Kalli yadda aka yi bikin naɗin sarautar Sarkin Ingila, Charles III

Wannan shafi ne da ke kawo muku ƙayatattun abubuwan da ke faruwa a wurin naɗin Sarki Charles III, kai-tsaye daga birnin Landan

Rahoto kai-tsaye

Haruna Kakangi and Buhari Muhammad Fagge

6 Mayu 2023Biki ya kankama, Sarki Charles ya fito fadar Buckingham a cikin keke mai adon zinare
Asalin hoton, Reuters
Asalin hoton, PA Media
6 Mayu 2023Abin da ya sa ba zan kalli bikin naɗin Sarki Charles ba
6 Mayu 2023Firaiministan Burtaniya: Za a shiga sabon ƙarni
Firaiminista Burtaniya Rishi Sunak ya bayyana wannan rana ta yau a matsayin "gagarumin lokacin da ƙasa ba za ta manta da shi ba" kuma "lokacin haskakawar Burtaniya a sabon yanayi".
"Babu wata ƙasa da za ta iya shirya wannan biki kamar haka" ya wallafa a Twitter.
Ya kuma bayyana wannan taron a matsayin sabon ƙarni da za a shiga.
Ya kuma kammala rubutun Twitter ne da cewa "Allah ya taimaki Sarki".
6 Mayu 2023Matar shugaban Amurka ta isa Westminster
Asalin hoton, Reuters
Bayanan hoto, Jill Biden
Mutane sun yi mata maraba, yayin da Dr Jill Biden, wato mai ɗakin shugaban Amurka, Joe Biden ta isa cocin Westminster a cikin jerin-gwanon motoci uku.
Ta isa wurin ne tare da jikarta Finnegan.
Asalin hoton, PA Media
6 Mayu 2023Shugaban cocin Ingila Justin Welby yana tarbar baƙi a cocin Westminter
Asalin hoton, PA Media
Bayanan hoto, Justin Welby
6 Mayu 2023An fara bukukuwa gabanin bayyanar Sarki Charles yayin da ake yayyafi a birnin Landan
Yanzu haka dai abubuwa sun fara kankama, musamman a fadar Buckingham da ke birnin Landan wurin naɗin sarautar Sarki Charles.
Tuni masu kallo suka yi dafifi domin ganin abubuwan da za su wakana.
Ko a cikin tsakar dare an ci gaba da hada-hada a birnin Landan, inda mutane suka hallara a wurare na musamman domin ganin yadda bukukuwan za su gudana.
6 Mayu 2023Birnin Landan ya ɗau harama
Birnin Landan ya ɗau harami, an kuma kammala duk wasu shirye-shiryen naɗin sarautar sarki Charles na uku, nan da sa'a guda za a fara gagarumin bikin, irin shi na farko shekaru 70 da suka wuce.
A wannan wuri aka naɗa mahaifiyar Sarki Charle, sarauniya Izabel da 2, a ranar 2 ga watan Yunin shekarar 1953, ta na matashiya 'yar shekara 25, bayan rasuwar mahaifinta Sarki George na 6.
An tsaurara matakan tsaro, an kuma girke dubban 'yan sanda.
Dandazon mutane sun kwashe daren jiya a wajen Fadar Buckingham, domin su shaida duk abubuwan da za su faru kama daga fitowar Sarki Charle na 3 da Sarauniya Camilla daga fadar zuwa Westminster Abbey.
Sama da fitattun mutane da shugabannin ƙasashe, da sarakuna 2,000 ne za su shiga Westminster don shaida ɗorawa sabon sarkin kambu mai ɗauke da duwatsu masu daraja har 444, ciki akwai zinare, da lu'u-lu'u da yakutu.
6 Mayu 2023Ana share barandar da Sarki Charles zai ɗaga wa masu kallo hannu
Asalin hoton, Reuters
Ana yin shara ta ƙarshe a barandar sama ta fadar Buckingham gabanin fitowar Sarki Charles domin ɗaga wa masu kallo hannu a jerin abubuwan da za a yi na naɗin sarautar sa a yau.
5 Mayu 2023Naɗin sarautar Sarki Charles III
Jama'a barkanmu da warhaka.
Wannan rana ce mai ɗimbin tarihi inda ake bikin naɗin Charles III a matsayin sarkin Ingila.
Sarkin ya samu hawa kan wannan karaga ce bayan rasuwa mahaifiyarsa Sarauniya Elizabeth II a ranar 8 ga watan Satumba, 2022.
Rana ce ta baje-kolin daɗaɗɗiyar al'ada wadda ta samo asali sama da shekaru 1,000 da suka gabata.
Wannan shafi zai kawo muku duk abubuwan da suke faruwa kai-tsaye daga birnin Landan.
Ku latsa alamar kunnawa da ke sama domin kallon yadda komai ke faruwa kai-tsaye.
A sha kallo lafiya!