Isra'ila ta kai wa sojin Masar hari 'cikin kuskure', ta tsananta hari kan Gaza

Rahoto kai-tsaye

Abdullahi Bello Diginza and Umar Mikail

1. 22 Oktoba 2023MDD ta buƙaci a bar motocin agaji su shiga Gaza yau Lahadi

   

   Asalin hoton, Getty Images

   Shugaban Hukumar Agaji ta Majalisar Dinkin Duniya ya ce yana fatan za a ƙyale motocin kayan agaji kashi na biyu shiga Gaza a yau Lahadi.

   Martin Griffiths, ya ce an cimma yarjejeniya da Masar kan ƙyale manyan motocin kayan agaji tsallakawa ta iyakar Rafah.

   A jiya Asabar manyan motoci 20 ɗauke da magunguna da abinci suka wuce ta mashigar.

   Mista Griffiths, ya yi kiran da a sanya man fetur a cikin kayan da za a kai Gaza.

   Hukumomin Majalisar Dinkin Duniya sun bayyana halin da ake ciki a Gaza a matsayin mai tayar da hankali, sannan sun ci gaba da nanata kiran a tsagaita wuta.

2. 22 Oktoba 2023Marabanku

   Masu bin mu a shafin BBC Hausa kai-tsaye barkanmu da hutun ƙarshen mako.

   Abdullahi Bello Diginza ke fatan kasancewa da ku a daidai wannan lokaci, domin kawo muku labaran abubuwan da ke faruwa a sassa daban-daban na duniya.

   Kuna kuma iya tafka muhawara kan labaran da muke wallafawa a shafukanmu na sada zumunta da muhawara.