta fadi daga Serie B ta bana a karon farko a tarihinta na shekara 78.
Ƙungiyar da ke birnin Genoa ta ci karo da wannan koma bayan, sakamakon canjaras da Juve Stabia a wasan karshe a Serie B.
Kenan ta karkare a mataki na 18 a kasan teburi da tazarar maki ɗaya tsakani da Salernitana.
Asalin hoton, Getty Images
Jama'a barkan mu da saduwa a cikin shirin sharhi da bayanai kai tsaye kan labarin wasanni tare da Mohammed Abdu Mamman Skeeper Tudun Wada Kano.
