Wannan shafi ne da ke kawo muku labaran abubuwan da ke faruwa a Najeriya da sauran sassan duniya.
A'isha Babangida and Ahmad Tijjani Bawage
Asalin hoton, Presidency
Ministan wutar lantarki - Adebayo Adelabu
Ministan harkokin tattalin arzikin teku - Adegboyega Oyetola
Ministan kwadago da daukan aiki - Simon B. Lalong
Ministan harkokin cikin gida - Bunmi Tunji-Ojo
Ministan Babban Birnin Tarayya - Nyesom Wike
Asalin hoton, Getty Images
Shugaban kwamitin majalisar wakilai kan cutar HIV, tarin fuka, da zazzabin cizon sauro, Amobi Godwin Ogah, ya yi kira ga gwamnatin tarayya da ta kafa dokar ta-baci dangane da cutar zazzabin cizon sauro sakamakon mummunar illar da take yi wa ‘yan kasa.
Ogah, mai wakiltar mazabar Isuikwuato/Umunneochi na jihar Abia, ya ce ya buƙaci hakan ne duba da irin barazanar da zazzabin cizon sauro ke yi wa al'umma, ya zama dole a mayar da hankali wajen kawar da sauro, wanda shi ne ya fi kashe mutane a duniya.
Ya kara da cewa kwamitin majalisar na sane da kalubalen da ake fuskanta wajen yakar wadannan cututtuka kuma za su hada kai da masu ruwa da tsaki domin ganin an yi amfani da kudaden da aka ware yadda ya kamata.
Ogah kuma ya bukaci gwamnatoci a dukkan matakai da su kara kaimi wajen kawar da sauro.
Asalin hoton, Presidency
Karamin Ministan Noma da Abinci - Aliyu Sabi Abdullahi
Ministan yada labarai da wayar da kan jama'a - Muhammad Idris
Ministan kula muhalli - Ishak Salako
Ministan kudi da hadin kai na tattalin arziki - Wale Odun
Ministan sadarwa da kirkire-kirkire da tattalin arzikin dijital - Bosun Tijani
Asalin hoton, Presidency
Ministar yawon bude ido - Lola Ade-John
Ministan harkokin 'yan sanda - Imaan Sulaiman-Ibrahim
Karamin ministan lafiya da walwalar jama'a - Tunji Alausa
Ministan Karafa- Shuaibu A. Audu
Karamin Ministan Ilimi - Yusuf T Sununu
Asalin hoton, Presidency
Karamin Ministan Gidaje da Raya Birane - Abdullah T. Gwarzo
Ministar fasaha da al'adu - Hannatu Musawa
Ministan gidaje da raya birane - Ahmed M. Dangiwa
Karamar Ministar Babban Birnin Tarayya - Mairiga Mahmud
Ministan kasafin kudi da tsare-tsaren tattalin arziki - Atiku Bagudu
Wasu daga cikin ministocin da aka rantsar ya zuwa yanzu su ne:
Ministan wasanni - John Eno.
Ministan harkokin Neja-Delta, Abubakar Momoh.
Ministan ayyuka - David umahi
Ministan sufurin jiragen sama - Festus Keyamo
Ministar bayar da agaji da kawar da talauci - Betta Edu
Ministan ma'adanai, Dele Alake
Ministan kirkire-kirkire na kimiyya da fasaha - Uche Nnaji
Ministan harkokin cikin gida - Sa’idu A. Alkali
Ministan Masana'antu da ciniki da zuba jari - Doris Anite
Ministan tsaro - Muhammed Badaru Abubakar
Asalin hoton, VILLA
Asalin hoton, BOLA TINUBU?TWITTER
Ministocin da za a nada a Najeriya sun fara isa wurin da za a rantsar da su, yayin da suke shirin karbar mukamansu a hukumance da kuma fara ayyukansu.
A cikin wannan wata ne Majalisar Dattijan Najeriya ta kammala amincewa da sunayen da Tinubu ya gabatar mata domin tantancewa a matsayin ministoci.
Asalin hoton, Reuters
Yayin da aka kirga fiye da rabin kuri’un da aka kada a zaben shugaban kasar Ecuador, ‚yar takarar shugaban kasar Luisa Gonzalez ce ta samu nasara a zagayen farko da kuri’u fiye da kashi 33 cikin 100.
Mai biye mata, shi ne dan kasuwar nan Daniel Noboa Azin da ya samu kashi 24 cikin 100 na kuri’un.
A yanzu za a yi zagaye na biyu na zaben ne a watan Oktoba mai zuwa.
Zabukan sun taso ne bayan shugaban kasar na yanzu Guillermo Lasso ya rushe majalisar dokokin kasar domin gudun kada a tsige shi.
An yi yakin neman zaben kasar ne a cikin yanayi na tashe tahsen hankula da kuma rikicin ‘yan daba.
Yawancin 'yan takara a zaben sun sanya rigar kariya daga harsashi da kuma hular kwano a lokacin da suka je kada kuri'unsu.
Asalin hoton, AFP
Kungiyar kare hakkin dan adam ta Human Rights Watch, ta zargi masu tsaron iyakar Saudiyya da kashe daruruwan 'yan ci ranin Habasha da suka yi kokarin tsallakawa don gujewa wuraren da ake yaki a Yemen cikin dabara.
Ta ce masu tsaron iyakar sun kashe akalla mutane 650 tun daga farkon shekarar data wuce.
Wata jami'a a kungiyar Nadia Hardman ta bayyana cewa masu tsaron iyakar Saudiyya sun harba abubuwan fashewa tare da harbin 'yanci rani da ma masu neman mafaka a kusa da iyakar kasarsu da Yemen.
Kungiyar ta shafe watanni tana tattara shaida, bayan Majalisar Dinkin Duniya ta yi irin wannan zargi a bara.
A watan Maris, gwamnatin Saudiyya ta yi watsi da duk wasu zarge zargen cewa dakarunta na da hannu a kisan da ake yi a iyakarta.
Masu bin mu a wannan shafi na kai tsaye, barkan mu da warhaka.
Aisha Babangida ke fatan kuna lafiya a wannan safiya ta Litinin, inda za mu kawo muku labaran da ke faruwa a Najeriya da sauran sassan duniya.
Za ku iya bin shafukanmu na sada zumunta domin tafka muhawara kan labaran da muke kawo muku.
